ملتقى الحاسب الالي لـ طلاب ومبتعثين المرحلة التاسعة ،

يعطيك العافيه أخت أفنان
وفعلا بحثت وحصلت ناس كثير يدرسونه
أما بالنسبه للجامعات أتمنى الشباب يذكرون أكثر من جامعه في أكثر من ولايه عن تجربه
وبرضوا بأشوف جامعه RIT وأبحث عنها

تحياتي

انا باروح ماستر حاسب بس حابه اعرف ايش الاختبارات المطلوبه لدخول الجامعه غير التوفل؟
وهل ممكن ندرس الاختبارات -اذا كانت مطلوبه-في معاهد هناك ع حساب البعثه؟


( تمت المشاركة باستخدام تطبيق مبتعث )

سلام عليكم ..بحكم خبرتي وبحكم انى ادرس الان ماستر نظم معلومات في امريكا وعلى وشك التخرج ولله الحمد قلت اشارككم لعلنا نستفيد من بعض
اولا تخصص IT بامريكا تخصص نادر بحكم ان اغلب الجامعات تسميه نظم معلومات اللى هو INFORMATION SYSTEMS وقليل فقط من يسميه IT
ثاينا الماينور اوالكونستريشن هو تخصص دقيق تحت التخصص الاصلي يعني تقدر تدرس علوم حاسب والماينور او الكونستريشن امن معلومات وبكذا يكتب بالشهاده ان الطالب متخرج ماستر علوم حاسب مع تركيز في امن المعومات..
ثالثا القبول النهائي ماهو سهل زي مانتم متوقعين..اغلب تخصصات الحاسب تطلب غير التوفل اختبار GRE وكل ماكانت درجة GRE قوية كل مازادت نسبة قبولك..طبعا تخصص علوم حاسب بعض الجامعات ماتطلب GRE
رابعا نصيحة لكم لاتشغل نفسكم بالجامعات من الان..اللي عليك انك تروح تدرس بمعهد قوي عشان تضمن التوفل بعدين تطلب دورة من الملحقيه عشان تحظرك لاختبار GRE وبعد ماتختبر ساعتها اجمع كل شي من مستندات وخبرات وشهادات و (قط) على كم جامعة نسخه لانك حتى لو درجاتك قوية فالمناسه ع المقاعد دايما محتدمة ومايقصرون الهنود والصينين ينافسوننا ع مقاعد الاجانب بكل قوة

وفقكم الله..اللي عنده استفسار يضعه هنا وان شاء الله اجاوب

جزاك الله خير بس عندي سؤال وش تنصح البنات يتخصصون فيه بالنسبه سوق العمل السعودي
ادري انه بدري ع التخصص بس انا ودي احدد عشان اشوف اذا يحتاج ادرس gre من اللحين واالا


( تمت المشاركة باستخدام تطبيق مبتعث )

واخر سؤال ايش متطلبات القبول غير gre & tofel
هل فيه gmat او اي اختبار ثاني؟
ونبذه بسيطه عن اختبار gre هل الوزاره تدفع قيمه الدوره التحضيريه له؟ كم ياخذ وقت لدراسته؟ هل هو ماث ولا مبادئ حاسب؟
و شكرا


( تمت المشاركة باستخدام تطبيق مبتعث )

شروط القبول هي توفل و gre فقط وبعض الجامعات تطلب خبرة عمل بس هذول قليل
بالنسبة لل GRE الملحقية تدفع رسوم الدورة وغالبا تكون مدتها شهر وتعوضكم عن قيمة الاختبارات هو والتوفل ومدة دراسته تختلف من شخص الى اخر ولكن الغالب شهرين
وهو يتكون من جزئين الاول ماث وليس صعب مرة والجامعات تركز على درجته خصوصا لتخصصات للحاسب والهندسة والجزء الثاني لغوي وهو انقليزي بحت يعني مفردات وقطع قصيرة

اما بالنسبة لسوق العمل فالصراحة مادرى عن وضع البنات لكن اللي اعرفه ان الحاسب من المجالات اللي يشغلها الرجال وبقوة عكس الادارة او البنوك مثلا

السلام عليكم

انا خريج بكالوريوس نظم معلومات وأفكر أكمل ماستر في أمن المعلومات أو E-Business ( محتار بينهم )
وبعد البحث بالمنتدى دخل في بالي تخصص IT معهم
فما أدري وش الأفضل بينهم من ناحية المستقبل وسوق العمل .. كـ رغبة ما فيه فرق كبير بينهم لكن المهم أبعد عن مواد البرمجة
وشغله ثانية .. لو بغيت أكمل MBA هل يوافقون الملحقية يضموني للبعثه ولا لا .. بحكم أنه مختلف عن تخصص البكالوريوس ؟

تشكـرات ،،

عندي سؤالين

الاول :: ايش هوا الجي ار اي وكيف اختبره وكيف طريقته

واختبره قبل دراسة اللغه ولا بعده ؟؟

السؤال الثاني ::
اقدر اقدم لغه على اني بدرس ماستر في علوم حاسب لانه هو الامتداد لنظم معلومات
وبعد مااخلص اللغه ادرس ماستر في نظم المعلومات ؟؟

السلام عليكم و رحمة الله وبركاته يا شباب و شابات ...
أسال الله ان يكتب لنا القبول جميعا يا رب ...
بالنسبة للتخصص انا تخصصي الحالي علم معلومات .. و ان شاء الهل اذا ربي كتبها و اتقبلت نهائي ناوي اكمل الماستر أمن معلومات او شئ مختص بالمعلومات لكي اكون في ممتدد التخصص اكادميا ..
فايش مقترحاتكم و نصائحكم اخواني و اخواتي .

مين مثلي computer science??

( تمت المشاركة باستخدام تطبيق مبتعث )