ماهو وضع استراليا والملحقيه مع الدارسين على حسابهم الخاص ؟؟؟؟

ماعمر مر علي واحد يحطم بخلق الله مثلك بكل مكان جالس تحطم بخلق الله
خلاص بطلع من الموقع هذا وكمل حلطمه على كيفك.
قرف

هههههههههههههههه
الله يقطع بليسك

للاسف ترا من جد الدنيا محيوسة والطلبات متوقفة لها فوق شهرين

لكن في تصريحات ايجابية منها ان غير صحيح الغاء الباكلوريوس
وترا كلام الاخ صحيح اللي بيطلع على حسابه الافضل انه يتاكد ان مافي تغييرات على الالحاق
خصوصا ان استراليا غالية وغلا بكثير من امريكا
لكن ان شاء الله خير
شخصيا انا مستبشر خير ان خادم الحرمين الملك سلمان الله يحفظه ويديم عليه الصحة والعافية بيتدخل قريبا
ومابيتركنا كذا تحت رحمة هذي الوزارة تلعب فينا وبمستقبلنا

ماشاء الله .. العواطف تتحكم في كل شي عندنا

واللي ما استوعب ان الوزارة بصدد ادراج تغيير ضخم ف البرنامج فاما بجهل منه او تغاضي عن الاسباب الجوهرية

اذا كنت تدفع مصروف شهري لابنك بمقدار 500 ريال وراتب الشهري 5000 الالف ريال وبشكل مفاجيء خفض راتبك الى 2500 ريال هل ستستمر باعطاء نفس المصروف لابنك ام ستقننه ؟ هذا مانمر به الان

انا اتفق مع الاخ اللي قال التريث مطلوب لاتروح هناك وتوهق نفسك

وبالمناسبة لايوجد مقارنة بين الملحقيتين الاسترالية والامريكية ف الاولى اكثر تعاون مع الطلبة

براحتك

نصحناك وانت حكيم نفسك

لكن مايمنع انك تذهب لهم وتتأكد وترمي كلامي عرض الحائط

سبحان الله ناس ماتحب الي ينصحها..ويرشدها للطريق السليم

خلك الحين من الاسباب الجوهرية الله يحفظك
طلبات الالحاق واقفة لها كذا شهر هل تتوقع ان اللي يدرسون على حسابهم كلهم عيال الراجحي وعبداللطيف جميل
او ان كل واحد منهم قاط له في البنك مليون ريال على جنب احتياط اذا توهق وهو في بلد الدراسة
تخيل تجلس تصرف لك 6 او 8 شهور وتالي تخلص فلوسك ،،شبتسوي ؟

كذا بتكون بين نارين اما انك تحاول تدبر فلوس باي طريقة حتى تنتظر الالحاق لانك بتفكر في المبلغ اللي صرفته مايضيع على فاضي
وهذي غير متاحة للجميع

او انك ترجع بحسراتك وضياع حياتك وقبلها مبلغ خرافي بالنسبة لك كشخص عادي الله يعلم بس شلون جمعته
وكم سنة استغرقت لذلك
اولها اذا رجعت بتشتري لك سيكل هههههه لانك بايع سيارتك ولاعندك قرش تشري به سيارة قرمبع بدلها
ولاعندك وظيفة حتى تشتري سيارة اقساط
تخيل شكل الواحد وهو راجع مطفر وخايب الامل وحالته النفسية لاتوصف وهو يقول لابوه ابي ثلاث مية ريال اشتري لي فيها ملابس

موجه لي الكلام وكاني انا اللي موقف الحاقكم الله يصلحك

السلام عليكم ورحمة الله وبركاته ...

اسعد الله مساكم بالخيرات و المسرات ..

انا طالع بعد شهرين ادرس على حسابي ماستر هندسة في مدينة برزبن ..

وتفاجأت بهذا الموضوع لاني المبلغ اللي عندي يكفيني 5 شهور فقط على امل ان سيتم الحاقي

الان باقي ما دفعت للمعهد وما دفعت اي تكاليف هل تنصحوني اني الغي فكرة الدراسة لاني والله خايف ومحتار جدا


وش تنصحوني فيه وش تشوفون يا وجيه الخير

الاحسن مرهم واسال قبل ماتسوي شي
لكن لاتسال الموطفين العاديين هذولي ماعندهم سالفة
رح للمسؤلين عن البعثات

السلام عليكمم ورحمة الله وبركاته


اخواني واخواتي اللي ناوين يروحون على حسابهم الخاص فتره وبعدها ينظموا للبعثه
انا قريت تعليقاتكم كلكم وشفت الاشاعات والتوقعات واحترت مثلكم لاني ناوي بعد ادرس مثلكم على حسابي وعشان كذا اختصرت على نفسي ورحت كلمت الاخ صديق العريشي هو المسؤول بعد الله عن شؤون الدارسين على حسابهم الخاص وطلبات الالحاق في الملحقة الثقافيه في استراليا وكان رده لي وافي وعز الله بين لي كل شي ما قصر مره ورده هو كما اتي :

وعليكم السلام ورحمة الله وبركاته،،،

الأفضل التقدم لبرنامج الابتعاث بالوزارة فهو أضمن، أما بالنسبة للإلحاق فلا نعلم التوجه المستقبلي للوزارة حياله، ولا يوجد لدينا أي توجيه حالي حيال إيقاف رفع طلبات الإلحاق للوزارة.
والله أعلم.

هذا هو رده لي وهذا يعني انو الوضع كما كان عليه بالسابق وليس هناك اي تغيير
اسآل الله ان يوفقنا ويوفقكمم
دعواتكمم

جزاك الله الف خير