تجمع طلاب و طالبات مرحلة الماجستير - المرحلة العـاشرة ( 10 )

سمعت انه لو اجلت البعثه ماراح يحطونني في الدوله الي اخترتها الرغبه الاولى .صحيح هدا الكلام

مساء الخير للجميع ،،، انا حددت ادرس في ولاية بنسلفينيا هل هي كويسه من ناحية معاهدها والطقس والسكن ؟!

غير صحيح اعرف كذا واحد اجل الابتعاث وارسلوه نفس الرغبه الاولى. اما بعدين ممكن تستجد امور مثل التكدس الطلابي فيحولوك بس هذي جدا جدا نادره خصوصا انهم قفلو الابتعاث للدول اللي فيها تكدس مثل بريطانيا واستراليا

من افضل النصايح اللي استخلصتها هو دراسة اللغه في ولاية والجامعه في ولاية اخرى للي محتارين وين يسكنون ومو عارفين طبيعة الولايات اللي متوجهين لها ،، كذلك لا تطلع من هنا الا وانت مأمن سكن على الاقل شهرين احسن ماتروح هناك وتتوهق

الله يعطيك العافيه

هل اقدر اطلع جوازي من نظام ابشر بدون مايروح ولي امري للجوازات ؟! وكيف ؟!!

والله كان ودي أفيدك عن استراليا ، لكن خبرتي فيها ماتعدت مجرد السياحة ، ولكن أشوف طلابها كثير من زملاء واصلوا دراستهم وتقدموا مهنيا بشكل عام وافضل من بريطانيا (وجهة نظر) ، وكانوا مرتاحين للمعيشة هناك... حاولي قد ماتقدرين لو بتقدمي لاستراليا أن تكون الجامعة ضمن group of 8
اختيار الدراسة يعتمد على شخص وحاجته وتوجهاته ، ثقفي نفسك عن كل التخصصات واسلوب تدريسها ، وصدقيني راح تصلين لقرار أنسب لك انتي شخصيا
لكن علوم الكمبيوتر والهندسة ، التخصصين هذي قوية وبغض النظر اي ماستر درست فيه ، لاتزال مرغوبة... ارجعي لردي السابق وتحصلين في كلامي متى الافضل تختارين هذا ومتى هذا بناءا على ميولك الشخصي!

بالنسبة لكندا ، تكاد تكون الأعقد في اجراءات القبول وخصوصا جامعات mcgill ، ubc ، UofT للقبول النهائي (الميزة الوحيدة عندهم مايطلبون ضمان مالي مثل امريكا)، ولا أضن أن أي من الجامعات هذي تقدم قبول مشروط على فكرة لان تصنيفها واسمها مرموق جدا ولكن ادخلي مواقعهم وشوفي ... لازم تضحين باسم الجامعة وتصنيفها اذا القبول المشروط عائق حاليا ، أو تتوجهين بخيارك لامريكا اللي فيها جامعات كثيرة جدااااا والخيارات مفتوحة اكثر.
أنا جربت قدمت على الجامعات الكندية القوية اللي ذكرتها ولا حالفني القبول (مجرد خسرت الابليكيشن فييز وقيمة الارساليات ) ، وبحثت عن بديل وحصلت على جامعة اقل في التصنيف ،
استراليا وكندا كلهم بلدين جدا ممتازة ومتطورة ولها نفس المستوى العالي في تعدد الثقافات وقبول الآخرين والتعليم المتطور واعتقد انك بتتأقلمين في اي واحد منهم ...
حاليا من وجهة نظري ، تقدمين على جامعات في البلدين وتنظرين القبول ، والخيار الأفضل لك ولأخوك بيتضح لكم لاحقا بناء على القبول

سؤال : راح تتحدث مقاعد المعاهد الموجوده في الموقع (المعاهد الموصى بها في أمريكا)؟
وإذا نعم راح تتحدث، ممكن أعرف متى؟

نعم ستتحدث
غالبا بعد الملتقيات

نصيحة خاطئة من وجهة نظري
انا ضد القبول المشروط لكن مع أنه الشخص يضع لنفسه عدة خيارات مبكرة للجامعات التي سيتقدم لها
ويسكن في نفس المدينة أو مدينة قريبة منها
فالمدن تختلف عن بعضها ومن الافضل أن يبحث عن مكان يناسبه من البداية ويستقر فيه سواء سكن او نفسيا
اقرأو عن سمعة كل معهد وجامعة وخذو رأي الأغلبية فليس كل رأي يصف الواقع بشكل صحيح

سؤال عن وقت الملتقيات او وقت التدقيق
هل يجب عليا ان اقدم استقالتي من عملي ولا متى ماحبيت استقيل ( قطاع خاص )