| . . مـتـابـعة طـلـبات الإلحاق لدى الوزارة . . | (4)

حياك الله ،،

إيش يخليك واثق تمامًا إن الوزير الجديد أفضل من القديم في هذه النقطة؟!
نقول إن شاء الله يضمكم جميعًا .. ولكن لا توجد مؤشرات أساسًا بإصلاح مافات !!!

بالعكس الدكتور عزام الدخيّل نجح تمامًا في التعليم العام وأخفق نوعًا ما في التعليم العالي والإبتعاث!
الوزير الجديد، لا نعلم حقيقة كم من الوقت سيستغرق لإصدار أول قرار لأنه يجب عليه قضاء عدة أشهر لمعرفة أنظمة وآلية الوزارة!

أفضل الحلول كما ذكرت سابقًا، يجب فصل وزارة التعليم العالي عن التربية والتعليم!
وزارتين جدًا جدًا جدًا صعبه!!

ان شاء الله الوزير الجديد يصحح الاخطاء الفادحة اللي ارتكبها الاحمق اللي قبله
والله المبتعثين هم اكثر ناس مسحوب عليهم ومحد داري عنهم والمشكلة الاكبر انهم مستقبل الوطن بس مع الاسف محد مهتم فيهم
و اتفق مع اخوي حروف متناثره وزارتين مع بعض صعبة لازم يشوفون لهم حل ولا المبتعثين راح يضلون يعانون من القرارات الخاطئة
ما اقول الا الله يطرح البركة في الوزير الجديد وان شاء الله يصحح القرارات ويسهل الابتعاث ويضم الدارسين على حسابهم الخاص

وزارتين في وزارة وحده مو صعبه لانه كلها داخله في التعليم وثاني شي السعودية شنو تفرق عن الدول الثانيه ؟؟ الدول الثانيه وزارتين في وحده من زمان بس المشكله تدري شنو ؟؟ المشكله أن بعض الناس ما ينحطون في اماكنهم الصحيحه ولا يعرفون يديرون الأمور أما عن وزارتين في وزارة وحده هذا الصحيح وأفضل من قبل وفيه بعد بعض القرارات الي حطها الملك سلمان الله يطول بعمره كانت قرارات صحيحه فكفى اللوم على أن وزارتين في وزارة وحده خطاء لأنه أصل الوزارتين هي وزارة وحده وهدفها واحد وهو التعليم

اولاً الوزير له تغريده في هاشتاق مناشدة الدارسين يعني لا يخفى عليه حجم المعاناة ثانياً قرارات تعطيل انضمام الدارسين كانت ارتجالية من عزام بتطبيق الشروط وعدم التخاذل فيها وسبق ان اخذ موافقة مجلس الشورى مدري الوزارء بصلاحيته بتطبيق الشروط ثالثاً اكثر من 20000 الف مبتعث انهو دراستهم يعني مافيه مصروفات اضافيه حط هذا مكان ذا والدليل مصروفات الابتعاث 22 مليار لها ثلاث سنوات ماتزيد ولا تنقص حسب اطلاعي على وزارة المالية ومسألة دمج الوزارتين بيحلها الوزير باستقلالية الجامعات ويقدر يحط مسوؤل على وكالة الابتعاث ويحاسبه اذا قصر عكس عزام الي كان في كل صغيره وكبيره حتى اعلاميا يجرد مسؤليين علاقات عامة بالوزارة تم تهميشهم من عزام علشان يجمع متابعين في تويتر وقرار اقالته توقعي بسبب تضخم مشكلات التعليم خاصة العالي وشكاوي مدراء الجامعات عليه واختلف معك في نجاحه في التعليم العام ماسوى شيء اصلاً وتوقعي وظيفتك وبعثتك بيلتغي مع المرحله الجايه في رمضان وبتتذكر كلامي لانه فيه توجه حكومي لتوجيه الشباب للقطاعات الخاصه وتخفيف العبء على الدوله من ناحية التوظيف

الشيء المفيد الي سواه عزام علشان مااظلمه هو الغاء ترقية البعثه + الغاء الملتقيات اما قرارته الباقيه ظلم واحجاف لشريحة كبيرة خاصة موضوعنا و المنح الداخلية الي سحبها من الطلاب والطالبات

ونسيت شيء طبعاً الي هو شرط 5 ايلتس لتمديد فترة اللغه قرار ممتاز طبعاً بسبب ماشفته من اهمال كبير للطلبه طبعاً هذا اذا صار مبتعث اما الدارسين لا تلومه اذا اخذ سنوات في فترة اللغه بسبب وضعه المادي والنفسي

متى مددو فتره الايلتس ؟

يقصد انك ماتقدر تمدد اللغة الا بدرجة 5 في الايلتس
يعني ادا خلصت سنة وجيت بتمدد لازم تجيب 5 في الايلتس لجل يمددو لك

صبحكم الله بالخيرات شباب,

،بي نعرف في إنضمام أو لا ؟

عشان نشوف الوضع, نكمل بكلية الجبيل أو نطلع برى و هو الأفضل, لاكن نبي نعرف أوضاع الإلحاق.

و مشكورين

للأسف للان الأوضاع مثل ماهي ما تغير شي تلتحق بعد ٣٠ ساعه جامعية