برأيكم ماهو أنسب تخصص ماستر لطلبة كليات المعلمين
برأيكم ماهو أنسب تخصص ماستر لطلبة كليات المعلمين
تنبيه: هذا الموضوع قديم. تم طرحه قبل 6215 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
LinkBack URL
About LinkBacks-
7 " - كلية المعلمين في الطائف7 "
والله من ناحية البرمجة 100%
لكن من ناحية الرياضيات ماش هيله
يعني يالله خلصنا مواد الرياضيات
وناوين نقدم على البعثه في المرحله الخامسه
وعسى الله يسهل لنا
لكن اللي عرفته وسمعت عنه
ان الواحد لما يبغى يدرس الدكتوراه بعد الماجستير
يختار تخصص عام في الماجستير مثل علوم الحاسب
واذا وصل لمرحلة الدكتوراه يصير قدامه كل التخصصات
لكن لو اختار تخصص امن معلومات مثلا في الماجستير
وش يتخصص في الدكتوراه؟؟
هذا الكلام وسلامتكم - 7 "الله يستر عليكهلا بالربع هلا بالشباب كلهم ..
انا مستغرب من شىء واحد ليش مستحقرين انفسكم !! وخير ياطير واذا صرنا تربويين يعني خلاص الجامعي افضل منا ؟؟
ياما شفنا جامعيين مع احترامي لهم دلوخ ولا يجي ربع مستوانا .. حنا رغبنا الكلية لوظيفة يوم شفناهم سحبوا علينا .. قلنا نكمل ونجيب شهادة افضل ..
انا اشوف ان الأبتعاث والتخصص واقف اولاً واخيراً على رغبة الشخص .. هل لديك عزيمة واصرار انك تكمل وتدرس وتغترب ؟؟ وحط براسك انك كلش انقلش في انقلش العربي معدوم ..
بعض الشباب يقول ماصدقت على الله اتخرج من كلية هالفلس تبيني اكمل ولا انقليزي بعد !! ممكن معه حق لأن هذا طموحه .. لكن مايجب ان الناس تحطمنا ولا تقلل من قدراتنا كل واحد يعرف نفسه بنفسه ..
ماننكر نحن كنا متسيبين بالكلية وحب خشوم عند هالدكاترة ومطامر من مكتب لمكتب .. لكن اذا تذكرت لأن كان معي حق مواد تربية تجيب الهم والغثا .. وارى نفسي بأني مبدع بمواد التخصص ولم احمل منها شي ومواد التربية حدث ولا حرج ..
ونرجع للتخصص المناسب لنا فيوجد تكنولوجيا المعلومات ونظم المعلومات وعلوم الحاسب والتجارة الألكترونية والشبكات جميعها مناسبة وقوية ومتوافقة مع سوق العمل ..
بالأخير تقبلوا تحياتي خريج حاسب آلي كلية الرس
والله يوفقنا وأبصم لك كثر دخلوا كليه المعلمين مو خوف من باقي الجامعات يعني ماحد يخاف أنه يفشل في اي جامعه بس الكثير وأنا منهم قلنا أضمن بالوظيفه والكل كان يعرف أن اول ما تدخل الكليه تاخذ رقم وظيفي ومن هالكلام اللي طلع كذب في كذب يقولون وقعنا على أنا ما نشتغل إلا مدرسين وين ؟؟!!
انا صراحه قدمت على كليه المعلمين لانها أقرب شي من البيت الجامعه مشوار لكن ندمت يوم تخرجت وإذا حنا تربوي وكنا ما درسنا شي
شدوا حيلكم وتوكلوا على الله والله يوفقنا
وخلونا نثبت لهم أنا مظلومين وأنهم غلطانين أنهم ما نقلوا جامعة البترول والمعادن بجنب بيتنا هخ هخ
- ياخوي يازينكم ويازين جمعتكم7 "
حسستوني جالسين بمجلس وكل واحد يبث همومه
الله لايوفقكــ من وزارة حستي مستقبلنا ..!
العلم حتى الأبتعاث رفضونا وهذا المتوقع ..! لكن انا عندي قبول لغة وقبول جامعة من أستراليا
مابقى لي الا الضمان المالي .. الوزارة راسلتهم يقولون مانعطي الا الطالب المبتعث ضمان مالي ..!
انت خذ لك شهادة بنكية من حسابكــ .. نعنبوا ابليسكم لو عندي ماقدمت عليكم ولا فكرت بكم
لا تقولون الحاق بالعبثة رح ..! انا اعرف عالم وسامع قصص عنهم جابوا الضمان من الوزارة وهم مانزلت اساميهم بالعبثة يعني فيتامين ..!
ونبي نحاول وربكم ييسرها .. الصراحة تضمن من هنا ضمان مالي قبل تمشي افضل لكـ
وش يضمن لي اذا رحت هناك يضموني او لا ..!
وفيه قصة ابقولها لكم تدلــ ان كلياتنا للمعلمين مفلسة .. قبل اسبوع اتصلت علي وزارة الخارجية قالوا عندكــ مقابلة شخصية ورحت عندهم وقابلني مدير مركز الحاسب والمعلومات قال كيفكـ بالبرمجة قلت الحق من جنبها
قال وش درستوا بالكلية واعطيه اسماء موادنا وقعد يضحكـ
وسئلني سؤال فر راسي فيه بأحد لغات البرمجة قلت ماأعرف ..
ويرسلني لموظف ثاني ويسئلني سؤالين بالأنجليزي مايتكلم ولا عربي .. قلت يالحبيب لاتتعب نفسكـ ترى ماعندي جواب .. وضحكـ قال هاذي مشكلة طلاب كلية المعلمين ماالومكم مؤهلين تربويين ..!
قال للمعلومية اللي عطيتك هذا مبادىء يعني مادخلنا بالعميق ..
قلت عطني اوراقي وخل امشي بس (رحم الله امرىء عرف قدر نفسه)
والله يوفق الجميع .. - يا حليلكم متجمعين هنا7 "
اجل ضموني معاكم هههههههههههههههه - السلام عليكم شباب7 "
والله انا حااايس حوووسه
اكثر الجامعات الكندية رافضه تقبلني
عشان التخصص اللي في الباكاليريوس ضعيف
قصدهم عشانه كلية معلمين
والله حاله
ممكن ياشباب تساعدوونا - 7 "
صح هذا هو انسب تخصص ومعاه هذا التخصص
Software Engenerring
الي هو هندسة البرمجيات
- طيب واللي لغه عربيه وكليه معلمين بعد وش يدخل خوفونا من تخصص تقنيه معلومات7 "
طبعا لى حسابي المعدل مش ولابد - ياشباب نصيحــــــة لوجه الله اتركوا IT تكنولوجيا المعلومات7 "
علوم الحاسب هي الأنسب لنا وهي المطلوبة في سوق العمل .. صحيح صعبة بس هي الأمثل وراح تأسسنا من جديد
من خلال مقابلاتي مع الكثير من الشركات يقولون حنا رغبنا فيكـ يوم شفنا تخصصك علوم حاسب واستشير اصحاب المعرفة منهم باللي يجيهم ماستر وش افضل تخصص يختارونه قالوا العلوم ولا غيره .. - الIT إذا مايكون متخصص ولا ماينفع كثير7 "
علوم الحاسب وIT وجهان لعملة واحدة مافيه فرق كبير بينهم الفرق في طبيعة الدراسة والعمل
ودمتم سالمين
ياخواني انا ماخليت رد الا قريته واعجبني كثير منها وشفت بكثير منها ياس ياخوان والله ماضيعنا الا عدم الخبره يوم دخلنا كليه المعلمين وكان طموح اهلنا البحث لنا عن اسهل طريق للوظيفه وماوهمنا الا لقائات المسؤولين كلن يقول انتم الجيل القادم وانتم بينحط لكم بكالوريوس حاسب الي يوم تخرجنا لقينا تربوي كبر روسنا وكلن تخلى عننا واقل واحد فينا جلس سنه علشان يتعين او ينتظر وظيفه او تعين ومل من كثر مراجع الديوان
ياخوان حنا جتنا فرصه ولازم نستغلها لاتقولي صعب ماصعب ياخواني دخلنا كليه المعلمين مانعرف نسوي جدول المحاضرات مانعرف نشغل جهاز مانعرف وش يعني دكتور من استاذ وتعلمنا والحمد لله تخرجنا ياخواني كثير مننا يملك قدرات واللي مايملك ان شااءلله بالغربه بيتعلم كثير وواحد من دكاتره جامعه الملك سعود يقول اللي بتجيه البعثه ان شاءالله يضمن النجاح يقول دراستهم غير دراستنا يركزون على الشي المهم والجديد والدقيق بالتخصص يعني مو مثثل ربعنا كثر حشو وبرامج قديمه وخوارزميات غبيه
انا بصراحه ماني والبرمجه خويا بس افكر دامني مسافر مسافر ومغترب بجيب تخصص حلو ياهلني احط عيني باكبر شركه وادخل فيها
لو افكر تربوي اخذتها بعمان او بجامعه الملك سعود وارتحت لااغتربت ولا شي
واعجبني موضوع لاحد الاخوان يقول جلست مع واحد بالوزاره وقالي شوف لاتفكر بالبدايه الا باللغه يوم تاخذ اللغه مع اختلاطك بالناس راح تعرف ايش يهمك وتختاره لان راح يكون عندك ادراك للتخصص اللي تطمح له يعني لاتزعجون انفسكم وتفكرون واجد ترى الامور ان شاءالله سهله
انااعرف واحد راح لامريكا ورجع ماستر امن معلومات واول مارجع الامنيه طلبته
انا جاني قبول تكنلوجيا معلومات وسئلت قالو فيه امكانيه تغير الان تفكيري كله على اللغه بعد اللغه راح افكر ايش اختار وايش اللي يناسبني اعجبني تخصص واحد من الاخوان نتورك موبايل
واتمنى ياخواني توكلونها على الله وتستخيرون باللي يناسبكم وكل شي على الله سهل سبحانه
مابي اشوف ياس واستحقار لقدراتكم
اخوكم احمد