تجمع طلاب و طالبات مرحلة الماجستير - المرحلة العـاشرة ( 10 )

الاخت اللي تسال عن الدبلوم التربوي يوثر ولا لا
مااظن يوثر لانو انتي خلاص ارفقتي وثيقه تخرجك واكملتي بياناتك وتم ارسال طلبك
اللي يوثر انك تكوني موظفه حكومية
والله اعلم
برضو اسالي احد تاني
وموفقه يارب

أنا قصدي انا تخصصي حاسب ومشمول لو درست ماستر مو مكتوب انه من متطلباته يكون معي بكلوريا حاسب هل هذا الشي مقبول والا لا ؟

وشكرا لك 🌹

لا للاسف اذا تخصصك حاسب ماتدرسي غير الماستر المتاح لكي فقط

يقال ايضا بأنه يمكن انك تغيري التخصص لما توصلي بلد الابتعاث بس المشكله الوزاره حاطه تعهد بعدم التغيير ومع ذلك في ناس يغيرون بس اذا صار شي في النهايه انتي اللي تتحملي

ولكم ، دعوتكم

حابة اسال لو ان السبيلنق حق اللقب فی الجواز غير عن الوثيقة متی اقدر غيره يعني قبل التدقيق ولا بعد

استفسار

انا وثيقة التخرج مترجمه بكل شيء
ما عدا الاسم ..
من نفس الجامعة
* علما ان الجامعه سعودية جامعة شقراء

وضح اكثر اخي....

لو بختارلك او ارشح لك مدينة ,, فما راح اقدر اخلصهم لك
وبالمقابل ذوقي ممكن يكون مو مثل ذوقك

مو شرط اذا مدرستك اعجبتها الولايات الوسطى يعني راح تعجبك
ممكن هي تحب المناطق الريفيه والهدوء ,, فما يعني انك انتي تحبيها
في ناس يحبوا الهدوء وغيرهم يحبوا الحركة والنشاطات
في ناس تحب الحياة الريفية والمزارع وغيرها تهتم بالحياة العصرية والاسواق والعمائر والانشطة
في ناس تحب البرد وغيرها الحر
في ناس تحرص عالريال وما تصرف لو عحساب سعادتهم وغيرها تحب تصرف وتوسع صدرها
الناس اذواق

اذكر صاحبتي تقول انا اعشق نيويورك ستي وزحمتها واكره المدن الهادئة الكئيبة, ومعاها صاحبتي الثانيه تقول احب المدن الهادية الرايقه واكره نيويورك وصخبها وزحمتها

انا صعب ارشح لك لان ذوقي مو مثل ذوقك
انت اذا جاده وحريصه ( والشيء هذا اكيد ) ابحثي بنفسك واقرأي كثير وما تعتمدي على كلام الناس

امريكا فيها كثير ولايات جميلة ومن بينها اوهايو
اقراءي اكثر عن امريكا وبتحصلي ان الشمال والشرق والغرب والوسط كلها فيها الزين والشين

شكرا حبيبتي ❤️
في موضوع هنا وحدا تمدح كندا وانها افضل من امريكا من ناحية طيبة شعبها و الامان فيها و خاصة مدينة فكتوريا ....

من جد التعليقات حيرتني بين كندا وبين امريكا و ايرلندا وسمعت عن استراليا بعد حلوه

انا تخصصي محاسبه وودي اكمل ماستر محاسبه
انا عندي اسره واطفال اهم شي يكون عندي في المدينه الامان وماتكون الاجراءات معقده و بنفس الوقت تكون مدينه فيها متعه الواحد يرفه عن نفسه فيها كعائله وفيها اسواق و العاب و مطاعم حلوه فايش الافضل ؟؟؟

اختي ..
انا مقدم على المرحله العاشره والشروط جميعها متطابقه

الوثيقه الرسمية من الجامعه مترجمه ما عادا الاسم مسجل بالعربي فقط

هل تقبل الوثيقه ام لا ..

وشاكر لك ..

قدم اخي وفالك التوفيق
بس اذا الوثيقه مافيها اسمك بالانقلش مره راح يكون عائق لك قدام اللي برا اثناء تقديمك ع الجامعه والمعهد لازم تراجع العماده ويكتبو لك الاسم بالانقلش ومطابق للجواز يكون
في التسجيل ماراح يكون فيه اي ضرر او عائق
موفق