تجمع طلاب و طالبات مرحلة الماجستير - المرحلة العـاشرة ( 10 )

جزاك الله خير ردك وافي وكافي،، ان شاء الله بستخير والله يقدم اللي فيه الخير للجميع

يعطيكم العافية .. أنا مهندس بأرامكو وراتبي الحمدلله جداً ممتاز .. لكن طموحي إني أكمل ماستر والحمدلله حسيت ان الفرصة حانت وقدمت على المرحلة العاشرة وأنتظر القبول المبدئي.
صحيح إني واجهت انتقادات من الاهل والاصدقاء.. كيف تترك أرامكو ؟ وكيف وكيف؟ ..ومعظمهم ما يعرف ارامكو إلا بالاسم والسمعه .. السؤال اللي بتسألونه أكيد .. طيب وابتعاث ارامكو؟ .. هذا مخصص لناس معينين..
بالاضافه إلى إنهم يبتعثوني على التخصص اللي يبغاه القسم مو اللي أنا ابغاه ..بالاخير ( الاستخاره ) هي اللي تهدينا للطريق الصح .. والحمدلله ارتحت للبعثة أكثر ( عسى ربي يكتب اللي فيه الخير ) ..

أحب أقرا آرائكم وانتقاداتكم ؟

دامك مهندس وعندك باكالوريوس راح تبعثك ارامكو ولد خالي مبعوث الان ع ارامكو
وخير مافعلت الاستخارة
راي تستفسر اكثر من ارامكو يبعثوك او لا وثاني شي يسمحو لك بالدراسه وانت موظف او لا
وقرر وقتها
بالتوفيق

^

والله متحسفه كثير على الموضوع اللي انحذف
كان فيه ردود كثيرة حلوه وتشجّع ، وفيه ردود من ناس مجربين الابتعاث وراجعين وموظفين بعد
للاسف على الايميل ماجاني الا رد لي ورد لشخص واحد فقط ، ولا فيه ردود كثيرة حلوه خاصة رد للاخ حسام مجرب الابتعاث وخالص وكتب كلام عن تجربة كلامه ممتاز
وتكلم عن موضوع الناس اللي ماجربت الابتعاث وتحبطك وتقول لا تروح وانك المفروض تستشير اللي مخلصين ابتعاث ورجعوا وتوظفوا ، مو اللي ماجربوا

المهم هذا ردي :

---الإقتباس الأصلي بواسطة (H1991)---
باكتب لك من تجربة ابوي

ابوي من الجيل المكروف ، اللي كانوا يداومون بمدارس بعيدة كثير عن بيوتهم ، واضطر بالثانوي ينقل لقرية بعيدة عشان يدرس
واضطر بعدها ينقل لمدينة بعيدة جداً عشان يشتغل ، ووقت شغله ابتعثوهم عشان اللغة ، وقتها اظن ماكان فيه معاهد
راح لدولتين وبالدولتين قعد تقريباً سنة ونص ، استفاد من اللغة صح ، وتوظف وظيفة مكروفة وبراتب قليل بالبداية صح ، تطور واخذ وظيفة ممتازة جداً بالنسبة له وانتقل من عيشة الفقر لعيشة ممتازة جداً بالنسبة له
بس متحسف كثير ان ماكان عنده وعي اول ، يقول كانت الشركة اللي ابتعثته مو مشدده كثير بالصرف وانه لو درس بكالوريوس كانوا عادي بيدفعون له قيمة دراسته وممكن يشتغل ببلد الغربة اي شغله عشان ياكل ويشرب ويسكن
بس ماكان عندهم وعي + كان يصرف على اهله فاصلا حتى لو كان عنده وعي وعجبته الفكرة ماكان يقدر يطبقها بسهولة

المهم ، هو الحين راتبه عالي وعلى وجه تقاعد وبيسافر معي ان شاء الله ، بس اللي شهاداتهم اعلى منه وهم اصغر منه سناً واقل خبرة صاروا بمناصب اعلى ولهم رواتب اعلى لأنهم اقوى منه بالشهادة
هو الآن اكبر مشجع للابتعاث وللدراسة ويشوف كثيرين يروحون ويرجعون بشهادات وتصير فرصهم افضل ، وبمالقابل كثيرين يروحون ويجلسون فترة بسيطة ويرجعون يقولون زهقنا من الغربة ويلومهم كثير
لأنهم بعد كم سنة بيندمون ووقتها ماراح ينفعهم الندم وهم يشوفون الناس تتطور وهم لا والسبب شهادتهم ، ويشدد ان اللي تحصل له الفرصة مايضيعها لو بأي ثمن ، لأن المصاريف تزيد ومؤهلات الوظايف تزيد

غير كذا بخصوص الراتب والفلوس على كلام ابوي يقول ماكنا نتخيل بيجي جيل مصاريفه كثير مثل الحين ، الحين في كل بيت فيه اجهزة عددها اضعاف مضاعفة لعدد افراد الاسرة
وفيه سفر وتمشية واشياء كثيرة صارت اولويات ، هالاشياء ماكانت موجوده قبل 20 سنة ، وماندري على جيل اولادنا وش بتكون المصاريف
فلا تقيس راتبك بعد 10 سنين بوضعك الحين ، كل ماتمشي السنين تزيد المتطلبات ، قبل 20 سنة الثلاث الاف تزوجك وتعيشك عيشة معقولة ، الحين الولد اللي مابعد تزوج وعايش مع اهله ومايصرف على احد غير نفسه ماتكفيه 5000 ويجي اخر الشهر يبي حق البنزين من اهله
وعشان ما ابعد كثير حتى قبل 7 سنوات ماكان فيه كثرة اجهزة مثل الحين ، كانوا كل واحد جوال يكلم ويرسل ويصور وبس ، وكم لاب توب في البيت وبس
الحين كل واحد معه جوال ولاب توب وايباد ، حتى الاطفال ايبود او ايباد .. فيه اشياء كمالية مانقدر نستغني عنها ولا يقدرون الاهل يحرمون اولادهم منها لأن الكل صار معه كذا
اللي معه فلوس واللي مامعه عنده ، حتى اللي ماعندهم يضطرون يشترون بالتقسيط او يضيقون على انفسهم ، لأن كل اللي بسن عيالهم معهم هالاشياء

ومثل ماقال الاخ حسام الحين هالجيل كله شهادات عالية ، قد ماتقدر جيب لك شهادات عالية
وبرضو لو رجعت بلغة كويسة وبدون ماجستير ماراح تخسر كثير لأن معك بكالوريوس بس هالكلام مو معناته خذ لغة وارجع ، بالعكس كافح عشان تاخذ الماجستير
ولو حصلت لك الدكتوراة كافح عشان تاخذها
---نهاية الإقتباس---


وهذا الرد لأخ او اخت ما ادري مين ، لأن ما انكتب عندي الاسم :

هنا المشاركة التي كتبت الآن:
***************
السلام عليكم ورحمة الله وبركاته

الأخ صاحب السؤال أنت لست وحدك الذي تمر بهذه الخيارات ((الصعبة)) بصراحة مجموع الردود أعطى فكرة رائعة وواضحة. فمثلا التركيز على الأستخارة وهى ركعتين من غير الفريضة يعزم الإنسان رأية على شئ معين ويذكره نصا في هذا الدعاء ( اللَّهُمَّ إنِّي أَسْتَخِيرُكَ بِعِلْمِكَ , وَأَسْتَقْدِرُكَ بِقُدْرَتِكَ , وَأَسْأَلُكَ مِنْ فَضْلِكَ الْعَظِيمِ فَإِنَّكَ تَقْدِرُ وَلا أَقْدِرُ , وَتَعْلَمُ وَلا أَعْلَمُ , وَأَنْتَ عَلامُ الْغُيُوبِ , اللَّهُمَّ إنْ كُنْتَ تَعْلَمُ أَنَّ هَذَا الأَمْرَ (هنا تسمي حاجتك ) خَيْرٌ لِي فِي دِينِي وَمَعَاشِي وَعَاقِبَةِ أَمْرِي أَوْ قَالَ : عَاجِلِ أَمْرِي وَآجِلِهِ , فَاقْدُرْهُ لِي وَيَسِّرْهُ لِي ثُمَّ بَارِكْ لِي فِيهِ , اللَّهُمَّ وَإِنْ كُنْتَ تَعْلَمُ أَنَّ هَذَا الأَمْرَ (هنا تسمي حاجتك ) شَرٌّ لِي فِي دِينِي وَمَعَاشِي وَعَاقِبَةِ أَمْرِي أَوْ قَالَ : عَاجِلِ أَمْرِي وَآجِلِهِ , فَاصْرِفْهُ عَنِّي وَاصْرِفْنِي عَنْهُ وَاقْدُرْ لِي الْخَيْرَ حَيْثُ كَانَ ثُمَّ ارْضِنِي بِهِ . وَيُسَمِّي حَاجَتَهُ ) وَفِي رواية ( ثُمَّ رَضِّنِي بِهِ( رَوَاهُ الْبُخَارِيُّ (

أنا مثلك بالظبط . موظف في شركة محترمة بعد عشر سنوات ((إن الله أحيانا)) ممكن يوصل راتبي 30 ألف وقرض إسكاني حسن من الشركة مليون ريال وتأمين طبي وإلخ.

لكن بصراحة إن جاتني فرصة للدكتوراة لن أتوانى بعد ما صليت الإستخارة طبعا واستشرت ونظرت من حولي. حنا في بلد خير الحمدلله مازال يعمل في بلدنا أعزها الله ملايين المقيمين في جميع المجلات وخصوصا في الوظائف العليا. سيتوقف العمل عندي؟؟ معاذ الله يجب إحسان الظن بالله سبحانة وتعالى أنه خير الرازقين وتكفلني منذ ولادتي إلى وفاتي وقضائة نافذ لامحال.

نقطة رائعه ذكرها البعض اعلاه.
هل انت مهتم بمعرفة ثقافات أخرى والسياحة في ارض الله وطلب العلم أم إن الموضوع راتب وإستقرار فقط؟

بحسبة بسيطة ينفق كثير من الموظفين السعوديين والخليجين جزء كبير من دخلهم في السياحة الخارجية سنويا . والبعثة بعد أن تكون طلب العلم فهي أيضا سياحة وأحيانا علاج ((بعيد عنا وعنكم الشر)) واحتكاك يثري العقل ويعيد ترتيب أولويات الإنسان ويعيد ترتيب القيم في حياتنا فقد نذهب طلبا للمال والمنصب ونعود أكثر خبرة و أهدء نفوسا أكثر علما بالحياة . هذه بعض الأفكار التي أردت مشاركتها معكم . ورأيي الشخصي بإختصار أن بعد الإستخارة وإقناع الوالدين ودعواتهم ((لايذهب أحد ووالديه ساخطين كل الدنيا لاتسوى سخطهم)) البعثة فرصة لاتتكرر في العمر كثيرا بينما الوظيفة الحمدلله . فلا العمر ولا همة الإنسان للدراسة حاضرة دائما فيجب إستغلال العمر في النافع.
ذكر لي صديق أجنبي عبارة أثرت فيني عندما سألته أيهما أفضل ولماذا البعثة أم العمل فقال فيما معناه(( أنتم السعوديين شعب محظوظ في كثرة الفرص الدراسة والإبتعاث المجاني وفرص التجارة متوفرة ولكن مشكلتكم لاتحبون المخاطرة أبدا وتمشون على مبدأ العصفور اللي باليد ((ماستفدنا منه شي)) وقالي بصراحة كل الناس بتعيش اللي جنب الحيط ومايحب المغامرة واللي ينجز. بإختصار ((على مدى نسبة المخاطرة تكون النتيجة مبهرة)) هذا كلامة بتصرف
بألأخير هذا قرارك الشخصي ولك منى ومن باقي الأخوان والأخوات النصيحة وأدعيلك إن الله يوفقك ويهديك لخير دينك ودنياك.
***************



+ حطوا ببالكم ان الفرصة اللي حصلت لكم اليوم مو شرط تحصل لكم بكرة ، ممكن السنة الجاية او اللي بعدها يغيرون بالشروط والمعدل والتخصصات وتتضررون
فأستغلوا الفرصة افضل

سـلام

جالسه اقرأ كلامكم الجميل والمشجع ع الأبتعاث , واتحمس أكثر
عسى الله يكتب لنا ولكم كل خير ويسهل الأمور
أحب اضيف أن البعثة فرصه رائعة لصقل شخصية المبتعث من نواحي كثيرة أهمها الأعتماد على النفس وزيادة الثقة بالنفس وأكتساب الخبرات الحياتيه
فليش نفوت علينا مثل هالفرص اللي راح تفيدنا بعدة اشكال ..
ونفس ماتطرقوا الأخوه الوظيفه فيما بعد راح تكون بمنصب أفضل وأعلى ان شاء الله

وعندي استفسار بخصوص مايسمى الظرف المغلق والمختوم
متى احتاجه بالضبط ؟ وهل يحتوي فقط ع التوصيات أو يندرج معهم صور طبق الأصل للوثيقة والسجل ..؟
وكم ظرف مغلق ومختوم احتاج ..!

لو سمحتو هل تحت التدقيق يجتي بين قوسين ام لا

الله يسهل أمورك ويسعدك

أستخير وأعيد التفكير واسئلهم هل يضمنون لك الوظيفة لك ولا لا اتمنى لك كل التوفيق

فيه جملة استوقفتني هي (( معظمهم ما يعرف أرامكو إلا بالاسم و السمعة )) هل ارامكو سيئة ؟

انصحك انك تبقى بارامكوا وتبتعث عن طريقهم ولا توقف بدون راتب


وجهة نظر ^_^

لا
ليش عندك تحت التدقيق بين قوسين؟؟!