الفيزا الاسترالية

دفعت لشخصين افتكر 1100 دولار استرالي

اذا كان الوصل مكتوب فيه ١١٠٠ معناته شخصين. تواصل معهم في لهم رقم في الامارات

اخواني الكرام

السلام عليكم

قدمت فيزة طالب لغة 570 اونلاين وتم منحي الفيزة انا والمرافقين، ألان هل يتوجب التبصيم حيث اني سمعت افادات مختلفىة في هذا الموضوع، وحيث ان الموقع الرسمي للهجرة يؤكد وجوب التبصيم،

آمل افادتي

وماقصرتو

وعليكم السلام. مادام الفيزا صدرت من البديهي انو خلاص ما راح يتطلب عليك شي. بالنسبه لتجربتي الشخصيه في الفيزا الاستراليه هي التقديم والفحص الطبي فقط

السلام عليكم ورحمه الله وبركاته
انا عندي فيزا طالب وراح تنتهي بعد شهر وكم يوم وبغيت اجددها
سؤالي هل ضروري اطلب COE جديد من الجامعه ولا الي عندي كافي ؟

وشكراً مقدماً

وعليكم السلام ورحمه الله وبركاته. بالنسبه COE اذا كان يغطي فترتك الجامعيه فهذا المطلوب سوا قديم او جديد

استغفر الله العظيم الذي لا اله الا هو الحي القيوم واتوب اليه..

السلام عليكم ورحمة الله وبركاته

ميزة المنتدى في المشاركات وان كلنا نفيد بعض بقدر المستطاع..

وأشكرك يبو غادة ع تفاعلك مع الاعضاء وباقي الاخوة اللي ما قصرو الله يجزاكم خير جميعا ويجعلها في موازين حسنات الجميع..

باختصار انا موضوعي كالتالي,, -وياليت يالربع تفيدونا بالعلم الاكيد لان بتوكل على الله ثم على مشورتكم..-

كنت طالب في امريكا والفيزة تكنسلت وحسبنا الله ونعم الوكيل..

قدمت على جامعات في استراليا .. حصلت ع القبول منذ شهرين تقريبا ولا يوجد خلاف من ناحية زيادة الساعات باذن الله..

لكن المشكلة الان في طلب تغير الدولة ان الوزارة طالبة اصدار الفيزا اولا حتى يتم اصدار قرار الانتقال - ان شالله-
والفيزا الدراسية لا يمكن التقديم عليها الا بعد الحصول على الـ COE من الجامعة..
وفي نفس الوقت الجامعة وبخطوة غريبة جدا منها متعندة موب راضية تعطيني الـ COE حتى تحصل على الضمان المالي النهائي, وكما تعلمون ان الوزارة مستحيل تعطي الطالب ضمان مالي نهائي.. لانه يصدر من الملحقيات فقط.. وملحقية استراليا ما بيدها شي تسويه الان الين الوزارة توافق ع طلب النقل..

جبتلهم ضمان مالي بغرض القبول من البوابة - يعني تم اصداره من ملحقية امريكا واترفض

اتصلت بالوزارة .. طلع مافي فايدة وجيت بنفسي اتفاهم معاهم في الرياض برضو مافي فايدة والموضوع معلق..

في الشهر الماضي من خلال بحثي اتوصلت لحل بسيط.. بحيث اني اطلع فيزا سياحية .. ويتوجب احولها خلال ثلاثة اشهر.. لكن :
1- هل الوزارة بتوافق تمشي الطلب بفيزا سياحية لغاية ما اوصل هناك واحصل ع الضمان المالي النهائي من استراليا ثم احولها دراسية؟
2- في الابلكيشن في سؤالين: i) اش اجاوب ع السؤال اللي يقلي اذا مخطط تدرس في استراليا؟ اخاف احط لا وبعدين لما اجي احولها ويشوفو ورقة القبول عندي بتاريخ قديم يوقفولي عليها.. اش اسوي هنا؟ لاني اذا حطيت نعم بيطلبو مني اوراق القبول والـ COE ثم يجبروني اقدم ع دراسية يعني كانك يبو زيد ما غزيت
ii) بالنسبة لموضوع الصرف هل احط انا مسؤول عن نفسي؟ متردد لانهم يمكن يطلبوني شهادة بنكية وهنا بتورط انا ..


افيدونا الله يجزاكم خير.. يمكن فيه خطوة اقدر اسويها وراحت علي

اللهم صل وسلم وبارك على سيدنا محمد..

وعليكم السلام ورحمه الله وبركاته. اذا عندك قرار ابتعاث صادر لاستراليا تواصل مع الملحقيه مع المشرف علي الجامعه وأرسله عن طريق الايميل الضمان المالي وقرار الابتعاث وهم بدورهم يتواصلون مع الجامعه ويرسلو لهم ايميل بان المصاريف راح تتكفل فيها الملحقيه وبنا علي الايميل الجامعه راح تصدر لك COE

هل فعلا يجب التقديم للفيزا قبل 120 يوم من بداية الدراسة؟ وهل يقصدو ببداية الدراسة اللي هوا اول يوم ندرس فيه ولا اليوم اللي لازم نحضر فيه؟

لا مو شرط ١٢٠ تقدر تقدم قبل الدراسه بشهر. المهم قدم بدري عشان الفيزا اذا تأخرت يكون معك وقت وخاصه اذا انت ناوي تستأجر سكن