الاستفسارات الخاصة بـ المرافقين - [ المرحلة العاشرة ] ( 10 )

السلام عليكم

انا باسافر وبيطلع معي مرافقين زوجي وبنتي
زوجي بيكمل دراسته بس مو تبع التعليم العالي من وظيفته اللي بالصحة
السؤال هنا هل زوجي بيعتبر مرافق لي وبيصرفون له مكافأة ولا لا لانه هو يدرس بعد ؟
وهو هل بيقدر من جهة عمله يضيفني انا وبنتي مرافقين له ولا لا ؟

ياجماعه سؤال

لو الواحد مبتعث وبيتخرج نهاية هالسمستر ومرافقه خلص لغه وبدأ الجامعه هالسمستر بعد.. يقبلون الملحقيه يضموه للبعثه ولا ؟

هل انتي مبتعثه ام مرافقه ؟ ايضا هل هو مبتعث من عمله
على العموم
كل واحد راح يكون مبتعث اذا كانت لديك بعثه وايضا اذا كانت لديه بعثه مستقله
وبابنتك راح تكون مرافقه لاحدكما حسب اختيارك لمن تكون المرافقه ( تحت بعثتك او بعثته )
وعند انتهاء احدكما من الدراسه راح يتحول الى مرافق سواء انتي او هو

اما
اذٰا كنتي فقط مرافقه فراح تكوني مرافقه تحت بعثت زوجك

ألا تقل المدة المتبقية على نهاية البعثة عن ستة أشهر للمبتعث الرئيسي، علماً بأن تاريخ انتهاء بعثة المرافق هو نفس تاريخ انتهاء بعثة المبتعث الرئيسي، إلا في حالة اجتياز المرافق المبتعث لـ (75%) من المرحلة الأكاديمية حيث يحق له حينها التقدم بطلب فصل بعثته .
احد اجوبة الملحقيه

السلام عليكم. متى بالضبط. لازم يكون جواز المرافق جاهز؟ وجوازي ينتهي في شهر 7 2015 يحتاج اجدد و متى؟

السلام عليكم
حبيبت استفسر
وابي رد يكون مفصل الله يجزاكم خير
اخوي بيكون معاي مرافق
وبيكمل دراسته
وش الخطوات اللازم اتباعها
هل نجيب انا واياه قبول المعهد سوا ونقدمها وقت الملتقى
ولا كيف 😢

نعم احصلي على قبول له معكي لكي تكونوا في مكان ومدينه واحده لتفادي اغلاق المعاهد
وباستطاعته الدراسه عند وصوله مباشره + اخوك لازم فيزته F1 بما يخص امريكا يعني الافضل يدرس
احضار القبول ليس مطلبا في الملتقيات بل هو لاصدار قرار الابتعاث

السلام عليكم

عندي سؤال

الحين اذا كان اخوي هو مرافقي و معه زوجته

طبعا راح يتم صرف راتب لأخوي بس هل يتم صرف راتب لزوجته ام لا ؟

اخوك يصرفون له راتب لانه مرافق لك
اما زوجته لا تسافر على حسابها

السلام عليكم
ياجماعه عندي كذا استفسار
1) اذا مرافقي مايبغى يدرس جامعه بعد اللغه هل فيه معاهد يقدر يدرسها وتتكفل فيها الدوله يعني معهد هندسه او اداراه او اي شي

2)اخوي سوى اخلاء طرف من الجامعه لكن الشهاده مختومه اذا فكر يكمل جامعه هل تصير له مشكله بسبب الختم

3) ايش رايكم استنى الملتقى واجيب قبول ولا اطلع شهاده بنكيه واجيب بها قبول وكمان هل ينفع شهاده بنكيه وحده لي ولااخوي لانها بااسم ابويه

جزاكم الله خير