قبل ان تدرس الحاسب اقراء هذا الموضوع

ويعافيكي ، الله يوفقك انتي كمان في الدراسة والمسلمين يارب

جزآك الله خير ع هالموضوع .ْ
انا علوم حاسب , بس توني اول ..
والله يعين ان شا الله
من جد الفيزيا كنت احسه ماله دآعي ..
خآصة ان الدكتورة ما تشرح !!
يقولون لي راح تتعودين , محد يشرح اصلن ..!!
من جد احس اني دخلت عآلم ثآني ..!!
مشكور اخوي مره ثآنية .. والله يعين الجميع يآآرب ..~

وياكي والمسلمين
بالنسبة للمدرسين والشرح:
الصراحة كل شئ يعتمد على المدرس بعض المدرسين معاكي حق مايشرحوا في بعض الاحيان لانهم يعتقدوا انه خلاص كل الطلاب فاهمين وهما بس بيعملوا مراجعه للمنهج!
موقع مفيد:
دائما قبل ماتسجلي مع اي مدرس(ة) حاولي تدخلي على هذا الموقع وشوفي التقييم لهم. اضغطي هنا
نصيحة:
دائما خلي عندك مبدأ عدم الاعتماد على المدرس (غريبه صح) لكن تعودي دائما انك تبحثي عن المعلومات بنفسك.
مثال:
في الفيزياء مثلا اول ماتستلمي الخطة الدراسيه للمنهج ، حاولي تسوي بحث كامل على كل المواضيع وخذي فكره مبسطة عنها زي مثلا الدوائر الكهربائية العوازل ..الخ

اتمنى اني اكون افدتك واذا احتجتي شئ انا حاضر بالتوفيق ان شاء الله

جزاك الله كل خير اخوي
بس حبيت اسالك انا تخصصي تربوي ومرررررررة بعيده عن الريااضيات وماافهم في البرمجه
وماناسبني في التخصصات ايلي موجوده شي فقلت الحاسب حلو ممكن امشي فيه وانا احب ادرس واتعلم ماعندي مشكله اذاكر
سوالي ايش التخصص ايلي بناسبني وهل تنصح اغير من الحاسب لاني مابغى اروح واندم على اختياري ياريت تنصحني
ومشكور مقدما

مهم جدا:
ارجوكي لا تسألي احد ايش اللي يناسبك ، هذا الشئ انتي الوحيده اللي ممكن تحدديه لكن مايمنع اكييد انك تستشيري وتسالي عن معلومات تفيدك في تحديد قرارك والشئ اللي يناسبك.

وجهة نظر:
بما انك بعيده عن الرياضيات وتخصصك تربوي ، فانا اشوف انك اللي بتسوية شبيه بشخص يبا يدخل عماره على الدور الثالث بدل مايدخل من الدور الارضي وبعدين الاول وبعدين الثالث الخ. بمعنى حتى لو دخلتي اول مستوى رياضيات في الجامعه او فيزياء ، المدرسين غالبا متوقعين انه انتي عندك خبره او معلومة مسبقة عن الاساسيات . مثال: الجذور التربيعيه ، الاسس ، الكسور الخ (وهذه بمثابة الدور الاول في العماره)

لذلك:
انصحك بحاجتين ، صدقيني ماراح تندمي عليها ابدا:
اولا:
صلي الاستخاره.... والله مافي كلام يوصف فائدتها.

ثانيا:
سجلي (في اقرب فرصة) مادة حاسب الي (مستوى اول برمجة) ومادة رياضيات (برضوا اول مستوى) ، بعد كذا شوفي كيف صعوبة هذه المواد ومستوى استيعابك لهم ، اذا وجدتي صعوبة في الفهم (مافي شئ كل واحد له قدرات عالية في قسم وضعيفه في قسم تاني) ف اذا قسم الحاسب ماهو مناسب لكي وشوفي شئ تاني.
انا كان ممكن اقلك شوفي الخطة الدراسية للحاسب وشوفي هل تناسبك او لا ، لكن اتعمدت اني انصحك تاخذي المواد لانك زي ماتفضلتي تحبي تتعلمي وتذاكري وماعندك مشكلة..لذلك جربي ولعلمك ماراح تخسري شئ...ليه؟ لانه في اي خطة دراسية في اي جامعه تقدري تاخذي تقريبا 4 مواد او اكثر من اي قسم وتحسب لكي من ساعات التخرج الكلية..

اتمنى لكي التوفيق وان شاء الله اكون افدتك

شكرا وماقصرت وبيض الله وجهك
ونصائح مفيدة وحااعمل بيها
وانشاء الله نشوفك في اعلى المراكز

اختي انا فخور جدا بمرورك وجزاكي الله خير على الدعوات الرائعه الله يجعلها من نصيبي ونصيب كل المسلمين امين

اخي الكريم انا قرات موضوعك وانا كنت طالبه مساعده هل من الممكن ان امشي في الحاسب مع اني خريجه ادبي
انا عندي كذا مشكله الاولى انه لو ابغى اكمل حاسب هل تقبلني الجامعه ولا تقولي تخصصك ادبي فما ينفع مع اني يوم قرات وتصفحت حسيت من الكلام انه اللي حالتهم زي حالتي ممكن يدرسون شبكات او امن معلومات اوnetworks وهل راح تقبلني جامعات كندا ولا لاني سمعت ان القبول صعب جدا ونصحوني كثير اني احول مكان البعثه الى امريكا لسهولة القبول فيها ولا يعني اني ادبي ماافهم شي بالعكس انا من النوع المجتهد جدا واللي معه كمان شوية وسواس يعني ممكن اختم وارجع اكثر من مره سامحني على الاطاله بس انا مره متخوفه ومتوتره بالشكل فظيع لدرجة اني ماانام مع العلم انا كنت حابه اني ادرس بكالوريس حاسب بس يوم جيت اسجل قالولي ماينفع لاني ادبي بس انا درست في التوجيهي حاسب وعلى هذا الاساس قدمت بعد مااتخرجت حاسب سوري على الاطاله ودخولي في تفاصيل مالها داعي شاكره لك حسن صنيعك

اولا شكرا على مرورك اخي واي فاي..
ثانيا اعتقد انك جاهل في بعض الامور (مافي مشكلة في الجهل لكن المشكلة في اننا مانتعلم ، وكلنا جهله في اشياء معينة) ولكن خليني اوضحلك بعض الامور وان شاء الله توضح الصوره عندك.

علاقة الرياضيات والفيزياء بالحاسب:
بدون تفاصيل معقدة ، المادتين مهمين بالنسبة للحاسب. انتا حاول تفهم كطالب جامعي انتا محتاج انك تكون ملم بعدة امور ومتعلم في عدة مجالات ، يعني انتا بتبني قاعدة لنفسك عشان تكمل عليها لما تتخرج ان شاء الله (على الاقل هذه فلسفة التعليم العالي في الولايات المتحدة)
لنفرض انك اتخرجت حاسب الي واضطريت انك تشتغل مصمم ، هنا راح تحتاج تسوي حسابات وابعاد للاشكال اللي راح تسويها وطبعا راح تستخدم الرياضيات والفيزياء في هذه الامور(لنفرض ان الوظيفة كانت مصمم مجسمات افتراضيه بالحاسب لانشاء طرق او غيره ... حساباتك لازم تكون دقيقه جدا)
هذا شئ الشئ التاني:
كشخص تدرس الحاسب الالي ، انت لازم تكون مبدع في حل المشاكل (باختصار في كل مره في الحاسب تقريبا انتا تواجهه مشكلات مختلفة عن اللي قبلها) ولما يعرف عنه لللمادتين الرياضيات والفيزياء في حل المسائل و (تشغيل المخ) في ايجاد حلول للمسائل فهذه المادتين تعتبر بمثابة منشط لمخ طالب الحاسب الالي (راي شخصي) حتى ان شاء الله تكون قادر على حل اي مشكلة تواجهها في الحاسب.

توضيح هام:
لما اقول مشكلة في الحاسب الالي ، ارجوك لا تفهم اني انا اتكلم على المشاكل التافهه اللي نواجهها كلنا في اغلب الاوقات ( الطابعه ماتتعرف ، ال واي فاي مو شغال ، الكمبيوتر يعلق) لالالا ابدا انا اتكلم عن امور اهم من كذا بكثير..
مثال:
انت مبرمج محترف ولله الحمد ، عرض عليك مهمة من شركة كبيره عندهم 3000 موظف وعندهم 2.5 مليون عميل يبوا يعملوا برنامج يسجلوا فيه اسماء العملاء في والموظفين ، الموظفين: الرقم الوظيفي ، الاسم الخ ، العميل : الاسم ، العنوان الخ
س:اش البرنامج اللي راح تستخدمه عشان تبرمج هذا البرنامج؟ وليه؟
س:كم مساحة الذاكره اللي راح تحتاجها في السيرفرات وليه؟
س:لو نبى نعمل رسم بياني لكل عميل كم مساحة الذاكره اللي تحتاجها في كرت الشاشة بناء على سرعة البيانات الخ..
طبعا انا ماعندي حلول لهذه المشكلة بس حبيت اوضحلك كيف ممكن تكون المشاكل، وثق فيا في مشاكل اكبر واكبر من كدا اللي انا كاتبه فوق يعتبر شئ بسيط على الناس المتخرجين من علوم الحاسب.

مثال اخر:
الان بالحاسب تقدر تسوي اي شئ يعني تخيل لو طلب منك انك تسوي شئ بسيط (الة حاسبة علمية مثلا) لازم تعرف اساسيات التفاضل والتكامل ، وباستخدامك للتفاضل والتكامل في الجامعه وانت تدرس الحاسب هذا راح يخلي عندك قدرة افضل انك تسوي برنامجة اله حاسبه علمية ممتازه..

مثال اخير:
لو طلب منك عمل برنامج لمصلحة المياه يحسب مقدار المياه اللي تتعبأ في خزاناتهم واشكال الخزانات لنفرض انها مربعه. كيف راح تسوي هذه بدون دراية كافيه بالفيزياء؟ وحساب الاشكال وكمياتها وسرعة اندفاع الماء ووالوقت الازم لتعبئة الخزانات الخ؟؟
بالحاسب الالي ممكن تسوي كل شئ عشان كدا انتا لازم تكون جاهز بكل الاساسيات.

بالنسبة للهندسة:
اعتقد انك تعرف عنها ف ماراح اتطرق اليها

افتراض:
لنفرض انك تقول هذا الكلام اللي انا قلتله موصح (افتراض) وانو في علوم الحاسب عمرك ماراح تحتاج لا رياضيات ولا فيزياء.
ردي:
طيب مافي مشكلة انتا عمرك ماراح تستخدم لارياضيات ولافيزياء. اذا كيف راح تتخرج من قسم علوم الحاسب؟؟ اغلب الجامعات المعروفة وغير المعروفه من متطلباتها للتخرج من قسم علوم الحاسب: رياضيات وفيزياء؟

ادلة:
هذه بعض الامثلة الداله على ان الرياضيات والفيزياء من متطلبات الدراسة علوم للحاسب الالي وحاولت اني اجيبلك الخطة الدراسية لجامعات مختلفة من ولايات مختلفة.

1-جامعة ولاية كاليفورنيا. اضغط هنا عشان تشوف الخطة الدراسية
2-جامعة وسط فلوريدا. اضغط هنا
3-جامعة ولاية ميسوري. اضغط هنا

جواب من منظمة اكاديمية معتمدة (اذا ماعجبك ردي):
جامعة ولاية ميسوري حاطة اول سؤال للي يسأل عن (هل الحاسب مناسب لي؟) هل لديك قدرات جيدة في الرياضيات؟ اضغط هنا

نصيحة:
لا تقول اش دخل هذا في هذا ، مافي شئ اسمه قسم (افلاطون) يعني قسم يكون عاجبك كل المواد اللي فيه وكل شئ فيه ممتاز وحلو وسهل.
في كل قسم في مواد انتا تحس انه مالها داعي لكن صدقني هذه المواد ماانضافت ك متطلبات الا بعد دراسة ولا ماكان تم اعتمادها في جامعات عديده حول العالم..
انا ركزت على الرياضيات والفيزياء ، لكن تخيل في مواد اخرى مثال: احياء ، كيمياء وغيره تدررس في الحاسب الالي وراح اترك لك تجاوب ليش تحتاج تدرس هذه المواد؟؟؟


اتمنى اكون وضحتلك الامور واصبح عندك دراية اكبر عن الحاسب الالي؟ وبالتوفيق ان شاء الله..