مساعدة تخصصات في الجامعه

ليه ملزم على هندسة؟ على شان ينحط قبل اسمك المهندس فلان؟
قبل لاتختار التخصص اعرف ميولك و اختار وظيفتك.. ايش تبي تشتغل؟ ايش ميولك في الحاسب؟ تبي تبرمج؟ شبكات؟ امن معلومات؟ خذ لك فره على الوظايف والرواتب وبعدها اختار التخصص
وعلى فكرة امن معلومات مطلوب في السوق ورواتبه عالية جدا تعادل هندسة برمجيات واحتمال اعلى

صح كلأمك أنا أخذت فكره عن الوظائف و رواتب لقيت أنسب شيء هندسة شبكات
في واحد حطمني. في أمن معلومات قي بعد ما تسد الثغرات يلي موجوده يتخلون عنك و يجبون أحسن منك في مستقبل لما تكبر ويصير عمرك في 40 أو 50 ما رح تقتدر تشغل أحسن من واحد عمره 30 سنه. أحسن وافضل منك يمكن لو دخلت في هاد مجال وصار عمري في 40 صحيح اني بكون كبير و عندي خبره أكثر بس ما رح أقدر ازبط الأمور مثل ما يزبطها واحد عمره 30

طيب عملية سد الثغرات عملية متواصلة مو مرة وحدة و انتهينا
عالم السوفتوير و الإنترنت مو مثل المباني ، المبنى يترمم أو يترقع أو يعمل له امتدادات مرة واحدة كل فترة طويلة
لكن في التطبيقات و الأنظمة و مواقع الإنترنت ... و كل شيء يعتمد على السوفتوير ، الهجمات فيه دائما و كل شيء فيه دائم و مستمر
فمو معقولة أنت تسوي لهم الشغلة ثم يستغنون عنك
هم إذا وظفوك ، فهذا بسبب مؤهلاتك و قدراتك و مواهبك ، ما وظفوك علشان تصلح لهم مشكلة و ثم يمشونك و يجيبون غيرك
و بالنسبة للعمر ، إذا وصلت الأربعين و الخمسين
فترى الإنسان الناجح ما يقعد في مكانه طول العمر .. يعني لا تظن أنك أنت تبي تصير متخصص في أمن المعلومات و تسد الثغرات و تصد الهجمات طول عمرك ، هذا يعتبر خلل في مسيرتك المهنية
أنت لازم تترقى ، تترقى في علمك و متابعتك للمستجدات ، و تترقى في منصبك و قدرتك على التأثير سواء في نفس الجهة اللي تشتغل فيها أو تروح لجهة أخرى
يعني مثلا ممكن أنت في الأخير تصير مدير القسم المختص بأمن المعلومات ، أو ممكن مستقبلا يستحدثون منصب تنفيذي بسمى Chief Information Security ، أو على الأقل Vice President for Information Security و تحط عينك عليه
أو ممكن أنت بعد ما تحصل على الخبرة العالية ، و ممكن تضيف لها شهادات مهنية ، و ممكن تدرس ماجستير متخصص بعد الخبرة ، و تنتقل إلى العمل في مجال الاستتشارات في مجال أمن المعلومات
يعني الزبدة أن الإنسان ما يجلس على شغلته اللي بدأ يسويها أول ما تخرج طول عمره ، و هذا الكلام يشمل كل مهنة و ليس فقط لأمن المعلومات
و هذا أصلا اللي يفرق الإنسان اللي عنده خبرة طويلة و مسيرة مهنية قوية عن حديث التخرج حتى لو كان متمكن و ذكي أكثر من صاحب الخبرة الطويلة

وفقك الله لما يحب و يرضى