مساعدة أرووح أمريكا أو أبقى في الجامعة ،، نحتاج مشورة

وعليكم السلام ورحمة الله وبركاته
بالنسبة للعمر مافي مشكلة ان شاء الله أنا زيك بكمل 25 نهاية السنة ومتخرج لي حول سنين وبستقيل وبطلع باذن الله وماراح ادرس لغة (اختبرت ايلتس)
بس مثل ما قلت الإلحاق صار اصعب ولازم 30 ساعة اكاديمية يعني يبيلك مبلغ جامد معك
ثاني شيء اللي درسته في فيصل ما تقدر تعادله هناك بجامعات برا ؟ لأنه حرام يروح اللي درسته خصوصا لو جبت بمواد سي مثلاً
وبالنسبة للمكرمة الملكية ما يستفيد منها الا طلالب اللغة

باختصار ، لا تطول في التفكير و تضيع عمرك.
احسبها .. شف المبالغ اللي عندك .. و شف هل بإمكانك تدرس في الخارج إلى أن تلقى الإلحاق في البعثة على ابعد التقديرات الممكنة أم لا تستطيع . و خطط لخياراتك البديلة في حالة عدم قدرتك على مواصلة الانتظار إلى أن تجد الإلحاق .
و شوف خطتك هل سليمة أو لا و ابني عليها قرارك.

بالنسبة لجامعة الملك فيصل ، هل فيه إمكانية للرجوع ؟ هل فيه إمكانية لتحويل دراستك إلى جامعة أخرى ؟
لا بد تكون عندك إجابة لهذا السؤال ، لأنه ممكن تحسب حساباتك للدراسة على الحساب الخاص فتجد أنه ما يمديك ، و بالتالي لازم تفكر في خياراتك في الداخل .
أنا نصيحتي - إذا ما مشى معك موضوع الدراسة في الخارج - ألا تنسحب من الدراسة ، فالهندسة شهادة تبي تعزك بإذن الله.
إذا ما امداك على الخارج ، مباشرة فكر في خياراتك الداخلية و قرر بأسرع وقت.

بالنسبة للدراسة في الخارج ، أنا ودي أدرس و عندي قبولاتي جاهزة في اللغة لمدة ثلاثة أشهر و مباشرة على الماجستير اللي عندي قبول فيه مشروط بهذي الدورة أبو ثلاثة أشهر .
لكني يجيني أحيانا خوف شديد أن الوضع بدا في التغير .
إذا ما تعرف ، عندنا هنا ضجة كبيرة صايرة من الناس اللي انقبلوا للدراسة في برامج الموازي و مدفوعة التكاليف ، جاك الوزير الدخيل و ألغى كافة البرامج الموازية .
طبعا قراره ما كان واضح هل يقصد التقديمات الجديدة أم يشمل أيضا الناس اللي قدموا في التقديمات الأخيرة و انقبلوا و أخذوا بطاقاتها الجامعية و ينتظرون الدراسة بعد أسبوعين .
لكن اليوم شفت خطاب ثاني كأنه يقول أنه نعم يشمل حتى المقبولين . تعميم وزير التعليم الأخير بخصوص إيقاف التعليم الموازي - منتديات جامعة الملك عبد العزيز

الرابط في الموضوع ، إذا المصيبة هذي حصلت على المقبولين في الدراسة للبرامج الموازية (المسائية اللي برسوم دراسية) في الداخل ، فهل ستطال في مرحلة تالية الدارسين على حسابهم الخاص في الخارج؟
أم أن المبررات مختلفة ؟ (هم يقولون أن الجامعات السعودية تبحبحت في فتح برامج موازية و صارت تقبل كل من هب و دب و جودة التدريس أي كلام - هذا كلامهم)
فهل المبررات مختلفة ؟ أم أنها تقليص سيطال حتى في الخارج ؟

ما أدري وش رأي الإخوان في هذا الكلام؟ هل الدراسة على الحساب الخاص ستكون مثل ما كانت في العشر سنوات الماضية أم أن السياسة تغيرت ؟

بالنسبة للإلحاق في البعثة للطالبين على حسابهم الخاص ، فما لها علاقة بشروط برنامج خادم الحرمين الشريفين للابتعاث.
يعني العمر ما له علاقة و كذلك عدد سنوات التخرج .
لكن لتطمئن ، رح لوزارة التعليم (موقع وزارة التعليم العالي على شارع المعذر بعد الانتركونتانينيتال) أو لإدارة الابتعاث على شارع العليا بحي الغدير ، و تأكد منهم.
طبعا بالرياض؟

حلمك لا تضيعه في جامعات مستواها ضعيف ( بصراحة ) , و لا تيأس,

1/ الذهاب , أكيد, مو شرط أمريكا, شوف مكان أرخص لو لا يوجد المادة الكافية, و أحسب كم بتحتاج حق ال 30 ساعة.
2/ تأكد من الملحقية بأمريكا, و الوزارة, و أسأل اللي راحو, و لو حاب تختصر ( خد الأيلتس ).
3/ما أعتقد لهم شغل بما أنك بتطلع على حسابك,

الله يوفقك و يوفقنا معاك.

مشاركاتكم جدا جميله وأفادتني ،،


وباذن تكفي الميزانية وبتوكل على الله ،، بعد الايلتس
اشكرك اخوي احمد للاضافة المفيدة

الاخ هاجيمي ،، شوف امرك ولاتردد لان كلامهم كثير ويمكن مايطبقونه وينقضي العمر ولارحت


لايت ماجيشين ،، كلامك عين الصواب .


الله يوفقكم .

الله

لامست نقطة حساسة

أنا أعرف الابتعاث من 2007 و في هذا المنتدى (ليس بهذا المعرف) ، و شد و جذب و صراعات داخلية و أسئلة و استفسارات و كلام هنا و كلام هناك و يمكن يبتعثوني و يمكن لا ... ، و إلى الآن ما حسمت موقفي ، و كل ما يمضي الوقت كل ما يصعب ، لأني قبل كنت خفيف ، الآن العيال كبروا و زادوا و هذا اللي مخليني أتردد أكثر ، و لذلك أنا نصحتك أنك لا تتردد ، احسب أمورك زين و توكل على الله في القرار اللي تبي تاخذه سواء هنا أو هناك
رغمي أني الآن عندي جامعة بصراحة تعتبر قوية في الهندسة و ترتيبها تقريبا لا يقل عن 40 على مستوى العالم في الهندسة (ملبورن أستراليا) و التخصص (هندسة الاتصالات) و المواد مناسبة تماما و مفصلة على خبرتي و على الأمور اللي فعلا ابي أدرسها
لكن في نفس الوقت عندي ماجستير ثاني في السعودية يبي يبدا بعد عشرة أيام في تخصص نظم المعلومات الجغرافية في الملك عبدالعزيز
فيا أني أترك أولادي هنا (و أنا مدبر أمورهم و لكن فرقاهم صعب و الوسوسة تبدا تشتغل ايش راح يصير لهم و من ها الكلام رغم أن أمورهم مضبطة على الأخير) و يا أني أنسى الموضوع و أدرس هنا في تخصص يعتبر ممتاز و لكن ليس على الهوى و العشق و امتداد للخبرة ، و أتعايش مع الوضع و استغل فليساتي في شراء أرض بعد ما أضيف عليها قرض بما أني موظف و من ها الكلام

الله يعين
و وفقك الله
و جزاك الله خير

كلنا ودنا
بس المشكلة يا شباب حتى لو كملنا ثلاثين ساعة يمكن ما يضمونا علطول
الأوضاع ما تطمن ومع ذلك بروح هههههههههههه

انت اختبر ايلتز او توفل من الان هذا اول شي تسويه

صحيح مثل ماقالك الاختبار ترى يبيله تحضير وكتاب ويوتيوب وتدريب
ترى مو بسهولة الواحد يجيب درجة عالية خصوصا اذا اللغة ما نمارسة واحنا مثلا عايشين هنا بالسعودية