انا ضايع !!

حياك الله اخوي حافظ

اسمحلي اخوي لا تزعل .. بس بقولك الصراحه
ما احتقر تفكيرك وطبيعي اي انسان ممكن يفكر مثلك .. بس انت حذر بزياده
لو الناس يفكرون مثلك .. كان محد تعـلـم .. وكل واحد جلس في بيته وخاف من وقوع المصايب
انت اجتهد و سو اللي تقدر عليه ولا تفكر في المصائب .. وكـل أمرك لله

ويحقلك تكره الدراسة عندنا بالسعوديه من صعوبتها وتعقيد دكاترتها.. وفرصتك انك تستغل وجود البعثه وتدرس بــرا
ولو ما حصلت لك البعثه .. فخريجين الجامعات السعودية ما ينقصهم شي باستثناء بعض الجامعات


تكره البرمجه وتبغى تدرس برمجه ,,, ما تجي اخوي .. عندك ألــف فرصه وما اخترت غير اللي تكرهه
حبك للتقنية ما يعني انك تحب تتخصص في البرمجه وتطوير التقنية وغيرها
ممكن يكون الشخص من محبي استخدام التقنية بس يكره البرمجه ..
الحين اللي يحب يسوق السيارة .. هل معناهـ انه يحب يصلح سيارات ويصير ميكانيكي مب شرط .. نفس الشيء اللي يحب التقنية مب معناهـ يحب يطور ويبرمج

وانت تقول جربت تدرس برمجه سنتين وما حبيتها ياعمي ليش تربط نفسك فيها طول عمرك .. لو تتخصصها معناها انك راح تشتغل طول عمرك على حاجه تكرهها
انت عندك فرصه كثيره الان .. تقدر تدرس هندسة او ادارة او غيرها .. وكلها فيها رزقها .. الرزق من الله مش في الحاسب

البرمجه مش محصوره في تخصص معين .. البرمجه لازم اي طالب حاسب يكون عارفها لانها وسيله يستخدموها الطلاب لتطبيق دروسهم في أي مجال او ماده
يعني لو تخصصك علوم حاسب او هندسة برمجيات او نظم معلومات … لازم يدرسونك برمجه ولازم تطبقها في مشاريع المواد الثانيه

وبالنسبه للرياضيات .. تخصصات الحاسب تركز على الرياضيات بشكل كبير
انا تخرجت علوم حاسب ودرسوني 7 كورسات رياضيات

سان دييغو اذكر فيها خمس جامعات معتمده
اللي عندهم حاسب
University of California - San Diego
University of San Diego
San Diego State University



ان شاءالله اكون ساعدتك بالــرد الله يوفقك ويكتب لك الخيره