لأي استفسار عن الجرافيكس أو الأنيميشن + معلومات عن الكورسات ..

الله يسعدك يارب ويوفقك ويطلع الكتاكيت حقونك أعلام من أعلام الامه يارب ...

انا حأبحث عن جامعه بنفسي عن تخصص الانيميشن او تخصص الجرافيك ديزاين ...بس عندي سؤال ؟
بصفه عامه ...الانيميشن ..ايش اطلع في الاخر وايش ادرس وايش اسوي ...
والجرافيك ديزاين اي اطلع وايش اسوي وايش ادرس بصفه عامه تقريبا ؟

كذلك نفس السؤال للفيجوال افكتس ؟

كذلك نفس السؤال للفيجوال افكتس ؟

آميين ان شالله ..
طيب..
حأمسك واحد ... واحد ... بس في الأول لازم نعرف انهم كلهم في أشياء يتشاركوا فيها وفي أشياء تميز كل واحد فيهم عن التاني ..
المهم نبدأ بالأنيميشن والفيجوال افكتس لأنهم بينهم أشياء مشتركة أكتر ...

الأنيميشن .. ناخد مثال عن الكورسات الموجودة في جامعة كنت ...
Computer Animation Msc
شيك عال module وحتلاقي مثال فيديو عن شغل الطلاب في كل كورس ..دا كان عام 2009 وبعضها 2008 ..والان في اشياء زيادة ..
set Up: دا مدته 4 اسابيع واول كورس دوامه الرسمي ن 9 ل 5 يوميا .. غير الويكند والساعات الاضافية حقت الواجبات ..وفيه تتدرس برنامج الثري دي اللي حتستخدمه خلال 3 اسابيع تعرف عن كل شي شوية (مودلنغ - يو في مابينغ - تكستشرنغ - لايتنغ - -كاميرا-انيميشن - رندرنغ-كومبوزتنغ)
Modling : عملية البناء لأي مجسم سواء انسان او جماد ..
UV mapping: عملية فرد للأوبجكت وتهيأ الأبجكت لعملية الاكساء ..
texturing: عملية اكساء المجسم بالخامات ..
rigging: عملية وضع العظام للمجسم و هية أساسية لتحريك الجسم
Lighting: الاضاءة ..
camera: تزبيط زوايا الكاميرا وتثبيتها
animation: تحريك الجسم ووضع المفاتيح الأساية والثانوية ...
rendering: عملية اخراج الصورة يعني كل الأشياء اللي قبل عشان نخليها تطلع في صورة
compositing: كل الصور اللي خرجت نجمعها مع بعض في برنامج تاني عشان يسير الفلم ونعدل الألوان والظلال..

دي كلها ناخد عنها أساسيات وشي بسيط .. ودا البرنامج مشترك بين الأنيميتور (اللي يدرس او يشتغل انيميشون اسمه انيميتور) وال fx people اللي همة يدرسوا الفيجوال افكتس ..
وبعدين يبدأوا بالانقسام ..

الموديول في الرابط اللي فوق خاص بالأنيميتور ..
واللي يتخرج منو .. انسب مكان له شركات الافلام ..وافلام الكارتون .. او الدعايات ..
ومكانه أحسن بررررررررة العالم العربي..لأنهم همة اللي يعرفوا بس برضو هنا حيكون له ميزة كبييرة انو المجال دا ناادر
ويقدر يروح يشتغل في شركات الدعايات او التلفزيون ...الخ


ودا الرابط للفيجوال افكتس..
Digital Effects Msc
وهنا يدرسوا االتصوير كيف والكمبوزيتنغ بالهاي ديفنشن HD ..
وكيف يسووا الخدع اللي في الأفلام .. الانفجارات .. السوائل .. تعديل الالوان في الافلام..كيف تدخل أشياء الثري دي مع الأشياء الحقيقية (دي كمان الانيميتور يدرسوها) اللي هية كيف تصور مثللا احد في القرين سكرين وتدخله في بيئة انت صنعتها ..
ازا شفت ال making off حق فيلم ال avatar (تلاقيه في اليوتيوب) ..دا كلووو شغل أنيميتور وفيجوال افكتس ..
الأنيميتور : مثلا ممكن انت تسوي شخصية من عندك زي ال avatar


دول الناس الزرق .. كلهم ثري دي..سووهم مودل ببرنامج المايا ,,, وكل الحركات اللي فيه..
يسويها الممثل بس يكون مركب اسلاك متوصله بجهاز ..عند اليدين والرجلين وجهاز للراس عشان تعابير الوجه..
وتتنقل الحركة من الممثل للشخصية اللي بنيناها ..
شوف شيك عالرابط دا..

دا شغل الأنيميتور
أما الفيجوال افكتس

شفت الخلفيات الخياااالية ..وطريقة تركيب الصور والدمج بين التصوير الحقيقي والثري دي..
دا شغل الفيجوال افكتس ..

===>
ان شاءالله اكون افدتك..
باقي القرافكس ديزاين .. وحاتكلم عن الاركتكتشر فيجواليزيشن ..ان شاالله

اللي فهمتوا ....
اللي يدرس تخصص كمبيوتر انيميشن ... يتخرج وهو عارف كيف يسوي دعايات واعلانات ومقاطع افلام والمؤثرات والصور والاصوات والاضااءات ..ويسمي animator
------------------
واللي يدرس فيجوال افكتس ... خاص بالافلام تقريبا فقط او الهاي ديفينشن ...وماأدري ايش يسمى لوووول ؟
-----------------------
وبالنسبه للموقع حق جامعة كنت ماهو راضي يفتح معايا الانيميشن ابدا ..كل الموقع يفتح الا الانيميشن ؟؟؟

بحثت في جميع الجامعات الأمريكية ....حسب الموقع اللي اعطيتيني هوا ..وحسب بحثي انا (المتواضع)
مالقيت الانيميشن ولا الجرافيك ديزاين تحت تخصص الحاسب ..كلوا تحت تخصص الفن ....كيف كدا ؟

.. لا بالعكس الفيجوال افكتس افهم اكتر بالمؤثرات والأصوات ودمج مشاهد الأفلام ..
الأنيميتور متخصص أكتر في الحركة ..
شوف المقطع دا:


يعني همة الاتنين يتشاركوا في أشياء كتير بس عشان أسهل الموضوع اللي يميز الأنيميتور :
انو لاااازم يكون فاااهم الحركة كيف .. كيف يحرك الجسم .. كيف يحط المفاتيح الأساسية والثانوية .. كيف التسارع والتباطئ وأشياء تانية ..
الأنيميتور من الأشياء اللي لام يسويها يدرس حركات الناس .. الحيوانات كل شي ..يعني يهتم بالوقت والحركة والعظام والمفاصل والعضلات .. دا اللي يميزه
يعني يحاكي الواقع في الحركة ..

الأفترافكتس : اللي يميزه : انه لاااازم يكون عااااارف كيف تسير الخدع السينمائية .. وكيف يحاكي الواقع في المؤثرات زي مثلا اصطدام طيارة ..الخ

ان شاللله يكون اوضح دحين؟؟؟
بس الاتنين يقدروا يسووا الأشياء التانية ..
في اي سؤال تاني؟؟

اما انك لقيت كلو تحت تخصص الفن في أمريكا...
شوف كلم المشرف حقك في الملحقية .. المشكلة انو صعب الواحد يحول من حاسب لفن؟؟!!
بس انت جرب يا تغير تخصصك يا تغير في الترجمة وتتفاهم مع المشرف انو دا داخل في الكمبيوتر ..
او غير دولتك ...
اظن استراليا فيها دا التخصص تحت الحاسب ..

شوفي ياانك بتمزحي ياانك مرة فايقه ...وعيالك ماجننوكي اليوم

انا على نار وانتي بتتريقي تقوليلي غير تخصص وغير دولة وعارفه انوا الملحقيه لو ياشيخه اجيب للمشرفه حقتي قطيع خروف ماحترضى تغيرلي شيء

طيب ابحثيلي انتي يمكن بحثك احسن من بحثي
ولاتقولي في سؤال ثاني عشان في اسئله كتيره ...
لوووووووووووول

الجرافيك ديزاين تحت قسم الفنون ..في الاغلب
والانيميشن تحت ايش ؟
والفيجوال افكتس تحت اي قسم ؟