الفيزا الكندية ,,,, يالله نبدا موضوع جديد نتابع فيه حالة الفيزا ,,,,

62 يوم لا حس و لا خبر ياسفارتنا الكندية والنهااااية

يعني اخوي لو زودت المبلغ شوي وسويت كتاب من الشركه الي انا اشتغل فيها اني برجع الى الشغل بعد مااخلص فتره دراسة لغة واملي الابلكيشن عدل مافي مشكله ؟؟

انزين انا ابغي بعد مااخلص لغه اروح اكمل جامعه وعندي قبول مشروط من جامعه برتش كولومبيا

اقدر لما اخلص لغة او قبل مااخلص اقدم على الجامعه ؟؟ ولا بكل الاحوال لازم اطلع من كندا ؟؟

ادري تعبتك معاي لكن تحملني ربي يفتحها عليك

اخوي انت ركز اهتمامك ع الفيزا الحين
اذا انت قدمت قبول لمدة سنه راح يعطونك فيزا وستدي بيرمنت بمدة القبول
في حالة انتهت فيزتك وانت داخل كندا وعندك قبول جامعة فانت تقدر تجديد الفيزا من داخل كندا
يعني لا تحاتي ولا تخاف
وبتوفيق ان شاء الله

ريحتني الله يريح قلبك ويطول بعمرك ومايحرمك من حلاله امين يارب

ولو ماسويت شي واذا عندك اي سوال اسدحه ولاتردد
ترى كلنا في نفس الهم
هم الفيزا
دعواتك تطلع الفيزا قريب

بحمد الله وبعد انتظار دام أكثر من ثلاثة أشهر

وصل جوازي اليوم وبه الفيزا

--
تاريخ التقديم : 8 - 8 - 2011 م
تاريخ الاستلام : 12 - 11 - 2011 م
--
فيزا دراسية بـقبول معهد لغة
--
على حسابي الخاص
--
وعقبال بقية الاخوة والأخوات
أدعوكم للاستخارة قبل عمل أي خطوة ليختار الله مافيه خير في الدنيا والآخرة

ودعواتكم ^_^

مبروك أخوي آلله يوفقك وييسر أمورك وأمور آلمنتضرين

عقبآلي وعقبآل أخوآني آلمنتضرين

أستغفرالله اللذي لآ إله إلآ هو الحي القيوم وأتوب إليه

ما شاء الله مبروك
عقبالي أنا تجديد لها الان ٢٠ يوم ولا حس ولا خبر يا مسهل سهل الاموور عاجل غير اجل أميين

السلام عليكم ،،

لو سمحتوا يا أخوان إذا تأخرت الفيزا علي ، هل فيه إيميل للسفارة أرسلهم واستفسر منهم أو رقم نتصل عليه

الله يعطيكم العافية

الحمدلله وصلتني الفيزا بعد انتظار 3 اشهر و 10 ايام و بعد تلف الاعصاب استلمت جوازي اليوم وتاريخ التقديم كان 02-08-2011

اتمنى لجميع الاخوان الي كانو منتظرين مثلي ربي يسهلها معاكم ويلا خلوني جالس اكتب استقالة العمل واشوفلي حجز على تورنتو