الفيزا الكندية ,,,, يالله نبدا موضوع جديد نتابع فيه حالة الفيزا ,,,,

اخواتي انا طالب مثلكم مبتعث , و محول البعثة من دوله الهند الي كندا , و زي ما انتم عارفين انوا الفيزا اقل شيء تاخذ شهرين و نصف , و بعد ما تحصلت علي الفيزا و لله الحمد , قدمت علي معاملة تمديد صلاحية البعثة في وزارة التعليم العالي , و للاسف كان قرارهم (( عدم الموافقة . على تجديد صلاحية قرار الموافقة على انتقاله من الهند إلى كندا وذلك لعدم وجود مايثبت مباشرته الدراسة في مقر البعثه الجديد أو مايفيد بموافقة الجامعه- أو معهد اللغة- على مباشرته الدراسة في تاريخ معين. ويمكن إعادة النظر في طلبه حال تقديم مايثبت رسمياً مبرر تأخره عن الالتحاق بالدراسة قبل أنتهاء صلاحية القرار وكذلك مايثبت رسمياً موافقة الجامعة على مباشرته الدراسة والتاريخ المحدد لبدء الدراسة)) ارجوا من اخواني و اخواتي الطلاب الي مروا بهذه المشكلة ان ينصحوني بالحل و ما هي الطريقة لتجاوز هذة المشكلة , و الله النفس تعبت من الضغوظ مني قادر اجمع , جزاءاكم الله الخير .

بسيطة جب لهم قبول معهد او جامعة بالتاريخ اللي انت حاب تدخل فيه كندا
وقدم لهم العذر انه الفيزا تاخرت في السفارة الكندية وهالايام عندهم خبر ان اغلب الطلاب تخربطت امورهم بسبب الفيزا

للامانة انا مامريت بالهموضوع ابد بس فهمت انه ذا الحل من ردهم عليك
والله ييسر لك ويفتح عليك

الله ييسرلكم اموركم يارب

الي ماطلعت فيزته يشيك عليها يمكن طلعت

والله ماااااش
في احد طلعت فيزته هاليومين ؟
ترا اليوم دعيت لكم كلكم بالحرم والله ييسرها ع الجميع وتطلع بكرة او بعده

يا اخوان و الله انا جدا بعيد عن الرياض , و المعاملة في التعليم العالي لازم لها متابعة , في احد يعرف مكتب تعقيب خاص لوزارة التعاليم العالي , الا عنده اي معلومة يفيدنا و ان شاء الله له الثواب .

ليش في فيز طلعت ؟؟؟؟؟ كانت مطولة وطلعت الله يسهل يارب

الحمد لله بعد 49 يوم بالضبط صدرت فيزة زوجي
زائر - متعددة الدخول- لمدة سنتين-اصدارلأول مرة

كان مكتوب في موقع الهجرة الكندي ان فيزا الزائر في السعودية تستغرق 49 يوم وفعلا استغرقت نفس الوقت بالضبط
الحمد لله في الاول والاخر

عقبال كل المنتظرين يارب

ان شاء الله يوم السبت القادم , ازور مقر البعثات في الرياض , للاستفسار عن سبب رفض معاملة تجديد قرار الابتعاث , ما هي الاوراق التي اخذها معي , افيدوني .

مـــاشاء الله تبارك الرحمن ... على البركة اختي ... الله يجعلها فاتحة الخير عليكم

عندي تساؤل الله يعافيك لأني مقدم لزوجتي نفس الشيء .. هل ارفقتم شهادات دراسية للفيزا السياحية ؟

ولك جزيل الشكر ... ومبـــــارك مرة ثانية وصول فيزتكم

ــــــــــــــــــــــــــــــــــــــــــــــــــ ـــــــــــــــــــــــــــ

الأخ عمران خذ اي شيء يثبت ارسالك الاوراق للسفارة الكندية لو حتى ايصال.. واشرح لهم الوضع إن التأخير ماكان منك
وحسب الكلام اللي أنت كاتبه في ردهم عليك , طالبين تجيب قبول معهد او جامعة يبدأ بالفترة الجاية عشان يجددون لك القرار

وان شاء الله ماتطلع الا وقرارك متجدد .. الله ييسر لك أمورك