مساعدة التسجيل في ملتقى الدارسين على حسابهم الخاص ..

وعليم السلام ورحمه الله و بركاته ..

للتسجيل بالملتقى لازم تجهزي قبول المعهد " اللغه " و الجامعه
و لازم بعدهم تطلعي الفيزا .. في نموذج موافقه ولي الامر و تعملي سكان للشهاده السابقه
سكان للجواز و الفيزا و بطاقه الاحوال او بطاقه العائله ..
كل الامور دي الافضل جاهزه قبل لا تعبي بياناتك و يصير ترفعيهم بوقتها و خلاص ..

بالنسبه للملتقى انتي سجلي و ازا جاتك دعوه يصير حلو .. ازا لا يصير تروحيلهم مع اوراقك من اول يوم و توقفي على راسهم و تحاولي يدخلوكي بالسستم و كدا عشان تدخلي
لانهم هوما يختاروا الي سفرهم اقرب وما بيلحقا الملتقيات التانيه و يدخلوه

السلام عليكم اخواني ارجو البحث لي عن حل موعد دراستي قريب وقبل اسبوع كان موعد مقابلتي في السفارة اوراقي كاملة ما عدا الفيزا ما اقدر اقدم في الموقع حق الوزارة بسبب نقص الفيزا وباقي 8 ايام ويقفل التقديم على مؤتمر الدارسين على حسابهم في الدمام لازم الحقه ارجو مشورتكم

طيب .. الله يسعدك و يعطيك العافيه بعد عندي استفسار ثاني ..
أنا بإذن الله بأدرس ماستر و قبول الماستر شوي صعب الحين جبت قبول اللغه فقط و قبول الجامعه باقي عليه
ولما بأسجل بالملتقى طالبين مني أرفق قبول الجاممعه ، هل أرفق لهم قبول اللغه بدل قبول الجامعه

طيب انتا قدم و حط اي ارقام في مكان الفيزا اصفار او اي شي موقتا .. بكدا تقدر تكمل التسجيل و اكتب بالملاحظات ازا موجود ان الفيزا بتتعمل .. و بعدين يصير تعدل الطلب لمن يرسلولك او شوف وقتها ايش يصير او ايش نظامهم

بالنسبه للتسجيل يمديكي تحطي صوره قبول اللغه عشان تقدري تحضري الملتقى .. بس بعد كدا طلبك يعتبر ناقص و بيترفض عشان ترجعي ترفعي الاوراق تاني ..
بس انتي سجلي عشان تقدري تاخدي موعد للملتقى و بعد الملتقى ازا اترفض يا انك تستني للحد لمن تسافري هناك و تجيبي قبول مشروط او انو تحاولي من هنا تتراسلي معاهم عشان تقدمي تاني و يبدا طلبك يمشي بس بكذا حياخد وقت اطول لحد ما يجي تفعيل طلبك

امممم متى موعد الملتقى في جده ..؟؟
في شهر شوال صح ..؟؟
لأن قرأت بأحدى المواضيع أن المتلقى تغير و صار بشهر 11