تجمع المتضررين من شرط امتداد التخصص أو إلغاءه - [ المرحلة العاشرة ]

اتمنى ما تكوني نسيتي تذكري اسم جامعة ام القرى
أنا بأحاول ابحث عن واسطة تقبل قسمنا لاني لقيت واحد يقدر يوصلني للوزير نفسه بمكتبه بجده بس ان شاء الله يكون كلامه صحيح

- - - مشاركة محدثة - - -



صحيح يوم السبت راح اقابل اعلاميين و أحاول أتواصل مع شخص من عكاظ

تقدرو تدخلو للوزير اي يوم ماعدا الاثنين..
الساعه 7 صباحا

صباااح الخير



كل شويا يطلع لي خطا مو راضي يرسل اي شي

ايش اسسسوي !!

صباح النور.. برضو شايفة نفس المشكلة مع كم وحدة،، جربي تغيري المتصفح و ان شاء تزبط

طيب بقولكم أنا كيف سويت الإعتراض وأرسلته أمس وكل الأمور مشيت معي تمام..

أول شيء بما أن تم رفضي بسبب إمتداد التخصص كون أن تخصصي تغذية وعلوم أطعمة وأخترت التغذية العلاجية وفي فترة الإنتظار كنت ابحث في تخصص التغذية العلاجية والتغذية وعلوم أطعمة وأقارن بينهم عشان أثبت علاقة التخصصين في بعض لكن للأسف أكتشفت إن فيه فرق بينهم واضح وصعب نوعا ما أكمل فيه وخصوصا إنه لازم اكون دارسه مواد عن التشريح ولو بغيت أكمل لازم أدرس مواد تكميليه ف لذلك بحثت في السيرة الذاتية لكل أعضاء هيئة التدريس اللي درسوني بهدف القى أحد منهم دارس تغذية علاجية لكن جميعهم دارسين تغذية وعلوم أطعمة وتحليل الغذاء ورسالات الدكتوراه جميعها في كيمياء الأغذية وتحليلها وأجزاء الغذاء وكذا المهم بعدها بديت أغير مسار بحثي إلى علاقة الكيمياء بالغذاء والأحياء بالغذاء والطامة الكبرى ( تقنية النانو بالغذاء ) وأكتشفت أني اخطأت بإختياري للتغذية العلاجية والمفروض اختار تقنية النانو مع أني كنت شاكه فيه ايام التقديم وسألت عنه في احد مواضيع المرحله العاشره وواجهت إستهزاء من احد الأعضاء وخفت اجازف وياليتني جازفت..المهم وجلست أبحث في هالتخصص اكثر وأكثر وأكثر وعن علاقته ولقيت إن له نفس هدف التغذية وعلوم الأطعمة ويتفقون في دراستهم على أجزاء الماده وتحليلها وبعدها جمعت معلومات علمية ودراسات لدكاتره أجانب تثبت اهمية تقنية النانو في الغذاء ..
وبعد كذا كتبت في المبرر أني أخطأت في إختيار التخصص المراد دراسته ( التغذية العلاجية ) وطلبت تحويلي لتخصص تقنية النانو وفي المرفق مايثبت علاقة التخصصين في بعض { بس اكيد كتبتها بطريقه منمقه مو كذا )

وفي المرفق كتبت في الوورد عن خطأي في اختيار التخصص المطلوب وكتبت عن علاقة تخصصي في أكثر من تخصص مذكور في برنامج الملك عبدالله وهي [ الكيمياء الحيويه - والاحياء الدقيقه- وعلم النبات وعلم الحيوان- وعلوم البيئة - والتغذية العلاجية - وتقنية النانو ] وكتبت نبذة مبسطه جدا ولكن وافيه عن الكيمياء والغذاء ونبذة عن الأحياء والميكروبات والغذاء وبعدين طلبت إبتعاثي على تخصص تقنية النانو وجبت كل المعلومات العلمية وعناوين المقالات اللي تثبت صحة إختياري لتقنية النانو والهدف اللي ابغى أوصل له لعل وعسى يحنون علي ويقبلوني
واخر شيء رقم طلبي وكلمة المرور..

وجيت برفقها وطلع ماينفع ارفق ملف وورد ونسخت الكلام والصقته في الباور بوينت وحفظته كصورة وغيرت صيغته لgif وطلعت الخلفيه سوداء وطار الكلام وجلست افكر وافكر ايش اسوي وجت في بالي فكره وحولت الكلام للون الأبيض وحفظت الصوره مرة ثانية وطلعت الخلفيه سوداء والكلام ابيض يعني ضبطت الصوره ودخلت ع صفحتي ونسخت كلام المبرر وألصقته وبعدين ارفقت صورة الإعتراض وسجلي الأكاديمي بالعربي لأن اللي قبل كان انجليزي وارسلت الطلب وضبببببط معي وأعطوني رقم المعاملة..


وأنتهت قصة كفاحي مع الإعتراض وزبدة القصة لأنها فعلا صارت قصة أبي اي شخص يقول مو عارف وش اكتب و إيش اسوي يقتبس من كلامي الفكره العامة لصياغة إعتراضه ولا يلتزم في صيغة موحده لأن مشاكلنا ليست موحده ويبحث له عن إثباتات علميه تقوي حجته أمام الوزارة..
وفعليآ انا جالسه افكر ادور لي على قبول جامعه مبدئي عشان اقوي موقفي أكثر وأكثر وإن شاء الله ربي يسهلها وييسرها علي وعليكم وننقبل جميعنا..

وأخيرآ حابه اشكككككر العضوة {ديستراكشن} اللي رفعت من معنوياتي بالخاص وخلتني أجتهد في كتابة خطاب إعتراضي..ربي يوفقها ويسهل لها دربها العلمي ويرزقها من حيث لاتحتسب..♡

إلهي قل لأحلامنا كوني..ف {تكون}

يا عسل ايش تقترحي عليا اسوي !!
انا مسويته بدي اف يعني كله صوور ..