مساعدة بخصوص الفيزا السياحية

شاكر ومقدر ردك أخوي ..

لكن ايش اخذ معي من اوراق كاحتياط و حتى احمي نفسي تسلط موظف مثلا .

تأمين مثلا؟ أو الورقه االلي دبسوها في الفيزا ؟ تنصح بشي؟

اذا فيزتك سياحية المفروض ما تحتاج شي آخر يثبت الهدف من تواجدك، إلا مثلا عناوين الفنادق.
مع إن حسب علمي اذا هذي ثاني مرة تدخل كندا بنفس الفيزا ما راح تدخل على الامقريشن أصلًا، فقط الجمارك ومن ثم قسم الشنط.

بالعكس رايح يدققون أكثر .. والمقريشن لابد المرور من عندهم.. مسأله دخولي للجوازت فقط اتوقع غلط .. لازم المرور بالامقريشن .

الله يسهل الأمور

اللي أعرفه دخولك للامقريشن هو لإصدار تصريح الدراسة أو اصدار ورقة الزيارة اللي يدبسوهم مع الجواز.
وكل الطلاب اللي يدخلوا كندا مرة ثانية وتصاريحهم ما زالت صالحة لا يدخلوا على الامقريشن.
لذلك ما هو الهدف من دخولك على الامقريشن اذا كانت فيزتك صالحة وأصدروا لك من قبل تصريح الزيارة ؟

ممكن كلامك صح ... لكن حالاتي تختلف ليش؟ لان الاصل لما زرت كندا في 2014 كان المفروض يقول لي لك 6 شهور واطلع من كندا حالي حال اي سائح .

لكن هذا ما صار .. اللي صار دبسوا ورقه مع الفيزا و مكتوب فيها ( ممنوع من العمل/ ممنوع من الدراسة/ يجب الخروج من كندا وكاتبين تاريخ عودتي اللي بالذكرة)

هل عندك الورقة اللي تدبس مع الفيزا؟ ودي اقارن بينها وبين اللي دبسوها معي فيزتي .

فهل تتوقع لما ازور كندا هالسنة ما رايح يدققون فيني .. إلا متوقع ونص للأسف ..

انت اللي صار معاك مثل اللي يصير مع بعض الطلاب اللي يدخلوا أغراض ممنوعة، عادة الزائر يعبي فورم في الطائرة ويسلمه للجمارك وياخذوه من عنده قبل ما يطلع صح؟
في موظفين يستقعدوا للزائر أو الطالب يقوم يقص الفورم من جهة التعليمات ويعطيها وياه، فيطلع الزائر يوسوس ليش انا عطاني جزء من الفورم وباقي الناس اخذ الفورم حقهم وما عطاهم شي؟

مثال ثاني : ختم الدخول
المعروف عادة أن هناك ختم دخول وخروج لكندا، وعادة يختم في الجواز، لكن في طلاب الموظف ما يختم له دخول في الجواز ويختم له على تصريح الدراسة ، و في طلاب ما يختموا له لا على التصريح ولا على الجواز لا في الدخول ولا في الخروج، وكذلك يجلس يوسوس كيف ختموا لفلان وفلانة وأنا ما ختموا لي.
مرة من المرات دخلت أنا وزميلي كندا ورايحين على نفس الطائرة، أنا ختموا لي في الجواز وهو على تصريح الدراسة الخارجي.


بالنسبة للورقة اللي يعطوك اياها في الامقريشن
هي عبارة عن تصريح سواء للدراسة أو الزيارة
وكذلك في موظفين يدبسوها في صفحة الفيزا وفي موظفين يدبسوها اخر صفحة في الجواز وفي موظفين يعطيك اياها حتى مو مطوية
للأسف ما يمديني ارسل صور من آب الايفون
لكن هي ورقة تشبه تصريح الدراسة، نفس الخامة ونفس اللون ومكتوب عليها كندا من فوق
وتحت عاليمين فيها جدول فيه معلوماتك

اكتب في قوقل
visitor permit canada
راح تطلع لك صور الفيزا السياحية
وكذلك هذا التصريح

هل مكتوب على هالورقة تحت

Canada باللون الاحمر
وفوقها This Does NOT authorize re-entry

حصلت بالنت نفس الورقة اللي اعطوني اياها .

بالضبط هذي هي
هذي يعطوها للمسافر أول ما يدخل كندا في الامقريشن.
انت لما تجي مرة ثانية مطار كندا وعندك الجواز وفيه الفيزا وعندك هذي الورقة، المفترض ما تدخل الامقريشن لأن الورقة هذي اوردي عندك ولسه صلاحيتها سارية.

لكن لما تنتهي فيزتك و تجي تدخل كندا مرة ثانية راح يدخلوك الامقريشن لأنك تحتاج اصدار ورقة ثانية بتاريخ الفيزا الجديد.

احنا كطلاب دخلنا الامقريشن فقط اول مرة عشان يصدروا لنا تصريح الدراسة (شبيه لهذي الورقة) لما ننزل اجازات السعودية ونرجع ما ندخل عالامقريشن لأن تصاريحنا لسه سارية الصلاحية.
موفق