الفيزا الكندية ,,,, يالله نبدا موضوع جديد نتابع فيه حالة الفيزا ,,,,

بصراحة أنا اكتشفت بان كل موظف في السفارة الكندية معلوماتة والأنظمة اللي يتبعها تختلف عن الثاني وانت وحظك يعني وهذي ماساتي مع السفارة الكندية :
إحنا عائلة تتكون من زوج و زوجة و ابنة صار لنا سنتين في كندا وقبل شهر قررنا نجدد تاشيراتنا وتصاريح الدراسة الخاصة بي وبزوجتي و كذلك تصريح الزيارة الخاص ببنتي.

اول شي قمنا بتجديد تصاريحنا اولاين والحمدالله وصل تصريح زوجتي وتأخرت تصاريحنا أنا وبنتي وقبل مانسافر للسعودية قمت بزيارة للدائرة الهجرة و الإقامة بكندا بمدينة سدبيري و شرحت لهم وضعنا كامل وان بنتي مضافة في الجواز معي وقمت بالاستفسار أيضاً عن احتياجها لجواز سفر مستقل و طلب تجديد مستقر و افادوني بانه لا حاجة لذلك أبدا وبنتك لا تحتاج لا لجواز مستقر ولا لطلب كذلك ولابد ان ترفق معك بالطلب.
بعدها قمت بالاستفسار عن الطريقة الصحيحة لتجديد تاشيرات الدخول فأخبروني بانه يتوجب علي التقدم بطلب جديد لتصريح الدراسة ولتاشيرات الدخول هذا لي ولبنتي اما فيما يخص زوجتي فأعلموني انها تحتاج فقط لتاشيرة دخول لم اطنمئن وقمت بإرسال بريد الكتروني الى دائرة الهجرة و الإقامة يحتوي على نفس الاستفسارات التي وجهتها لي في لقائي معهم وكان الرد نفس الرد تقريبا توكلت على وجهزت المستندات و أرسلتها من كندا الى السفارة بالرياض وبعدها بفترة سافرنا للسعودية و اول يوم وصلنا كلمونا وقالوا لازم نفصل البنت ونطلع لها جواز مستقل وكذلك نقوم بتعبئة طلب مستقل لها بالاضافة الى تغير مبلغ الشيك لزوجتي و الاستمارة يعني بدل ماهي تأشيرة دخول تصير تصريح دراسة و تأشيرة دخول ورجعوا لنا الطلب ( لا حضوا الكلام يختلف تماماً عن الكلام اللي قالوه لي في كندا) لم اجدال وسابقة الزمن لكي اكمل ماقالوه وغيرت الجوزات و الاستمارات و الشيكات و أرسلتها بعد اسبوع لهم مرة ثانية.
كان الإرسال في اول يوم في رمضان ووصلهم ثاني يوم وحاولت الاتصال بهم اكثر من مرة لكن ماردوا علي بعد 17 يوم من تاريخ الارسال تفاجئت باتصال من شركة ارامكس يقولون لي ان لي إرسالية من السفارة الكندية ورحت و أستلمتها ولكني تفاجئت بانهم رجعوا لي الطلب كامل وكاتبين أني لازم اغير مبلغ الشيكات لي و لزوجتي و كذلك لازم اغير الاستمارات الئ استمارات طلب تاشيرات دخول لان تصاريحنا سارية المفعول ( لاحظوا الحين الكلام اختلف تماماً عن المرة الاولى وصاروا يطالبوني باللي سويته في المرة الاولى يعني ارجع وسوي زي الطلب الاول )
ياجماعة الخير هذا منطق بالله اذا دائرة الهجرة بكندا اصدروا لنا تصاريح لي ولبنتي بجواز سفر واحد ولا طلبوا أني افصلها في جواز مستقر و طلب مستقل وهم الكنديين الاصل وعندنا في سفارتنا قالوا لا لازم فصل وطلب مستقر قلنا طيب ومقدور عليه ام انهما يطلبوا مني تعبئة طلب مثل الطلب الاول اللي تم رفضة فهذي و الله مهزلة واحنا ياجماعة الخير عندنا التزامات بإيجاز وفواتير والمصيبة اننا خلاص قطعنا اكثر من نصف المشوار وصرنا قريبين من التخرج ويجي موظف وموظفة مستهترة في بلادنا ويحطمو مستقبل ضحينة من اجله كثير بالأهل و المال والله حرام اللي قاعد يصير قسم بالله.

الحين ماصار عندنا وقت دراستنا تبدى يوم 9-9-2011 وهم للمرة الثالثة يطلبوا من تغير مبالغ الشيكات و الاستمارات و و القيام بعمل طلب جديد مثل الطلب الاول الذي تم رفضة
سوينا كل اللي طلبوه و ارسلناها والحين اسبوع لا علم ولا خبر

ايش تشيرون علي ياجماعة

اانا مارسلولي رساله الله يستر يارب تجي الفيزا مقبووووله يارب

الحمد لله تم استلام الفيزا يوم امس ومختمة لمدة سنة وشهر وعاها ورقة استلم الستدي بيرمت من المطار
اخذت معاي 45 يوم بالضبط من يوم الارسالية
وتسلم I am Genious على الدعوات وعقبال عندك البكالوريوس الى الدكتوراه

مبروك لكل اللي جاتهم الفيزا وعقبالنا انتظار ٤٦

الف مبروك للي جاتهم ألفيزا وعقبال الباقي

تجديد الفيزا فقط


انتظار 32 يووووووم وبداية الكورس مابقى عليه شي

يسلمك الرحمن , آمين يآربي وعقبآل الجميع ,,
الله يسهل الامور ,
مومشكلة ينتهي يبداآإ ً , اهم شي الفيزا تكون معك لستلمتهآ راسل المعهد اللغة يجدد لك ! أو جامعة الله يعينك !

43 انتظار وارسل للسفاره ايميل ولا ردو الى متى ما يجيني النوم وارق وتفكير وهم وهواجيس وعذاب وش هالتعامل ياناس ملييييييييييت مستقبلي كله متوقف على هالفيزه يارب تفرجها يارب

السلام عليكم

لوسمحتوا ابي احد يساعدني انا قدمت على الفيزا من تاريخ 29 \6 وللحين مافي رد والي موترني انا الدراسه تاريخ 6\9 والحين بعد
سكر المكتب عشان العيد ارجوكمممممممممممممممم ابي حل

مرحبا
اللحين انا من المنتظرين لاطلالة الفيزا
في حالة لو تاخرت الى بعد 15 شوال لاسمح الله ،،خلاص تروح علينا البعثه ولا شو،، ودي اكلم الوزاره بس مدري فاتحين ولالا

وانا دراستي في اكتوبر وعلى راس العمل
وش رايكم اقدم استقالتي قبل ماتطلع الفيزا ولا شو ,, لان لازم اخبر الدوام قبل الاستقاله بشهر ولا بيخلوني ادفع راتب كامل
والان احس ضاق الوقت ,, وش الدبره