الفيزا الاسترالية

الله يجزاك الجنة يابو غادة وييسرلك امورك ويوفق في دينك ودنياك واخرتك
واسف على الازعاج لان صراحة قريت في المنتديات ان بعد ماتخلص الابلكيشن تتابع طلبك على الرابط اللي انا حطيتة ولايدخل معي وخفت ان تقديمي غلط او فيه شي
لكن الحمدلله ان شاء الله الامور زينة لقيت شي جديد كاتبينه
No health examinations are required for this person for this visa subclass based on the information provided to the Department of Immigration and Border Protection.
علماً اني سويت الفحص
مدري وش يقصدون
شاكر لك ولجميع الاعضاء اللي تفاعلو معي جزاهم الله الف خير ووفقهم في امورهم كلها

يقول لك ان الفحص الطبي غير ضروري للشخص المقدم على الغيزا ...معليش اخوي ايش نوع الفيزا اللي انت مقدم عليه

Sent from my GT-I9500 using مبتعث mobile app

مقدم على فيزا طالب وكاتب عندي نوع الابلكيشن كذا
Student Temporary Visa (Offshore) (570,571,572,573,574,575)

ابو غادة وبقية الاخوان انا طلبت من مكتب يساعدني في استخراج فيزا لعائلتي ولكني توهقت الله اعلم المكتب نصاب وفيه واحد مصري اسمه احمد المصري لا اعلم للاسف ايضا اسم المكتب حيث اني في جده وهو في الرياض قال لي ادفع 850 واطلع لعائلتك فيزا والحين لي قرابة الشهر لم يرسل ويطلب لي ورقة واحده واتصل عليه من اسبوع ما يرد ..انا من يتحمل المسؤلية ولكن انتبهو يا اخوان يفضل كلا يسوي الشي بنفسه وانتبهو للمصاريه الحذر مطلوب خصوصا في تعاملاتكم الماليه

( تمت المشاركة باستخدام تطبيق مبتعث )

انت في جدة وجدة فيها كل شي
وش اللي وداك للرياض
كان الأحرى بك انك تروح لمكتب واضح ومعروف وواقعي
الله يعوض عليك
والحرامية لا يقتصرون على جنسية محددة

( تمت المشاركة باستخدام تطبيق مبتعث )

الان سبب تاخير اصدار فيزتي هو البيانات الخطأ للبنت حيث ارسلوا لي بيانات خاطئة قبل عمل الكشف الطبي وطلبت من المكتب تعديل البيانات ومنذ شهر ولم يتم التعديل والمكتب يقول بان الهجرة هم من اخر موضوع التعديل ونراسلهم وما يستجيبوا..سؤالي هو يا ابو غاده ما رأيك لو الغي فيزا البنت واصدر لها الفيزا لاحقا حيث متبقي لي شهر فقط هل يمكن الغاء طلب فيزا البنت لتسهيل اصدار الفيزا لي والالغاء كم يأخذ من الوقت بمعنى انتظر تعديل البيانات ام الغي واقدم لاحقا للبنت ايهما اسرع تبقى شهر على سفري انا جاهز وسويت الكشف ووصل ولكن فيزتي معلقة بسبب المرافق..انا في حيرة من امري ؟؟؟

( تمت المشاركة باستخدام تطبيق مبتعث )

السلام عليكم

اخوي ابوغاده جزاك الله عنا خير الجزاء


استفساري

هل يلزم توقيع صاحب الجواز ؟

اذا كان كذلك فكيف يتم التوقيع على جواز اطفال اقل من ٥ سنوات
ام يكتفى بتوقيعي على جوازاتهم .

كل الشكر لك ابو غاده ...

يلزم توقيع جواز الام والاب عند التقديم على للفيزا للاطفال ( القصر) في بعض الحالات وترفق مع فورم الوصاية، يكون التوقيع في الصفحة الثانية من الجواز ستجد مكان مخصصك لتوقيعك

ومن المستحسن انتظار طلب ذلك من الامجريشن ولا داعي ل استباق الخطوة

قربت تصدر فيزتك ان شاء الله .. بلغنا اذا صدرت

لاداعي لذكر الجنسية ف اصابع اليد ليست بواحدة اخوي.
وهذا الموضوع كتب لتفادي مثل هذه الحالات ودوما نردد ب ان تخدم نفسك بنفسك

واللي مقدر افهمه ان التقديم اون لاين ومع ذلك الطلاب يروحون لمكاتب !!!!!! بعدين كيف بيجيب لك فيزا ب ٨٥٠ ريال ؟ مستحيل

معلومات الابليكشن حقك ناقصه بالنسبه لي ومدري وش وضعك، عموما طلبك وطلبها واحد لا تستطيع الغاء واحد دون الثاني حسب فهمي
تقدر تلغي الطلب ولكن العملية يدوية عن طريق مراسلة مكتب الامجريشن وطلب الغائها ( البريد المسجل فالطلب هو المخول ب الغائها )
انوه مجددا بان العملية يدويه ويجب مراسلة الامجريشن اكثر من مره حتى يتم الاستجابة والغاء الطلب علما بان قيمة الفيزا غير مستردة
واخر شي اقوله لك .. لو المكتب ماخذ منك ٨٥٠ ريال فقط، قيمة الفيزا حقتك وحقت مرافقك ف احب اقولك ان انصب عليك بشكل رسمي ولا يوجد لك طلب ف الامجريشن من اساسه لان قيمة الابليكشن لوحدك ٥٣٥ دولار

السلام عليكم ورحمة الله وبركاته
جزاكم الله خير على جهودكم البذولة وجعلها الله في موازيين حسناتكم , في الواقع انا امرأة ادرس على الحسابي الخاص مع خمسة من ابنائي في ماليزيا وحابة اغير لأستراليا والفيزا بتكون ان شاء الله سياحية وهناك اذا عجبني الوضع اغير , وسؤالي هو هل الفيزا السياحية مثل الدراسية المرافقين بتكون يدوي ؟ وهل تستغرق وقت ؟ علماً بأن فيزتي في ماليزيا بتنتهي بعد شهرين ونصف من الآن وأتمنى انه الفيزا السياحية ما تأخذ كل هذا الوقت , ولو عندكم علم من فين اقدم على الفيزا من ماليزيا اكون لكم من الشاكرين . والشكر موصول لأخونا الفاضل ابو غادة المشرف على الموضوع والقائم عليه .

مع خالص شكري وتقديري