الفيزا الكندية ,,,, يالله نبدا موضوع جديد نتابع فيه حالة الفيزا ,,,,

٥٠ يوم انتظار > احس اني بسوي شي قوي *ـ*

الحمد لله ع سلامتك
ان شاء الله عجبتك كندا بخصوص الشقق تري الايجار غالي وع حسب المنطقة اللي انتي يتسكني فيها بس ان شاء الله تسهل امورك يارب
كان المفروض رحلتي يوم الجمعة الصباح ع تورنتو بس للاسف
شكلي مطول وانت انتظر المدام خخخخخ
صار لي 49 يوم انتظار
والله كريم

بالتوفيق يارب لك ..

عقبالنا يارب

انا خلصت فيزتي وطلعت بس المرافق واختي الي بتروح معانا لسى صار لهم 60 يوم يارب تتسهل ,,

ان شاء الله ابشر اخواتي و اخواني ان معاملات الفيزا حا تتسهل , امس السفارة الكندية كتبت اعتذار عن التاخير , و هذة في ما معناه ان الفيزا قريب رايح تاتي , بس سؤالي هو , كيف اعرف ان الفيزا خلاص جاءت علي جوازي , هم يتصلون علي او يرسلون لي رساله علي الجوال , ارجوا الاجابة ..

الله يبارك فيك ... والله معي الوالد ... واخوي نقل عندنا ...
اي والله غاليه ماتوقعتها كذا ...

وانا كنت مثلك وجلسنا انا ومرافقي 10 شهور .... بس الله يسهلها لك ... وماتتاخر
الله يسهلها لي ولك ...

الله يسلمك امين يارب ... والله اني حايسه

الله يسلمك يارب ... ان شاء الله يارب ... تنورين ياعسل
الله يسهلك ويسهلي وتوصلين بسلامه

والله عايديه جدا مو زي ماتوقعتها ابدا ...
المانيا احلى وبريطانيا احلى ...
وفيزهم ما طول بريطانيا فيزتها يومين

الله يسهلك يارب امورك
الله يسهلكم يارب ويسهلي والي عطاني يعطيكم يارب

الله يفرح كل المنتظرين لتأشيراتهم قولوا اميـــــــــــــــــــــــــــــــــــــــــــــــ ـــــــــــــــــــــــــــــــن

يا شباب وخيرا وصلت فيزتي الحمدلله بس بعد ما سحبت الترم هذا وسحبت الكورسات كله عشان تجديد الفيزا لكن الحمدلله على كل حال بس عندي حركه حلوه اتوقع هيا الي عجلت ي اصدار فيزتي طبعا انا مقدم على تجديد الفيزا قبل 50 يوم تقريبا في الاسبوع الاخير قعدت اتصل على السارة النكدية وكل مره ترد علي وحده وااعطيها قصتي واني سحبت الترم المهم من هذا الكلام وتقولي ارسل ايميل او فاكس المهم قلت لها ارسلت مليون ايميل مافي رد استمريت اتصل عليها اربع ايام تقريبا وهي الي ترد في الاخير طفشت وقالتلي اعطيني رقم الجواز واسمك وتاريخ الميلاد وتصل بعد نص سااعة المهم اعطيتها المعلومات وتصلت بعد نص ساعة والله العظيم انه قالتلي جوازك راح يوصلك بعد يومين وفعلا بعد يومين اتصلوا ارمكس وقالولي لك بريد من السفارة النكديه والحمدلله جات الفيزا بس بعد ايقاف الصرف علي هع هع يعني دحين قلبت تكسي الين ارجع كندا الله يستر الحال

ابو الليث ممكن سؤال
يعني لازم تجديد الفيزا من السعوديه ؟؟؟؟
ماينفعً من كندا تجدد الفيزا؟؟؟؟

تستطيع تجديد الفيزا من كندا وهو الافضل لكن انا اظطريت اجددها من السعودية لانه كان وقت اجازة وكان في نفس الوقت اضراب في البريد الكندي داخل كندا وقلت اجددها من السعودية وتورطت بس كان درس ليا اول واخر مره اجددها من السعودية

تأخير الفيزا
واس – سفراء : أعربت السفارة الكندية لدى المملكة عن اعتذارها لما حدث مؤخراً من تأخير في إصدار التأشيرات وما قد ينجم عن ذلك من آثار سلبية على طالبي التأشيرة من المواطنين السعوديين. وأكدت في بيان لها بهذا الشأن أنها تعمل جاهدة على اختصار الوقت اللازم لإنجاز التأشيرات مشيرة إلى أن وقت إنجاز التأشيرات تقلص بشكل فعلي اعتباراً من شهر سبتمبر الماضي وتسعى السفارة إلى مزيد من التقليص. وأفاد البيان أن الحكومة الكندية تواصل اتخاذ خطوات أخرى لتيسير السفر بين المملكة وكندا لافتة إلى أنه تم في شهر أكتوبر 2011م إلغاء شرط الفحوص الطبية للمبتعثين السعوديين.وقال البيان // وبينما يتم الفصل في كل طلب للتأشيرة وفقاً لحيثياته ، تقوم السفارة الكندية بالرياض عادة بإصدار تأشيرات متعددة الدخول صالحة حتى خمس سنوات للمواطنين السعوديين.