
قبل ان تدرس الحاسب اقراء هذا الموضوع
قبل ان تدرس الحاسب اقراء هذا الموضوع

تنبيه: هذا الموضوع قديم. تم طرحه قبل 6900 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
7 " - طبعا مااقدر اقلك تمام او لا..7 "
هذا على حسبك انتي ، لكن انا ممكن اعطيكي رأي شخصي عن الموضوع واحاول كمان اعطيكي معلومات عن القسم (مبسطه) وان شاء الله هذا راح يسهل عليكي انك تحددي بنفسك لنفسك اذا كان القسم تمام او لا...
شخصيا:
اعتبر هذا القسم سهل وممتع ، لاسباب منها: اولا: هذا القسم اقرب لواقع الكتير من الاشخاص .. طبعا مو اقصد انه باقي الاقسام خياليه او شئ لالا اللي اقصده انه في هذا القسم تددرس اشياء الكتير مننا يستخدمها في حياته اليوميه وبتفاصيل لكن مو عميقه لدرجة الصعوبه.. لذلك هذا القسم سهل...
مثال:
في اغلب الجامعات على مااعتقد تددرس في تخصص تقنية المعلومات قواعد البيانات وكيف يتم استخدامها لكن مايتطرقوا الى تفاصيلها المعقده والاليه ورائها وطريقة عملها ..يعني يقلك تضغط هنا يصير كدا بس مايعطيك بالتفصيل ايش اللي يحصل لما تضغط ...وزي كدا باقي المواد في التخصص..
توضيح:
مثالي اللي فوق مايعني ابدا ولا بأي شكل من الاشكال ان التخصص ضعيف او اي شئ ضده.. لكن بس حبيت اوضحلك ايش اللي حاصل في القسم بحسب مااعرف وسمعت من طلاب يدرسوا في القسم وكمان اطلعت شخصيا على بعض المقررات اللي عندهم ... وقد يكون كل اللي تحتاجيه في عملك (مستقبلا ان شاء الله) هي البيانات المبسطة اللي تاخذيها في هذا القسم...هذا يعتمد على المكان اللي راح تشتغلي فيه ان شاء الله...
مثال على نفس النمط في تخصص الحاسب الالي:
في قسم الحاسب الالي ندرس قواعد البيانات ولكن طريقة الدراسة تكون جدا مفصله ..بحيث ان الطالب يعرف كل حرف تكتبيه في قاعدة البيانات فين ينحفظ داخل النظام.. وطريقة الحفظ والسعة الفعليه اللي راح يشغلها كل حرف داخل النظام .. بالاضافة الى سرعة نقل الحرف داخل الانظمة وغيرها الكتير...
اتمنى اكون اعطيتك معلومات مفيده ، واذا احتجتي معلومات اكتر عن القسم ياريت تعطيني الجامعه اللي انتي رايحتلها وانا اسويلك بحث بسيط واعطيك معلومات عن بعض المواد اللي راح تددرس هناك...
-
الابداع في مجال الحاسب او هندسة الحاسب شئ يسيير ان شاء الله..
انتي في كل مره تصممي برنامج هذا راح يكون ابداع لكي وراح يكون شئ مميز ، لا تخلي الوظيفة او مجال الوظيفة يمنعك عن الابداع او يكون المكان الوحيد للابداع...انتي افهمي واتعلمي وخلي عندك قاعدة بيانات علمية جيده وابدعي بنفسك ولا تستني وظيفة او غيره....
مثال:
جاتك فكره اختراع جهاز بسيط والشركة اللي انتي تشتغلي فيها مافي امل انها تفيدك لسبب انه اختراعك في مجال مخلتف او لاي سبب كان...ف مع العلم اللي عندك والراتب اللي تاخذيه من الشركة ممكن تبدا بتصميم الاختراع في البيت وتسوي بذرة الابداع في البيت ..لو على الورق وبعد كدا ممكن تدعميها وتقدميها لشركة اخرى تفيدك في الاستمرار وبكدا راح كمان تثبتي وترضي نفسك...
مرره تانيه:
فكري في اليوم وخليه احسن وامورك في المستقبل راح تتيسر.. انا اعطيتك حل واحد فقط بالنسبة للابداع لكن انا متاكد الف مره انه فيه عشرات الطرق تقدري منها تبدعي ان شاء الله..
الله يوفقك ويعطيكي على قد نيتك يااارب...
- السلام عليك اخووي7 "
انا تخصصي علوم حاسب وبكمل حاسب اذا ربي اراد...
وحطيت فبالي امن معلومات...لاني درست كورسين وعجبني مرررررررررره بس المشكلة ماكان فيه تطبيق مره!!
يعني فاهمه عن الامن وطرق الاختراق والحمايه وكذا بس ماطبقنا"الحال دايم بجامعاتنا" ومدري اذا هالشي صعب ولا لا!! وانا اكره البرمجه بالمره!!!
وخايفه من البرمجه تخرب علي السالفه كلها!!!
قريت كثير ان الامن مايحتاج كثير برمجه بس احس مو مقتنعه بهالشي!!
يعني لاهنت ممكن تتكلم عن امن المعلومات شوي ووش لازم يكون فيني عشان ابدع<<<!!!
ومشكووووووووور - وعليكم السلام...7 "
بالنسبة لامن المعلومات...انتى اذا درستي حاسب الي راح تكوني متمكنه من امن المعلومات لانك راح تكوني على معرفه بطرق تطوير وتفاصيل قواعد البيانات والاتصالات وغيرها..
اما عن البرمجة..فصدقيني لا مفر منها في الحاسب...يعني كانك تقولي دكتور يشتغل بدون مايصرف ادويه!
خليني اعطيكي مثال بسيط جدا بما انك درستي امن معلومات..
تخيلي انك تتابعي نظام معين ضد الاختراق...وانتي تعرفي ان كل البرامج اللي شغاله في هذا النظام تستخدم بورتات 8855 و 8856 وقدامك صفحة فيها البورتات المفتوحة ومهمتك انك اذا شفتي اي بورت جديد انفتح ...تغلقيه لانه راح يكون غير مصرح له واحتمال يكون هكر..لذلك لو ماتعرفي تبرمجي راح تقعدي 24 ساعة قدام الجهاز تراقبي البورت والاكتيفيتي في النظام..ولكن لو انك تعرفي تبرمجي راح تصممي برنامج يسوي دي الشغله عنك ويعطيكي تقارير كل يوم او شئ زي كدا (هذا تقريبا نفس الية عمل برنامج الفيروسات في الكمبيوتر...يحتوي على اسماء وبيانات فيروسات واذا طابق اي اسم في جهازك راح يعملوا حذف ويعطيكي تقرير)
المثال اعلاه مثال بسييط جدا جدا وقد يكون غير مطابق للواقع وانا متاكد انه في امثلة افضل واهم من كدا بكتير ، لكن حبيت اوضح الصوره بأبسط مايمكن..
ترى البرمجة زيها زي اي لغة جديده تتعلميها في حياتك وصدقيني لو اتعلمتها راح ترتاحي في اشياء كتير وتسهل عليكي اشياء اكتر بالاضافة (الى الاحساس الرائع لما تنجزي برنامج تكوني مبرمجته بنفسك!!!)
في جامعتنا:
في نادي الحاسب الالي -تحت اشراف البروفيسورات- يتم توزيع 3 مجموعات من الطلاب: الاولى: مجموعه تحاول تخترق موقع الجامعه ..والثانيه: مجموعه تحاول تحمي الموقع من الاختراق.. التالت: مجموعه تستخدم الموقع (كمستخدمين) ويسجلوا اي مشاكل تواجههم...
المشروع ممتع جدا جدا ، لكن المشروع مخصص لجميع طلاب الحاسب وهندسة الحاسب يعني ماهو لطلاب حماية المعلومات او شئ..
اش تحتاجي:
في اعتقادي تحتاجي نفس مواصفات طالب الحاسب الالي..وكمان لازم تكوني قادره على الابتكار ويكون عندك سرعة بديهه...هذا اعتقاد شخصي وانا مستعد اسالك في الجامعه (اقصد بروفيسورات وكدا)...
اتمنى اكون افدتك واعطيتك معلومه بسيطة والله يكتبلك الخير فين ماكان ...
- مررررررررره افدتني مشكوووووور خيووو7 "
-
7 " - الله يعطيك العافية ويوفقك يااااارب7 "
ويسهل طريقك
مااعرف ايش الجامعة لمن أعرف أخبرك
وجزاك الله كل خييير - يعطيك العافية اخووي على مجهوداتك7 "
انا لدي بعض الأسئلة اذا ممكن..
1- وش رأيك بتخصص هندسة شبكات
2-ماذا عن تغير المسميات لدى الجامعات في هذا التخصص مثل: هندسة شبكات-شبكات-هندسة كهرباية شبكات حاسب-هندسة شبكات واتصالات وهل تخصص شبكات بدون كلمة هندسة يعطي وظيفة مهندس شبكات؟
3-هل مهندس الشبكات معترف من قبل جمعية المهندسين السعوديين؟
4-دورات مثل سيسكو هل تغني عن دراسة البكالوريس في التخصص كما اسمع ان بعض الشهادات تعطيك وظيفة مهندس شبكات !!!
5-هل مستقبلها الوظيفي قوي؟ وشكرآآ - طيب والي يبي قبول كمبيوتر ويحب الكمبيوتر7 "
شنو يحب الكمبيوتر
قلبي كمبيوتر لو يخترب الكمبيوتر انا اموت يتصلح احيا من جديد
وشكرا لك على الموضوع
^^