استفسار استفسار بخصوص الدراسه ع حسابي الخاص

السلام عليكم ورحمة الله وبركاته

مشكور اخي البندر وبيض الله وجهك واسعدك الله في الدارين
كما اشكر الجميع على التواصل والتعاون لكل مبتعث .
حفظ الله الجميع من مل مكروه .

آمين يا رب وياك وللمسلمين جميع يا رب
أي استفسار أو خدمه أنا حاضر أخوي

الله يسعدك مانستغني عنك وعن اعضاء مبتعث
سوال لوتكرمت
انت مبتعث ؟
اذا نعم .
سوالي
ماذا تنصح عند وصولي لملبورن اين اسكن هل فندق او مع عائلة ؟
يمدحون فندق ريديجز Rydges
هل انضمامي للبعثة ممكن بعد ٣ اشهر ؟
هل ضروري احضر شهادات زوجتي واطفالي مسبقا معي ؟
وايش افضل تنصحون اخذ كم شنطة معي
هل عدد ٢ شناط نوع وسط مع الشحن وعدد ١ ظهر معي بالطايرة ؟
اثقلت عليكم بارك الله فيكم .

الله يسعد الجميع يا رب
اخي الكريم مقدر اجزم لك في بعض الامور
أنا الى الان لم أبتعث أنا في نفس مرحلتك بالضبط أنتظر الموافقه و الملتقى
نقلت لك تجربتي الشخصيه فقط
بالنسبه للانظمام
ندعي الله عز وجل أن نلتحق بالقريب العاجل إن شاء الله
بالنسبه للسكن تقدر تتواصل مع المعهد يوفر لك سكن عائله بما أنك في مرحله لغه أفضل سكن العائله ( مجرد رأى )
بالنسبه لشهادات العايله الكريمه ما عندي أي خلفيه بصراحه
أتمنى ألاخوان يفيدوك إن شاء الله

حلو وكلام جميل واتمنى من الجميع الافادة قدر العلم والمستطاع

السلام عليكم يا اخوان . انا حاب اشارككم الموضوع . وانا سابقاً قبل 8 اشهر كنت في نفس حالتكم بالضبط وابحث ومن هالامور .
اولاً بخصوص السكن سكنت في فندق ريدجز او سليب اند قو لمده 5 اسابيع ب 1375 دولار . وبعدها طلعت عند عائله والامور جداً سهالات والديره جداً حلوه وممتعه .
يا اخوان انا احذركم كل الحذر اللي ماسافر الى بلد الابتعاث لا يحط في باله انه يبتعث بعد 3 اشهر او اربعه لان انا كنت افكر الموضوع كذا ولكن ما ابي اخوفكم .
انا صار لي مايقارب 8 اشهر في استراليا ادرس مرحله الماجستير في جامعه RMIT . ولسى في مرحله اللغه .
الانظمام شي مو سهل ابد ولا احد يستهين فيه . انا رفعت معاملتي للوزاره من نص رمضان والى الان ماكتب الله لي الابتعاث مع ان اوراقي ومستنداتي مكتمله وماينقصها اي شي . والسبب والعلم عند الله .
وحتى بعد مكرمه الامير سلمان الملحقيه تقول ماعندنا شي . والوزاره تتصل عليهم ويتهربون ويقولك ماوصلنا اي شي بخصوص القرار .
ف اللي يبي يجي يحسب الميزانيه لمده 8 او 9 اشهر وذلك لمصلحته النفسيه .
انا ما ابي احطمكم ولكن احذر فقط . طبعاً مو كل الطلاب زي حالتي ولكن اعرف لكم اكثر من شخص زي موضوعي .
والبعض الحق في فتره وجيه . ف لحد يأمل على شي لانه ينصدم مستقبلاً .
وبالتوفيق للجميع .

اخواني انا سفري بعد الملتقى على طول لمدينه ملبورن وعندي القبول الجامعي
بس بصراحه خايف مايضموني لان معدلي مقبول وسمعت انهم مايضمون هذا المعدل لقرار خفي توهم مطلعينه هل هذا الكلام صحيح لان ؟؟

يا اخي الكريم انا نفسك . معدلي مقبول في البكالوريوس والوزاره تو مطلعه هالكلام اجتهادات شخصيه ومعي كم شخص نفس الحاله .
ف الله يوفقك يارب . واحسب الامور المديه كويس وجهز الواسطات

اخي الكريم هل انت في بلد الابتعاث
وهل تمت الموافقه لك على الدراسه على الحساب الخاص ؟؟
وماهو تخصصك في البكالوريوس؟
اعتذر لكثره الاسئله لكني قلقه جدا

اي نعم في بلد الابتعاث من شهر 4 ميلادي . وحصلت على الموافقه على الحساب الخاص من اول 3 اسابيع .
التخصص أقتصاد والتقدير مقبول . ولكن الوزاره قررت قرار ارتجالي بخصوص المعدل في هذه الفتره وبدون مقدمات . والمفروض الوزاره تبلغ الطلاب بهذا القرار وماتخليه مبهم وتوهق الطلاب .
ع العموم لاتقلقي اللي عنده طموح لايخلي شي يوقف قدامه . ولكن لاتضعي امل وتبنين مشاريع ان البعثه سوف تأتيك بأول اربع اشهر .
ولا احد يعلم الرزق لانه بيد الله . ممكن تأتيك البعثه من اول اربع اشهر او خمس او سته .. الخ .
وفقك الله