تجمع طلاب وطالبات مرحلة البكالوريوس - المرحلة العاشرة ( 10 )

مبروووك الحمدلله ....الله يوفقكم كلكم


عقبال المجروحين اهل الغربية والخبر :"( والمناطق الباقية

الله يبارك بأيامك


عقبالكم ♡
موفقين

الله يعافيكم حد عنده علم كان يوجد بهذي للمرحله طب اسنان ؟

طب الأسنان
من سنوات مو موجود

احد من اهل الرياض تغيرت حالته ؟ طبعا تخصصه طب

عندي سؤال بعد إذنكم لطلاب الطب

ممكن نعرف أيش رغباتكم وليش اخترتوها؟

بالنسبة ليا كنت محتار بين ألمانيا وهولندا واخترت هولندا لأسباب:
١ - نظام التعليم فيها قوي جدًا والجامعتين اللي يرسل لهم البرنامج ممتازتين ومن أعلى ١٠٠ جامعة على مستوى العالم بس للأسف الناس ماتعرف!
٢ - اللغة فيها لها ميزة ممتازة وهي: تدرس ٣ سنين بالإنجليزي، و٣ سنين بالدتش. مما يعني إنك ح تكون صاحب أساس قوي في لغتين بجانب لغتك... ومو أي لغتين! الإنجليزي ح يسمح لك تتخصص في دول زي أمريكا وبريطانيا وكندا، بينما الدتش ح يسمح لك تتخصص في ألمانيا (اللغتين الهولندية والألمانية قريبتين جدًا من بعض)
٣ - تقريبًا٩٠٪ من سكان المدينة اللي ناوي أروحها في هولندا يتكلموا إنجليزي. ويوجد عدد كبير من الطلاب اللي يتكلمو هولندي وإنجليزي، فمحا أواجه مشاكل في التدرب على اللغتين إن شاء الله.
٤ - خفت أواجه مشكلة في ألمانيا وهي إن كل الدراسة هناك ح تكون بالألماني. صح إن المصطلحات باللاتيني وبعضها إغريقي بس الكتب والشروحات والناس كل شي بالألماني، فلمن تجي تختبر اختبار هيئة التخصصات اللي ح يكون باللغة الإنجليزية اللي ماطورتها آخر ٧ سنين ح تتعب كثير! ولمن تجي تتخصص بالإنجليزي أو تباشر عملك كطبيب ح تلاحظ إنو في Verbs, nouns and adjectives وبعض الـCommon terms اللي يستخدمها المرضى والممرضين والدكاترة من حولك جديدة عليك وماتعرفها وأغلب الحاجات هذي تكتسب من الممارسة مو من دراسة شهرين بعد التخرج!
٥ - طبيب بروفسور في الجامعة عندي لمن قلتله إني ح أروح لبعثة إلى هولندا أو ألمانيا وضحلي إنو مو كل جامعات ألمانيا كويسة، وإنو في أنواع جامعات خطأ تدخلها وإنو الأطباء اللي يجو للسعودية منها يكون مستواهم سيء وضعفهم واضح (كان يكلمني على دراسة التخصص وليس البكالوريس) فما حبيت فكرة إني أروح لألمانيا طالما إنو الموضوع مو واضح عندي.

مشكلة واجهتها في هولندا: قلة مصادر المعلومات الحديثة! أغلب المعلومات الموجودة باللغة العربية قديمة وما أدري هل المعلومات لسا صحيحة أو لا. اضطريت ابحث بالإنجليزي في مواقع متعددة عشان أشكل صورة عامة عن المكان اللي ح أروح أدرس فيه وساعدوني ناس من مبتعث ومن خارج مبتعث فشكرًا لهم.

لهولندا عيوبها الأخرى طبعًا، ولألمانيا مميزات كثيرة معتبرة، لكن كانت هذي تقريبًا أهم الأسباب اللي خلتني أفضل هولندا على ألمانيا وما أدري لو كانت كل المعلومات اللي عندي صحيحة، فياريت لو أحد عنده تصحيح أو معلومة مايبخل بها علينا

إذا كانت هولندا إحدى رغباتك وممكن تدرس فيها أنصحك تتطلع على هذا الموضوع وبإذن الله تستفيد وتفيد!

هل تنصحوا بإيرلندا للطب ؟ و ايش الجامعة الي تنصحوا فيها ؟

إيرلندا خياري الثالث

هولندا > ألمانيا > إيرلندا

اللي يخلي أغلب الطلاب يختاروا هولندا هوا إن الدراسة ح تكون بالإنجليزي، بالنسبة لي شفت الجامعات ماعجبتني كثير.. إن شاء الله تستفيد من ملتقى طلاب إيرلندا

هولندا بس الثلاث سنوات الاولى انجلش والثلاث سنوات الاخيره دتش

بولندا الدراسه كلها انجلش ولا !؟