تجربتي في تخصص برمجة الحاسب الألي بتفاصيل في أمريكا (ماجستر علوم حاسب ألي)

جامعة كانجي ميلون من اقوى الجامعات الامريكية في علوم الحاسب
ترتيبها 1
ولا تعطي قبول مشترط
اصلا من الطلاب اللي يسجلوا فيها ، عدد كثير وكلهم ممتازين وعندهم انجازات ودرجاتهم عالية
فما في شيء يلزمهم يعطوا قبول مشترط ، يقبلوا الطالب مرة وحدة.

اللي حاب يشاركني المشوار،
ببدأ اجمع اوراقي حق اسجل في جامعة بنسلفانيا والجامعات المجاورة لها
الdeadline حق ماجستير علوم الحاسب في November 15
فنبدأ التجهيز من الآن

بالتوفيق للجميع
حياكم الله معانا في علوم الحاسب

كان الله في عونك اخوي والله يوفقك ويسهل امورك

اخواني انا راح ادرس انفورميشن سيكيورتي وهذي الخطة للدراسة

Information Security and Forensics BS | Programs of Study

نظامها كوارترات 182 يعني بفترة كم اخلصها ؟ وكيف مستوى المواد ؟
وماهي المجالات المفتوحه لي للماستر اذا اخذت بكالريوس امن معلومات


انا صراحه محتاره بين هالتخصص و كومبيوترساينس

افيدوني ولكم دعوه بظهر الغيب

راح اعطيك الفرق بين الكوارتر والسمستر --

الكوارتر عبارة عن ترم دراسي مدته عشرة اسابيع ,, وخلال السنه الدراسية فيه اربع كوارترز اسمائهم Fall, Winter, Summer, and Spring
السمستر عبارة عن ترم دراسي مدته ١٦ اسبوع ,, وخلال السنه فيه تيرمين دراسيين + بالاضافه الي ترم او ترمين او ثلاث اترام صيفيه حسب الجامعه اسمائهم Fall, Spring, and Summer 1,2, or 3

خلال السمستر
طالب البكالوريوس يدرس ما بين ١٢ الي ١٥ ساعه وممكن تزيد حسب الجامعه
طالب الماستر يدرس ٩ الي ١٢ ساعه

خلال الكوارتر
طالب البكالوريوس يدرس ما بين ١٥ الي ٢٠ ساعه وممكن تختلف حسب الجامعه
طالب الماستر يدرس ١٢ الي ١٥ ساعه وممكن تختلف حسب الجامعه


الان كيف طريقة حساب مدة دراسة ١٨٢ ساعه
في حال توفرت لك المواد كل كوارتر
لنفرض انك راح تدرس كل كوارتر ١٧ ساعه
فراح تخلص دراستك بعد ١١ كوارتر ( ١١ في ١٧ يساوي ١٨٢ ساعه)
يعني لو درست في السنه ٣ كوارتر والصيف جلست من غير دراسة
راح تخلص بعد اربع سنوات



ان شاءالله تكون الاجابه واضحه

سلام عليكم

استفسار بس بخصوص الكوارترات
اذا كان الكوارتر مدته تقريبا عشرة اسابيع
والسمستر 16 اسبوع

المفروض عدد الساعات في الكوارتر اقل من السمستر!!!
لكن انت قلت الكوارتر من 12 الى 15 ساعة
احس كثير جدا يخلص الطالب هذا العدد من الساعات في 10 اسابيع

افدنا من خبرتك اخي الكريم
تحياتي لك

سلام عليكم

استفسار بس بخصوص الكوارترات
اذا كان الكوارتر مدته تقريبا عشرة اسابيع
والسمستر 16 اسبوع

المفروض عدد الساعات في الكوارتر اقل من السمستر!!!
لكن انت قلت الكوارتر من 12 الى 15 ساعة
احس كثير جدا يخلص الطالب هذا العدد من الساعات في 10 اسابيع

افدنا من خبرتك اخي الكريم
تحياتي لك

حبيبي ابو فاطمه

المعذره نسيت اوضح النقطه هذي

اذا كان عندك ماده عدد ساعاتها ثلاث في السمستر
فنفس الماده في الكوارتر يكون عدد ساعاتها اربع

فلو درست في السيميستر رياضيات ٣ ساعات وفيزياء ٣ ساعات وكيمياء ٣ ساعات فالمجموع يصير ٩ ساعات
نفس المواد بنفس المحتوى تكون ٤ ساعات في الكوارتر فالمجموع يصير ١٢ ساعه

عاده اذا كان برنامج الماستر مدته ٣٦ ساعه في نظام السيمستر
فنفس البرنامج ونفس المواد يكون ٤٨ ساعه في الكوارتر

بسبب ان المده اقصر في الكوارتر يحاولون يزيدون عدد الساعات لكل ماده بحيث تدرس بنفس الكميه اللي تدرسه في السيميستر

بس الكوارتر افضل من ناحية ان عندك اربع كوارترز في السنه
اما السيميستر فعاده اثنين مع الصيفي ثلاث ,, الا اذا الجامعه وفروا صيفي ون وصيفي تو

ان شاءالله اكون وضحتها زين ابو فاطمعه

يعطيك العافيه اخوي حسام على الشرح الوافي وماقصرت

ماجاوبتني على قوة مواد هالجامعه في تخصص امن المعلومات


Information Security and Forensics BS | Programs of Study

انا ما عندي المعلومات القويه عن امن المعلومات
لكن الخطه اعجبتني مــره خصوصا انها تركز في التخصص وبرضوا تعطيك معلومات عامه عن تخصص الحاسب

يعطيكم العافية على المعلومات والنقاشات الجميلة اللي استفدت منها
الله يوفق كل واحد منكم ويسدد خطاه


عندي سؤال بسيط
وش الفرق بين الدراسة بنظام part-time و full-time ??

Part time دوام قصير
Full time دوام كامل

الطالب السعودي في الدول الاجنبيه عادة يكون مجبور انه يدرس Full time بحكم ان فيزته طالب مثل ماهو موجود في امريكا

بالنسبه للجامعات
Part time هو ان تدرس في السمستر عدد ساعات في اليوم اقل من ٩ لطللاب الماجستير واقل من ١٢ لطلاب البكالوريوس هذا طبعا في امريكا
Full time هو ان تدرس دوام كامل .. بالنسبه للماجستير ما بين ٩ الي ١٢ والبكالوريوس ما بين ١٢ الي ١٥

اما بالنسبه للمعاهد,, فـكـل مؤسسة تعليميه توفر عدد ساعات محدده للـ Part time , وعدد اكبر للـ Full time
بعض المعاهد Part time هو حصتين فقط باليوم ,,, والــ Full time اربع حصص باليوم
وبعض المعاهد Part time هو اربع حصص باليوم ,,, والــ Full time خمس حصص باليوم
ما عندهم نظام ساعات ثابت


ان شاءالله اكون وضحت لك الفرق


بالتوفيق لك