استفسار كيف يقبلوني قبل اطلع كندا

ام السحبة يا شيخ هههههه

القسم هنا هادي مافيه اي تفاعل عشان كدا مافي ردود لك ..

النظام هوا تسجل بالملتقى تترفع اوراقك تحضر الملتقى يرسلولك قبول انك تدرس ع حسابك و تروح بلد الدراسه تفعل طلبك اعتقد بعدها بفتره محدده مو متاكده منهم .. من هنا يبدا طلبك يمشي للاتحاق ان شاء الله ..

ف بالبدايه تفتح موقع التعليم العالي و تفتح على الدراسه بالحساب الخاص و تشوف شروطو و ليش متطلباتو

من المتطلبات
١- كشف طبي من مستشفى حكومي
٢ - اخر شهاده لمرحله دراسيه " جامعه - ثانوي - دبلوم "
٣ - قبول من معهد او جامعه " تتراسل معهم و توفر القبول "
٤ - فيزه الطالب

لمهم هوا بيكون في متطلبات

بس اهم شي انك لازم لازم تسجل بدا الشي عشان لازم تحضر الملتقى الي يتعمل يا الرياض او جده او الدمام بمواعيد مختلفه .. بدونو ابدا ما يقبلوك و ممكن يقولولك لرجع من بلد الدراسه عشان تحضرو


يعني تسجل بالملتقى ازا في اوراق ناقصه لسع ما طلعت و خايف موعد الملتقى يفيدك ميلا زي الفيزه يمديك تحط اصفار بعد الملتقى يرسلولك ايميل فرصه لتعديل اوراقك الناقصه ..

و بالنسبه لمده الالتحاق دي تختلف في ناس تمتد ل ٧ شهور في ناس اقل عاد على حسب مزاجهم .. و حاول ما تجيب قبول من جامعات متكدسه عشان ما يكون سبب للرفض من البدايه

ان شاء الله اكون افدتك ادري كلامي ملخبط و كتير حبتين بس حبيت افيدك لاني كنت بنفس مكانك اول ما قررت ادرس و احتجت مساعدات كتير 😊

و بالتوفيق

و اي استفسار انا حاضره

الله يعطيكي العافية فعلا انا بديت و باقي لي الفيزا و القبول قاعد اراسلهم و اتوقع ما حيجي قبل ملتقى الرياض بس بطلع و من مكة عشان اجرب و ان شاء الله تكمل ، بالنسبة للتسجيل فالملتقى سجلت و اعطوني ايميل و فيه حالة الطلب بس ما ادري هي تعتبر الموافقة عالحضور ولا باقي شي

الله يعافيك ..
خلاص مدام سجلت تمام كدا يصير انتا اطبع الطلب حقك و رحلهم " الايميل الي جاك "

ولا هيا ما تعتبر الموافقه هوما يرسلوها قبلها بيومين بس حتى لو ما ارسلوها عادي روح بس اهم شي يكون موعد سفرك قبل موعد الملتقى الجاي لانو حيقولو الي سفرهم دحين اولى من الي بعدين

انا كمان طالعه من جده

الله يسهل للجميع يا رب

كويس بس للاسف لسا ناقصة الفيزا و القبول ان شاء الله تجي قبل ، انتي جاكي القبول و الفيزا?

يب الحمد لله كامله عندي
القبول من اول الفيزا بعد الطلب جاتني ف لمن سجلت حطيت فيزه الزياره موقتا ..

بس مافي مشكله لانو يرسلو بعد الملتقى يرسلو ايميل لتعديل الطلبات و اضافه النواقص و يمديك لو جاك القبول قبل الملتقى يصير تقولهم ف الملتقى يمكن يرفعوها و كدا

حلو حلو ، طيب بالنسبة للفيزا كم قعدت و كم الرسوم و اجراءاتها صعبة ولا و رحتي مكتب و لا بنفسك?

الفيزا هيا بالاصل ما تطول بس انا لخبطتهم شويا
اول شي انا عملتها كلها بنفسي قلت مالو داعي ادفع ٥٠٠ مدري ٦٠٠ على ورق حيتعبا من النت كلو ومافيه اي صعوبه لاننا جربنا قبل بالفيزه الزياره و حسينا مالها داعي ..
ف تدور ف موقعهم ع الابلكيشنات المطلوبه و يصير تعبيها وتطبعهم ..
و الاوراق الازمه معاه ..
- ٢ صوره شخصيه
- الجواز الاصل + صوره من جواز السفر
- كشف حساب بنكي يا حقك يا الشخص الي حيتكفل بالمصاريف لك و معاه خطاب انتا اكتبو و اطبعو ان الشخص متكفل بكل مصاريفك و ورقه من مكان عملو او تثبت انو متقاعد مثلا
- الاصل من اخر شهاده لك ..
- انا عن نفسي حطيت صوره جواز بابا عشان تثبت انو والدي و كدا و يربطو انو هوا حيصرف عليا
- طبعا لابلكيشنات المطلوبه حقتهم
- الشيك بالمبلغ المطلوب ٢٤٠ دولار و محدد للجهه المطلوبه
- القبول حق المعهد و انا طبعتلهم كل الايميل لان الرجال طلب مني كدا ..

حاليا دا الي افتكرو

بس لازم تقدم الطلب قبل موعد سفرك ب ٣ شهور ما تقدر قبل كدا دانو حيرجعوه ..

و انا عن نفسي طولت لاني قدمتو قبلها ب ٥ شهور و قالولي خديه بعدين قالولي رسلناه و كان وقتها اجازات الكرسمس و راس السنه ف لخبطه اجازات
بس الغالب تقريبا ٢٠ يوم او اقل و باذن الله جاهزه


ازا احتجت الابلكيشينات المطلوبه ارسلي ع الخاص يصير ارسلك المكان الي تلاقيها بسرعه فيه و ايش هوما المطلوبين منك بدل لا تدور و تحوس زي ما حست ازا حابب تعملها بنفسك لانها مو صعبه ابدا

اخوي بما انك علي حسابك الخاص حاول تروح مدينة رخيصه مثل فكتوريا
ابعد عن المدن الكبيره الغاليه