أســـعار الـمعـاهــد في أمـريـكــا

سلام عليكم ياشباب يعطييكم العافية .
بخصوص دراست اللغة كم يبغى لك علشان تنضم للبعثة .
كم يبغى لي مبلغ الى المعهد و السكن و المواصلات و الاكل .... الخ ( من ولاية الى ولاية تختلف أعرف ) بس من كم الى كم .
و دراست
الجامعة كم يبغى لك علشااان تبتعث .
كم يبغى لي مبلغ الى الجامعة و السكن و المواصلات و الاكل .... الخ .

ويعطيكم العافية .

السلام عليكم

عندي استفسار ارجوا منكم اعطائي الحلول الكامله اذا تعرفون عنه اي شي


انا توني هذا الترم متخرج من جامعة الملك خالد بأبها وتخصصي هندسة الحاسوب

وحلمي ان اكمل تعليمي ولكن معدلي التراكمي خانني كثير لأنه 2.43 من 5

واكيد مابيقبلوني ببرنامج الابتعاث

المهم

ودي اكمل ماسترز وتخصصي مادري يقبلونه او لا وهل نظام الماجستير هناك نظام مقررات فقط او رساله بحثيه؟؟

حبيت اعرف اذا بدرس على حسابي هل يوجد بنووووووووك تقرضنا بقروض دراسيه؟؟ لاني ماقدرحاليا
والقروض كم بيعطوني ومتى ابدأ بالتسديد وكم يكلفني الين التحق بالبعثه من دراهم ((شامله للمعيشه والسكن والجامعه والمعهد)) يعني القرض كم يبيلي وانقبل بجامعه؟؟



وشكرا لكم

السلام عليكم

ي أخوان أنا ناوي بإذن الله أكمل ماستر .. بالمالية
وأبي أعرف الجامعات الكويسة والمعترف فيها من قبل وزارة التعليم العالي في المدن الآمنة والرخيصة

أحد يفيدني مشكوراً

السسلام عليكم اخوووي يعطيك العافيه على الموضوع الجميل

اخوووي انا عندي استفسار
عن المعاهد بامريكاء
كم تكون تكلفة المعاهد ثلاثة اشهر
والسكن
والمعيشه

ابغى اسأل عن افضل المعاهد الجامعية بولاية كاليفورنيا وولاية فلوريدا

انا عندي الاهم سرعة تعلم اللغة + سرعة القبول بالجامعة

وياليت تزودوني بالاسعار

(والافضل المعاهد المستقلة ولا المعاهد الجامعية)

نصحوني الناس بالجامعية عشان بدون توفل فما الافضل
ويكون المعهد معتمد من وزارة التعليم العالي ومضمون للبع

ارجو منك الرد اخوي المبتعثث وتفديني بالمعاهد

السلام عليكم ورحمة الله


اخي الكريم اختي الكريمة
اذا احد يحب اجيب لة قبول لغة فقط من معهدي لاني اشتغل في قسم القبول والتسجيل للطلاب الاجانب هذا ايميلي
arabic@my.solex.edu
اسم المعهد solex college
وهذا الرابط باللغة العربية
English Language School Chicago, IL USA آ» SOLEX College
المعهد معترف فية
وغير تابع الي اي جامعة
واذا سجلت مدة 9 اشهر بيصير الدفع الشهري 480
المعهد تجاري ومناسب جدا لطلاب الدارسين على حسابهم الخاص
الي عندة اي استفسار ارجو مراسلتي على الايميل لاني لا ادخل المواضيع بعد الرد عليها حيث انة اولوية في العمل للايملات
وشكرا

شباب انا مستعد ادفع الى 50 الف ريال في ولاية اوهايو او بنسلفانيا فترة 4 شهور او اكثر وسكن واكل اكيد .. لكن هل مضمون اني التحق بالبعثه اذا كملت اربعة اشهر ؟!
وهل 50 الف ريال تكفي للدراسة في اوهايو او بنسلفانيا بجميع تكاليف الدراسه والسكن مع عائلة والاكل والشرب ؟!

المعدل ما يقبلونه اذا انت بتطلب انضمام للبعثه
لأن من شروط الدارسين على حسابهم الخاص الطالبين للانضمام ان يكون معدله لا يقل عن 3.5 من 5

الشي الثاني نظام الماستر مقررات او رساله بحثيه كل الاثنين موجودات .. اظن تقدر تختار .. او حسب نظام الجامعه

القروض للأسف البنوك يالله تقرض الموظف علشان تقرض الطالب

اذا انت موظف لازم تكون على رأس العمل والا كيف يثقون انك بترجع القرض لهم !

ونصيحتي لا تقترض من أي أحد .. حاول تشتغل وتجمع فلوس بنفسك لأن الدين هم وبيشغلك عن الدراسه

تكفيك وزياده بإذن الله

بكتب لك مصاريف تقريبيه وبحط الحد الأقصى

معهد 5000 ريال شهرياً
سكن 4000 ريال شهرياً << حاطه لك الحد الاعلى يعني ممكن تلقى ارخص بكثيييييييير فيه شي ب 500 دولار شهريا فيه 700 فيه 1000
مصروفات شخصيه عاد هذي انت ومصروفك
اعتقد 3000 شهرياً كافيه جدا اذا انت بتطبخ بالبيت اغلب الأوقات لان الاكل يوميا من برا راح يكلفك كثير

الحين عندك 12000 حد اقصى × 4 شهور = 48000 ريال ممكن تقلصها ل 40000

والبعثه ان شاء الله راح يضمونك بعد 4 شهور كحد أقصى
بس تراهم ينظرون لمستواك باللغه .. وحضورك


فيه نقطه ما ادري عن صحتها ..
بعضهم قالوا ارفع طلب دارس على حسابك الخاص من الرياض << طبعا هذي في جميع الحالات بتسويها
اذا رحت هنا افتح ملف طالب في المللحقيه من توصل ...

خلص شهرين وارجع السعوديه الين يجي قرار انضمامك

عاد تأكد منها لاني ماني متأكده

امريكا فيها 52 ولايه كل ولايه كأنها بلد لها عاصمه وحاكم وعلم
لازم تحصر بحثك وسؤالك

انت كأنك تقول كم سعر الأراضي في العالم !


حاول تبحث اول شي عن الولايات تشوف الخريطة اعرف مكانها وين على الخريطه تقسيم الولايات ايش الساحليه ايش الداخليه
اسأل قبل :
ما أرخص ولايه
ما أفضل ولايه من ناحية التعليم
ما اجمل ولايه
ما هي الولايه اللي فيها أفضل جو
ممكن تلقى ولايه رخيصه جدا ولكن جوها سيء جدااااااا او جو جميل ومكان جميل ولكن غاليه جدا

حدد خياراتك انت اللي تناسبك انت عن ايش ممكن تتنازل وفي ايش متمسك

مثلا الحين الاسعار بالنسبه للسكن

ممكن تلقى سكن ب 2000 ريال شهرياً في ولاية و ولايه ثانيه 7000 شهريا
والمعيشه تختلف واسعار البانزين تختلف والمعاهد تختلف