تجاربكم واستفساراتكم عن كل ما يخص معاهد اللغة النيوزلندية

بالبداية مشكور على هذا الموضوع وانشاء الله وجودك و وجود الاخوان رح يساعد في الاجابة على الاستفسارات .

انا رح اطلع للدراسة علـي حسابي الخاص ، وبعدها انشاء اللله انظم للبعثة واكمل دراستي في الجامعه، وعندي كم استفسار بخصوص التقديم على المعاهد :

-- انا ناوي اسجل في معهد لمدة 6 شهور حتى احصل على فيزة طالب لمدة 6 او 7 شهور ، لان الملحقية تشترط تكون الفيزة سارية بعد ال 4 شهور الاولي في حالة تقدمت بطلب الانضمام للبعثة .
سؤالي هو ::::

-- لازم اسدد كامل المبلغ للمعهد للفترة 6 شهور كامله خلال عملية التسجيل في المعهد و انا هنا بالسعودية؟

-- او أقدر اسدد حق شهر واحد ، واذا وصلت نيوزلندا اسددهم اذا اعجبني المعهد ؟ لاني بصراحه خايف اسددهم كامل ال 6 شهور وبالاخير مايعجبني المعهد !!!

-- اذا كان فيه مجال اني اسدد حق شهر واحد بس ، هل هذا يأثر علي اذا جيت اقدم على فيزة طالب من السفاره ، يعني السفارة رح تعطيني فيزة 6 شهور او للمدة اللي تم سدادها بس اللي هي شهر واحد !!

-- السكن مع العائلة هل الاجار اسبوعي او لازم اعطيهم حق 6 شهور ؟

-- انا طالع مع اخوي وناويين نسكن مع عائلة في نفس البيت ، هل يسمحوا بالشي هذا او لازم كل واحد في عائلة ؟

والله يعطيك الف عافية ،،،

اخوي نواف
حياك الله

بالنسبة للدفع حق شهر والباقي بعدين فهذا ممكن. ولكن فيزا الطالب راح تصدر لك بناء على المدة اللي انت سددتها بالكامل.
فتصيحتي لك دامك معزم على الجية
انك تسجل بمعهد لمدة شهر او شهرين وتجي بفيزا سياحة - وهذي تاخذها من المطار بدون سفارة ولا دوشة. وتدرس بالمعهد
فإن عجبك فتطلب تعديل الفيزا الى طالب وتسجل للمدة اللي تبيها كاملة - والمعهد بيساعدك في تحليص امور الفيزا.
وان ما عجبك تنتقل لمعهد ثاني وتشوف وضعه

وبالنسبة للسكن مع اخوك مع نفس العائلة فهذا ممكن جدا ولا يمانعون ان كان لديهم عائلة تستقبل اكثر من طالب

واذا نويت ان شاء الله على شيء فراسلني على saudi4nz@hotmail.com

الله لايهينك على الرد ،، لكن يقولوا افضل اخذ فيزا الطالب وانا في السعودية لان لازم اسجل طلب دراسة على الحساب الخاص وانا هنا ، وبعدها احضر الملتقى التعريفي هنا ، وبكذا تكون اموري في السليم ،،
هذا اللي فهمته من المواضيع والبحث في المنتدى ..
اتمنى توضح لي اذا تشوف فيه شي غلط في فهمي للموضوع ....

واذا سجلت ٦ شهور ودفعت المبلغ كامل ، وقدمت ع الفيزا الدراسية وانا هنا ،، وسافرت وحيبت اغير المعهد .. فيه امكانية يرجعوا الفلوس !!
ويعطيك العافية،،،

مرحبا اخوي نواف
بالرد الاول توقعت انك معزم ع الجية قريب.
ولكن الخطوات السليمة للي يبي يدرس على حسابة الخاص ويطلب الانضمام للبعثه انه يجيب قبولات المعهد والجامعة ويقدم على الوزارة بطلب دراسة على حسابة الخاص و يقدم على فيزا طالب ويحضر الملتقى، هذي الشروط الجديدة اللي تطلبها الوزارة للموافقة على الانضمام للبعثة

بالنسبة للمبلغ فاقل فترة تمنحك فيزا طالب هي ٤ شهور، والمعاهد عندها سياسة ارجاع وبس تسحب منك مبلغ كبير انت اولى به.

فنصيحتي لك انك تتعامل مع شخص مجرب او موجود بنيوزلندا، لان بعض المكاتب تمدح لك بمعاهد وهم بمديرهم ما يعرفون مكان نيوزلندا على الخريطة.
ونصيحة اخرص على المعاهد اللي تبع جانعات او كليات تقنية لانها في الغالب اقوى
وبالتوفيق وحياك لاي استفسار او خدمة

مشكور ويعطيك الف عافية اخوي عطش ،،
انا اللي رح اسجل نفسي بنفسي ومو متعود على المكاتب ..و بصراحة انت والاخوان في المنتدى ماقصرتوا ووضحتوا لنا النقاط بالتفصيل وخليتوا الواحد مايحتاج مكاتب ، ،وما خاب من استشار .....

انا افكر في معهد Western Institute of Technology في New Plymouth ... بصراحه انا ما حصلت احد يتكلم عنه كثير ،،، بس المعهد معترف فيه من الملحقية ،
اذا تقدر تفيدني باي معلومة عنه ؟؟

والله يجزاك خير على تفاعلك معنا ...

مرحبا يا غالي
اختيار روعة في مدينة جميلة، المدينة تقع على الشاطئ الغربي في الجزيرة الشمالية موجودة في مقاطعة تاراناكي.

المعهد ممتاز جداً وهو كلية تقنية ودائماً معاهد الكليات التقنية من افضل المعاهد
السعوديين اقل وهذي ميزه كبيرة.
اذا تبي قبول يوصلك خلال يومين فارسل لي صورة من جوازك وتاريخ جيتك المتوفع والفتره اللي تبيها
ولا لك الا اللي يسرك ان شاء الله

يسلموووو ع الموضوووع
حبيت اسئل صح الابتعاث الى نيوزلندا مغلق التكدس لاني حابه اقدم عليها وقالولي مغلق ارجو إفادتي لو مفتوح
حابه ادرس ماستر قانون ياليت تفيدوني بشي

لا ابد ماهو مغلق، نيوزلندا مافيها تكدس، ولكن بعض الاقسام في بعض الجامعات فيها تكدس

والقانون موجود وبقوة في نيوزلندا
شوفي ايش تبين وان شاء الله نخدمك
وبالتوفيق

لاني رحت ابغى اقدم من المكاتب الي تجيب قبولات قالولي مغلق ما فيه ابتعاث فيها يعني ما تقدري تنضمي للبعثه فيها صحيح كلامهم لاني ناويه اطلع ع حسابي
أفيدوني
واقدر احصل قبول مشروط في جامعاتها
وايش شروط الانظمام للبعثه في نيوزلندا.
الله يوفقكم ويسعدكم ويسهلكم أمركم يارب