تجمع المتضررين من شرط إفادة التخـرج - [ المرحلة العاشرة ]

يلا انا معاك


( تمت المشاركة باستخدام تطبيق مبتعث )

انا قدمت خطاب اليوم شرحت فيه ظروفي الخاصة والمشكلة ، ان شاء الله يوصل للعنقري خلال ايام وحيدوني علية رقم معاملة اراجع واتابع فيها ،،

لكن لا مانع اننا نقدم اعتراض كا متضرري المرحلة التاسعة ،، ونسوي هاشتاق في تويتر كمان ..

لكن الخوف انهم يقبلو الاعتراض ويعاملونا معاملة خاصة كا متضرري المرحلة التاسعه ويقولو مافي لكم اصدار قرار ابتعاث حتى يتوفر معكم قبول جامعة وفيزا .... ليييييييييه !!!!!!! مو زي باقي الي قدمو ، مجرد انهم استوفت فيهم الشروط ماطالبوهم بشي وراحو اُبتعثو علمعهد انجليزي لاقبول جامعه ولا شرطو عليهم شي
لكن هذي كانت سياسة لتقنين متضرري المرحلة التاسعة اكثر واكثر وجرررردهم .. وممكن يكون للوزارة سبب والله اعلم انها مالها رغبة في تخصصاتهم الي قامو بحذفها السنة الماضية


عموما مثل هذا الحل معنا نحن لن ينجح
لان اكثر الافادات بسبب سنة الامتياز في التخصصات الصحية اللي هيا صعب القبول فيها او بالاصح مافيها قبول مشروط ،، لكثرة متطلبات الجامعة من اختبارات رخصة وجي ار اي والخ
كيف اوفر القبول وانا ماختبرت ولا رحت ولا وصلت بلد الابتعاث .. ان شاء الله مايحكمو علينا كدا

هذا بس مجرد توقع مستقبلي ( لو الوزارة اصلا قبلت الاعتراض وحلت المشكلة بهذه الطريقة )


وعموما الي يبغا يفكر او يساعد او يسوي شي يتحرك الان لان الاثنين القادم ٢٢ رمضان حتقفل الوزارة ،،

دمتم


( تمت المشاركة باستخدام تطبيق مبتعث )

انا رسلت للوزارة هذا الاستفسار بس انتوا كمان ارسلوا والي يقدر يروح منكم وزارة التعليم لايقصر!

نكتب معروض مو مشكلة بس كيف!


( تمت المشاركة باستخدام تطبيق مبتعث )

اديني ايميل الوزارة
وخلينا نطلع رقم الاستفسارات وبكرة كللللللنا نتصل عشان يحسو ان في مشكلة


( تمت المشاركة باستخدام تطبيق مبتعث )

المعروض اول شي نحدد النقاط الي حابين نوصحها فيه بعدين ينكتب ويتنسق ماهي مشكلة بس نتفق عالنقاط ..

مين حاب يشارك يا جماعة معانا وينضاف اسمه

** اقترحو هاشتاق في تويتر ايش ممكن يكون ؟


( تمت المشاركة باستخدام تطبيق مبتعث )

جربت كثير أتواصل معاهم ايميل واتصال ولاحياة أمن تنادي لكن انتوا كمان جربوا تتصلوا وتتواصلوا تلاقوا معلومات التواصل على موقع وزارة التعليم العالي...


انا مو الرياض ياليت الي ساكن في الرياض يروح وزارة التعليم العالي ويستفسر منهم عن رفع الإفادات.

يعني يقولهم ان احنا تتأخر وثائقنا شوي لآخر شوال مالعمل هل ممكن نحرم من حقنا في الابتعاث رغم استيفائنا لكافة الشروط. ويقولهم هذه المعلومة المهمة>>> ان احنا وثائقنا فقط تتأخر في مرحلة التسجيل لكن مرحلة التدقيق سنكون مزوردين بالوثائق وكافة الوثائق الرسمية اللازمة لمرحلة التدقيق والمطابقة ومستوفين لكافة الشروط نفسنا نفس الي مسجل من قبل فما الحل في هذه الحالة؟؟؟


انا لو في الرياض زي ماقلت كان من اول رحت للوزارة وقلتلكم اش يصير بس للأسف. أتمنى احد يروح للوزارة لانها قربت تقفل


( تمت المشاركة باستخدام تطبيق مبتعث )

ياجماعة مشكلتنا مو صعبة الحمدلله ولانقدر نقارنها بمشكلة المتضررين من عدم ادراج تخصصاتهم.

مشكلتنا سهلة جدا بس هما معقدينها ليه مادري


ولكن للأسف راح نخسر البعثة لو جلسنا كذا ولا تحركنا..

لازم نتحرك سريع


( تمت المشاركة باستخدام تطبيق مبتعث )

انا معاكم


مشكلتي الوحيدة هي في إرفاق الافادة بدل الوثيقة لان الوثيقة فقط تتأخر أيام عن إقفال التسجيل..


( تمت المشاركة باستخدام تطبيق مبتعث )

اقتراح جيد اخت منى
نبغا احد فينا يكون فالرياض ويروح الوزارة
انا رحت مكتب وزير التعليم العالي في جدة قلولي يا تروحي الرياض يا تتصلي لان هذا مكتب لتقديم الخطابات والمراجعات ومقابلات الوزير فقط

لاززم نتحررررررك وإلا سوف يهضهم حقنا والله اعلم
مشكلتنا بسيطة .. بس فنفس الوقت كبيرة لانهم وصحى فالشروط الرسمية عدم قبول الافادات وشرط رفع الوثائق

ياليت نتفاعل يا جماعة ونتصرف
الاقتراحات التي طرحت للان :
خطاب للتعليم العالي
احد يروح يستفسر بنفسه فالوزارة فالرياض
التواصل مع الوزارة بالاتصال والايميل
هاشتاق في تويتر


اعيد واكرر الوزارة حتقفل الاثنين الجاي ٢٢ رمضان مافي وقت زايد معانا


( تمت المشاركة باستخدام تطبيق مبتعث )

انا مو في الرياض يا ليت اللي في الرياض يروح يستفسر ويساعدنا


( تمت المشاركة باستخدام تطبيق مبتعث )