| . . مـتـابـعة طـلـبات الإلحاق لدى الوزارة . . | (٢)

ماشالله اموركم شباب ماشيه! كم تقريبا اخذت منكم الالحاق؟ وهل كانت صعبه وبواسطه وملاحق؟ عندي سوال ثاني. هل من شروط الالحاق انك تكون بادي بالدراسه؟ انا عندي قبول طب على حسابي للسنه الجايه ولو اقدر اجيب الحاق قبل ما تبدا الدراسه اكون اسعد شخص! لان رسوم دراسه الطب تكسر الظهر :/
نصايحكم، مشكورين

ابد بما أنك قد جهزت ملفك مجرد ترفع الطلب وتنتظر فتح ملفك كمبتعث ثم تطلب الضامن المالي وتحدث معلومات الحساب البنكي وتضيف المرافقين إذا كان معك مرافقين .. والله يوفقنا وإياك

الله يوفقك وييسر أمرك .. بالنسبة لي فماجستير وبدأت الدراسة الأكاديمية وكنت حضرت ملتقى الدارسين على حسابهم الخاص واستكملت كل الشروط وماعندي لا واسطة ولا معرفة بالوزارة لكن الحمد لله انتظرت تقريبا شهر وشوي حتى جت الموافقة على الدراسة ثم تقريبا شهرين حتى تم ضمي للبعثة ..
الذي أعرفه أن بداية الدراسة شرط أساسي لطلب الإلحاق ولكن كل معاملة تأخذ مسار مختلف في الوزارة يعني ممكن تجيك البعثة بدري وممكن تتأخر لاقدر الله! مافي نظام واضح وتقريبا تعتمد على مزاجات الموظفين والله أعلم!

{بعد الإلحاق رفعت للجامعة الضمان المالي وقاموا بإرجاع الرسوم التي دفعتها}

مع عائلتي هنا والتكاليف جدا مرتفعة وعشت توتر رهيب لكن الحمد لله فُرجت..

النصيحة:
إذا عزمت فتوكل على الله .. استخر والله يعوضك ..

الف مبرووووك

ممكن سير معاملتك

السلام عليكم ورحمة الله وبركاته
أنا مقدمه على طلب دارس على حساب الخاص سارلي خمسة شهور للان محد رد عليا لا قبول او رفض ولا شيء

السلام عليكم ورحمة الله وبركاته

أنا مقدمه على طلب دارس على حساب الخاص سارلي خمسة شهور للان محد رد عليا لا قبول او رفض ولا شيء الله يسعدكم تعرفوا احد أتواصل معاه يرد عليا ؟

السلام عليكم انا قدمت طلب للالحاق بالبعثه وجاني رفض بسبب اني ماحطيت لهم كشف درجات ف لازم اقدم طلب من جديد الطلب الجديد تتوقعون راح يرجع للوزاره ويتأخر ولا على طول يتحول للملحقيه لاني اول ماقدمت طلب ردو علي بعد شهرين وقالو لي مرفوض طلبك هل تتوقعون لو اقدم طلب ثاني واحط لهم النواقص راح يتأخر نفس الطلب الاول او لا الي يعرف يجاوب لاهنتو

السلام عليكم
اني في حيرة من امري وانتظر الاجابة الشافية منكم
ولدي سافر بريطانيا على حسابة الخاص من غير ما يحضر الملتقى والحمدلله انهى مرحلة اللغة وحصل على الايلتس الي يدخلة الجامعة
الحين ولدي رجع السعودية ونبغى نقدم على الملتقى وعارفين طلبات الملتقى
السؤال هل يمكن ولدي يحضر الملتقى وهو منهي اللغة لانه من شروطهم لحضور الملتقى قبول معهد طيب هو انهى اللغة يقدر يقدم بالايلتس وقبول الجامعة
ودمتم في حفظ الله

عليكم السلام ورحمة الله
يقدر يقدم بقبول الجامعة ونتيجة الايلتس
بالتوفيق

شكراااا على الافادة
ومتأكد من المعلومة