استفسار ضروري جدا في Information Security ارجو المساعدة

وعليكم السلام ورحمة الله وبركاته ,

بالنسبة لتخصص الـ Information Security .. فغالب الجامعات تدرسه على درجة الماجستير والدكتوراة كتخصص دقيق لأحد تخصصات الكمبيوتر الشائعة مثل Information Science, Information Technology, and Computer Science ..

والجامعات المعتمدة من قبل وزارة التعليم العالي واللي تدرس تخصص الـ Information Security لدرجة البكالريوس هي جامعتين فقط !
جامعة UNIVERSITY OF MARY WASHINGTON وجامعة HIGH POINT UNIVERSITY.

واما الجامعات المعتمدة من قبل وزارة التعليم العالي, اللي تدرس تخصص الـ Information Security لدرجة الماجستير فهي أربع جامعات فقط وهي :
1. CARNEGIE MELLON UNIVERSITY
2. LEWIS UNIVERSITY (متكدس)
3. PURDUE UNIVERSITY
4. STEVENS INSTITUTE OF TECHNOLOGY

واما الجامعات المعتمدة من قبل وزارة التعليم العالي واللي تدرس نفس التخصص لدرجة الـدكتوراة .. فهي جامعة PURDUE UNIVERSITY فقط !

فأنت لما تشوف الخيارات المتاحة لك , بتلاقيها محدودة جداً .. وهذا يعني أن فرص القبول بتكون ضئيلة جداً جداً !
بمعنى أنك لو درست التخصص لدرجة البكالريوس "وجاك قبول من احد الجامعتين اللي ذكرتها" .. معناته انك راح تلقى صعوبة في قبول الماجستير "لو حبيت تكمل ماجستير" ..
ولو لقيت قبول للماجستير من احد الخمس جامعات .. وجا يوم تبي تكمل فيه الدكتوراة .. معناته ان ماعندك الا فرصة وحدة فقط من جامعة وحدة فقط .. لو رفضتك معناته ماتقدر تكمل الماجستير على نفس التخصص !

فبالتالي انت كذا تحكر نفسك ..

لذلك راح انصحك مثل مانصحت من سألوا عن هذا التخصص من قبل !
لاتحكر نفسك على تخصص واحد إذا كان التخصص فرصة ضئيلة بالقبول , والفرص تقل مع كل درجة .!
بل ابحث عن تخصص تميل له اكثر وتحس ان لك رغبة وشغف في تعلمة .. وانك إذا كملت فيه .. تحس انك راح تبدع فيه لانك ترغبه وتستمتع بدراسته !

فيه تخصصات أخرى داخل فيها الـ Information Security .. او خلينا نقول تركيزها في الـ Security لو كنت حاب هذا المجال مثل تخصص الـ Network Security , Database Security, Computer Security .. الخ
هذي اغلبها تخصصات ماجستير .. ولكن مثل ماذكرت ان هالتخصصات فيه جامعات تدرسها لدرجة البكالريوس .. ولكن غالبية الجامعات تدرسها كماجستير .. لانها تعتمد على التخصصات الرئيسية العامة للكمبيوتر مثل Information Science, Information Technology, and Computer Science فلو درست احدها لدرجة البكالريوس .. وحبيت تكمل لدرجة الماجستير بتخصص كمبيوتر ثاني .. راح يكون عندك خيارات كثيرة ... وخيارات تخصصات الـ Security بتكون متاحة لك بشكل اكبر .. ويكون عندك الامكانية من الإختيار بينها !

تخصصات الـ Information, الجامعات صارت تدمجها حالياً .. يعني صارت قلة من الجامعات اللي تدرس التخصص كتخصص منفرد .. فالاغلبية صارت تدمجها مع تخصصات ثانية مثل تخصص الـ Information Security & Risk Management وتخصص Electronics And Information Security وغيرها من التخصصات الاخرى المدمجة !

فلذلك لابد انك ترجع وتراجع التخصصات المتاحة , وتشوف ايهم اكثر شيوعاً بين الجامعات, وكم جامعة تدرس هذا التخصص .. فكلما زاد عدد الجامعات كلما اصبحت فرص القبول لك اكبر ..
وترجع تشيك على درجة الماجستير والدكتوراة .. وخصوصاً لو لقيت تخصص مناسب في جامعة تدرسه لثلاث درجات (بكالريوس , ماجستير , دكتوراة) .. هذا الامر برضوه من صالحك .. فلو درست عندهم وحبيت انك تكمل ماجستير .. راح تقدر تنزل التخصص للماجستير اللي تبي تدرسة كتخصص اضافي لك بالجامعة .. ويصير تدرسين تخصصين بنفس الوقت (مرتبطة ببعضها) .. وهذا راح يعطيك فرصة كبيرة جداً بعد إنهاء البكالريوس عندهم أنك تنقبل عندهم بعد على درجة الماجستير وبرضوه الدكتوراه بكل سهوله ! .. (لان من الاساس يعتبرونك انك راجع لهم لدرجة أعلى) ..

هذي فكرة تقريباً مبسطة عن الامور اللي تحتاج تفكر فيها وتركز عليها ..

اما عن كيفية البحث عن الجامعات .. الخ !
فلا تسمع من فلان وفلان .. عليك انك تبحث بنفسك حتى تتأكد .. وذلك بإستخدام صفحة الجامعات الموصى بها من موقع وزارة التعليم العالي ..

راجع هذا الموضوع :
http://www.mbt3th.us/vb/forum172/thread435160.html