تجمع المتضررين من شرط إفادة التخـرج - [ المرحلة العاشرة ]

الاخ / ak-alsalman
لوتكرمت ايش قالتلك الوزارة مهما كان الرد خبرنا الله يرضي عليك
علشان نتحرك ونتصرف ونسوي قروب خاص فينا للمطالبه ومستعد أنا شخصيا بالذهاب للرياض بعد توقيع الجميع على ورقة الاعتراض لان موضوعنا تعسفي في وجه نظري فأغلنا خريج او متبقي له ماده سيختبرها في الايام القليلة القادمه ، ونحن مستوفين الشروط ، ( ادخلو قروب متضررين من التخصص والتفاعل وهم اصلا الشروط لم تنطبق عليهم تحولت معاملتهم من مكتب الوزير بسبب سفره الي نائب الوزير )
تكفون يا اخوان ويا اخوات

الإفادة رفعتها زي ماخدتها من العمادة وواضح فيها كل البيانات ومايمديني اصلا اعدل شي عليها !


مافي احد في الرياض وراح الوزارة ؟

شرط لايعقل حسبي الله ونعم الوكيل ...جامعتي أيضاً سوت نفسها ماتعرف اش يعني إفادة المرأ الألف ولما عرفتهم عليها برضو قفلوها فوجهي ...يعني نلوم التعليم التعالي ولا جامعاتنا كلهم متكاتفين ضد مصلحة الطالب..


( تمت المشاركة باستخدام تطبيق مبتعث )

اليوم وصلني خبر من قهري في هالدنيا والوسايط الي فيها ابغ انفجرر ابغى انفجرر

اخويا يدرس
في جامعة ام القرى وراح يسلم التقرير الصيفي حق التدريب علشان يحاول يعجل في طبع الوثيقة قالو لا مافي الدرجة ماتنزل الى الاسبوع الجاي وعمادة قبول التسجيل مايطبعو وثائق للمتخرجين الا في نهاية شوال تاريخ محدد لكل .... ماعلينا بعدها كلم دكتور كلم له عميد القبول والتسجيل وشرح له الوضع وقاله محتاجها علشان الابتعاث العميد قال لا والف لا نحن مانطبع لأحد مستحيل

واليوم قابل اتنين من اصحابه وروه الوثيقة وهما مسجلين في الابتعاث اخدو وثائيهم من يوم ٢٠ رمضان وسلمو تدريبهم من يوم ١٩ ( مخالفين النظام التدريب لازم شهرين كامله ) لكن حضرتهم عندهم واسطات ومعارف في الكلية وفي عمادة قبول والتسجيل واخدو وثائقهم بدري كمان والي يقهر مكتوب في وثائقهم انهم متخرجين صيفي ١٤٣٥ /١٤٣٤ واخدينها في رمضان

حسبي الله ونعم الوكيل على البلا والخراب الي موجود في هالبلد حسبي الله ونعم الوكيل حسبي الله ونعم الوكيل

كتبت القصة الي فوق من قهري مكانها يمكن غلط

بس والله من قهري من الوزارة الي حاطة شرط ظالم
ومن الجامعات الي يستهبلو افادات مايعطوها ويقولو مانعرف

ولو جاهم الشخص بواسطة يعطوه الوثيقة كمان .

انا وضعي نفس اخوك من قبل عشره رمضان مخلصه وسلمتهم أوراقي ومو راضين يعطوني شي حتى رحت لقسم الرجال زفت اخس من اللي عند البنات
حتى سجل من عندهم ما عندي بإرفق اللي في الموقع


اللي ما عندهم وثيقه ولا إفاده يقولولي وش رفعوا لآني مو عارفه وش ارفق لهم .. حتى في النماذج الالكترونيه مافي إفاده


( تمت المشاركة باستخدام تطبيق مبتعث )

حسبي الله وكفى!!

دحين اللي الين دحين ماقدرو ياخدو افاده اش حيعملو ؟ حتى الافادة الموجوده في الموقع حالتنا مستمر في الدراسة ومستحيل يغيروها ومستحيل تنقبل.

الافادة اجلس على راس قسمك او عميد القسم او الوكيل علشان يعطوكي هي



العمادة الي في العزيزية مايعطو شي نهائي ....

وارفعي السجل الي في خدامتك فيه الختم الالكتروني

وحاولي حتى لو ترفعي اوراق بيضاء بدل هالاشياء لو ماتوفرت عندك حتى يوم ٢٠

لانه نصيحة يالغالية اهم شي سجلي سجلي سجلي سجلي وخدي رقم طلب علشان بعذين تقدري تعترضي بيه لمن تاخدي وتيقتك في نهاية شوال او بداية القعدة


لانه من غير رقم طلب في برنامج سفير محد راح يعطي لاحد وجه نهائي ودايما اسمع عن قصص معجزات صارت بس اهم شي رقم الطلب

دحين خلاص قربنا من نهاية التسجيل اهم شي سجلو باي شي حتى لو ورق ابيض وبعدها لو ترفض وعندك الوثيقة مافي حل غير الاعتراض


١-الجواز تمام مرفوع
٢-الهوية تمام مرفوعة

٣-باقي السجل الرسمي .... سجل حالي من الخدمات مو مكتوب فيه اني متخرج
٤- والوثيقة .... افادة بدلها

كلنا في هالموضوع مشكلتنا ٣و٤

لو مافي حل ارفعو اوراق بيضاء الان وخلو يترفض
اهم شي سجلو سجلو سجلو وخدو رقم طلب هذا اهم شي

علشان لمن نترفض ونراجع يكون وقتها في رقم طلب

ارجع ارفعهااااا تاني مافي حل غير كده


وعلى مايجي عليك الفرز تاني والرفض اوفعها تاني