مساعدة سفارة كندا ترفض اعطائي فيزا كندا للمرة الثانية

ترا انا اخوك مو اختك ،، اليوزر كان لزوجتي وسطيت عليه ظلما وعدوانا هههه
تصدق انا كنت مثلك توقعت كندا بصورة رائعه من الي قريته عنها لكن يوم رحت تغيرت نظرتي لها بشكل كبير طبعا هي بلد جميل بس بصراحة
ماهي مثل ماتتوقع بالنسبة لي شيل منها برتش كلومبيا والباقي منها ممل وماله داعي ههه ، في النهاية هي وجهات نظر
اما شغلة كندا مافيها عنصرية كلام غير واقعي بالمرة ، للاسف العنصرية موجودة في كل البلدان الغربية لكن بتفاوت
هي هذي المشكلة وهي عدم الصراحة في الرفض
هذا شي ماهو لايق عليهم كدوله متقدمة وديموقراطية وتؤمن بحق الغير في ابدا رايه ،، هذي حركات سفارة الهند ولا دول عربية ( للأسف)
هذي متوقعه
مثلا امريكا يقولنها لك كاش مو واثقين انك بترجع ، انت ماكنت جاد في الدراسه يوم كنت في امريكا ... الخ ياتقنعهم بدليل
يايقولون لك دليلك ماينفع بسبب كذا وكذا وجب لنا دليل ثاني
طيب القنصل ماتقدر تقابله ؟ او حت السفير وتشرح له سوء الفهم او اقلها يقنعك بسبب حقيقي منطقي لرفض طلبك
نصيحتي تبحث عن الاخ اللي كان هنا فهو خبير في امور كندا
بالنسبة للمحامي في لك قريب او احد تمون عليه في كندا قله السالفه وكيف توصل لمحامي هناك

ونعم فيك اخوي هههه اهم شيء سطيت عليه
اي انا مستغرب من هالناحية في الصراحة في الرفض وذكر الاسباب لتوضحيها للمتقدمين يعني والله مهزله الشغلة ذي
وهي كدولة متقدمة لابد انا لا تنجذب إلى مثل حركات العرب مثل ما تفضلت
المشكلة ما قدرت اتوصل إلى أحد من القنصلية غير هندي اللي يقوم بترتيب اوراق الفيزا والتاكد من البيانات واخذ البصمات
السفير ما اعرف وين مكانه ولا حتى هذا اللي رفض الفيزا المفروض يحط ايميل خاص فيهم والله لأشرشح فيه اذ لقيت شيء يوصلني له
طيب انا ببحث عن الاخ اللي كان هنا خبير في امور كندا لكن شنو اسمه وشلون استدل على انه هذا الشخص هو نفسه اللي تتكلم عنه اقل شيء اعرف اسمه في المنتدى او موضوع يوصلني او خيط يوصلني للمطلوب

بالنسبة للمحامي تواصلت مع احد اخوياي واخبرني انه في حال القيام بهذه الاجراءات سيضعون العين عليك في كل خطوة تخطيها وربما لا تدخل كندا بسبب هذ المحامي

ولا اعلم ماذا افعل فأموري مسيرة ومخلصها تجاه كندا كل شيء كنت مسويه لأجل السفر لكندا

حيرة لا اجد لها منفذ

تصدق توني شفت انك قدمت للمرة الثالثة مانتبهت ونا اكتب لك الردود السابقه !!
اي والله ذي للمرة الثالثة ومن جاء هالرفض انقهرت من سالفة الشيكات ...
اول شي انتبه من سالفة انك تهاوش او تهزأهم وهذي السوالف
عزيزي هذولي ماهم عرب ذولي ماعندهم نظام ولله بشرشحهم ولا بلعن خامسهم ههههه
كذا غلط وغلط كبير تضر نفسك وهم مايجيهم شي ، لاتنسى ان هذي دولة وليست شركة
ترا اقل ماعندهم حطوك بلاك لستد ولله ولا درو عنك
اي قال لي خويي حذراي تسوي ذي الاشياء امش بوزي اذ دخلتها بعدين هههه
وانتبه بعد يقال والله اعلم ان هناك ترابط او تعاون بين امريكا وكندا في هذي النواحي يعني يمكن حت تخرب على نفسك مع امريكا
لو حبيت تحول عل امريكا

عزيزي تبي الصراحة (دون زعل ) انت تدور التعب لنفسك وتجيب لنفسك الحيرة ،، بصراحة
ما يتعجبني غير الصراحه ^_*
انا ما ادور التعب ولا شيء عزيزي لكن اموري كلها خالصة من ناحية القبول التذكرة معرفتي تجاه الدولة
صدقني كندا مافيها شي اكثر من غيرها بالعكس الكثير ينفر منهم بسبب صعوبة الدراسه وصرامتهم في القرارات الاداريه في الجامعات والمعاهد
معروف ان كندا دراستهم صعبه ويبي لهم مجهود مضاعف
اضافة الى انها باردة جدا في الشتاء (باستثناء بعض مناطق برتش كولومبيا ) وكندا غاليه اغلا من امريكا وهليام مع ارتفاع الدولار الكندي
انا واحد اعيش على هالاجواء الباردة جسمي يتكيف مع هالجو سبحان الله
اسعارها صارت ماتوقعها بعيدة عن اوربا
بدل ماتضيع وقتك وتوجع راسك معهم ياخي رح لك بلد ثاني واكسب وقتك وريح راسك
عندك امريكا نيوزلندا استراليا بريطانيا ايرلندا ، وهذا ايضا يعتمد على تخصصك الي تبيه
واذا انك ماتشترط ان ان تكون دراستك انجليزي عندك اوربا او اليابان او كوريا
وهذا اللي بيصير ان شاء الله بشوف على وين ارسي على اي دولة وإن شاء الله اطلع بنتيجة ،، وانتبه بريطانيا من الدول المستبعدة في إعطاء البعثة
شخصيا ياكثر اللي شفتهم مهاجرين في كندا ويفكرون في الهجرة لبلد ثاني ، لاحظت اكثر شي يبون دبي
بالنسبة لي عندي ادرس في ماليزيا ولا دبي اصرف منها لو افترضنا ان الشهادات ومستوى التعليم متساوي
صدقني كندا سمعة زايدة على فاضي بلد بصراحة غبي وممل واهله اغبى منه ههههه
كندا فقط هي ((فانكوفر )) وماحولها من مناطق اما باقي كندا اقل منها بمراحل في النظام والنظافة والناس وكلشي وطبعا الجو والطبيعه
لكن ايضا فانكوفر تعتبر محدودة مقارنة بمدن اوربا او بعض مدن امريكا المعروفة
للامانة يمدحون مونتريال لكنها باردة جدا وايضا اللغة الاولى هناك فرنسية ومافي تقريبا الا
جامعه وحدة انجليزي
قبل كم سنة اتذكر واحد في حارتنا (سعودي ) عياله في منهم كنديين تقريبا لانهم انولدو هناك او راحو هناك وهم اطفال
ودرسو تقريبا حتى الابتدائي لانه كان مبتعث من عمله او كان ماسك فرعهم هناك ايام شبابه
لاحظت انهم رغم انهم كنديين ولهم اسعار ارخص في الدراسه ولامحتاجين فيزا ولهم تسيهلات كثيرة
واحد منهم راح امريكا والثاني راح استراليا ولا راحو كندا !!!

عل طاري كيبك
تقريبا لها ستدي بريميت مستقل ،، ممكن لو قدمت عليها الوضع يختلف ؟

ايه بالنسبة للبعثة مو كل الدول
بس ان جيت للحق في كلام كثير في هذي الناحية لكنه غير مثبت << هذي تصدق فيها لأنو صدفة كنت في مكتب وجاء احد الشياب كبير السن وجاي مع اوراق ولده وولده في بريطانيا خلص 4 اشهر ويبغى يفتوح له ملف ويرفقون الاوراق ويرفعوها للوزارة على اساس يبتعثونه ...
هليام يقولون نيوزلندا عليها الحاق
نيوزلندا بلد جميل وسبق لي احد من اقاربي زيارتها وإن شاء الله يبدا بحثي عنهم اليوم هي وامريكا واستراليا كخيار اخر
بالنسبة لكيبك لان اخوي كان مقدم عليها ومرمطوه وردوه مرتين وتركها ،، بس هو كان طالع مبتعث من الثانوي مباشرة
انا كان حلمي اطلع ادرس من سنة 2009 ولكن الوالد الله يهديه كان رافض نهائياً < عباليه اهو اللي بيوكلني لقمتي مع عيالي الله يهدينا ويهدي جميع المسلمين
انا زرت كندا وجلست حوالي ٣ شهور رحت فانكوفر وويستلر وكالجري وبحيرة بانف في الروكي
وتورنتو ونياجرا
جيت بزور مونتريال بس ماحصلت احد يخاويني لها وماكنت اعرف فيها احد ورحت بدلها تورنتو

عل طاري كيبك
تقريبا لها ستدي بريميت مستقل ،، ممكن لو قدمت عليها الوضع يختلف ؟

لا بالعكس الوضع بيكون نفسه , تصريح الدراسة في كوبيك شرط اضافي , يعني راح تحتاج انك تقدم على الفيزا مرة ثانية لكن هذه المرة نتنتظر الخصول على تصريح الدراسة في كوبيك قبل التقديم على الفيزا .

أخر المستجدات



السلام عليكم ورحمة الله وبركاته

كل عام وأنتم بألف خير وصحة وعافية

مبارك عليكم هذا الشهر الفضيل وربي يعوده عليكم بالصحة والعافية

هذا الرفض الثالث جاني من السفارة الكندية !!!

وهذه هي الاسباب

You have not satisfied me that you would leave Canada at the end of your stay. in reaching this decision, i considered several factors, including:

Your travel history

Your family ties in Canada and in your country of residence

Length of proposed stay in Canada

Purpose of visit

Your current employment situation

Your personal assets and financial status

رغم تأكدي من جميع الاوراق المستند المرسولة لهم

انتظر تعليقاتكم على هذا الرفض على التوالي ثلاث مرات

ماهي نصائكم ؟؟