هنا اسأل عن كندا - المرحلة العاشرة ( 10 )

اوك اختي معليش طيب انا عندي ضمانين ما اعرف اذا واحد بيتلغي بس زي منتي عارفه مبتعثي كندا ارسلولهم ضمانات عامه كلهم وانا قبل لا يرسلو طلبت ضمان باسم المعهد الا جبت قبول منو الان بس ما وصلني الا بعد الضمان العام يعني اقدر اطلب من الملحقيه تجبلي قبول من معهد اوتاوا من دحين ؟ انا لسا ما سافرت بس قدمت ع الفيزا
ومشكوره لمساعدتي 💓

الا ابغاه انو من يوم اخلص دراستي ف المعهد الاول ع طول انتقل للمعهد التاني من دون تاخير

والله بالنسبة للملحقية ماادري اذا تجيبلك او لا بس جربي كلميهم .. واذا ماوافقوا قدمي لنفسك ترا مرة سهل وحيرسلولك ورقة القبول احتفظي فيها وقدميها للملحقية قبل لا تنتهي دراستك في المعهد الاول باسبوعين والضمان راح تطلبه منك الجامعة قبل الدراسة ب اسبوع او اسبوعين .. انا زي كدا سار معايا ماادري اذا اوتاوا متساهلة زي فيكتوريا

‏#المرحلة_العاشرة_للابتعاث
مين بكلوريوس كندا تخصص خدمات طبيه طارئه ؟؟ احتاجكم
موقع الوزاره ما يطلعلي الجامعات المعتمده ف ذا التخصص وهل التخصص لو مسمى تاني في الجامعات الكنديه ما لقيت بنفس دا الاسم لقيت طب طوارئ

من خلال بحثي ان المكافاه باذن الله تكفي مع الحكمه في المصروف والافضل انك تدخلين معهد تابع للجامعة اما المدن تقريبا باذن الله فيها امان بالنسبة للاجواء تقريبا تورنتو باردة بس حلوة كمعيشه وفيه مقاطعة برتش كولومبيا فيها فانكوفر وفكتوريا فيها تخصص احياء ودافيه انا تخصصي احياء محتاره بين جامعة تورنتو ويورك في مقاطعة اونتاريوا وبين فكتوريا في مقاطعة برتش كولومبيا انا سمعت ان تورنتو ويورك وفكتوريا من الجامعات المتميزه عشان كذا حطيتها ببالي بس لغتي الانجليزيه صفر ومحتاسة بالبحث عن التخصصات بالجامعه والمشكله الاكبر ماني عارفه اذا التخصص تابع لكليه العلوم او لا ؟؟الله يعين
هذا اللي قدرت افيدك فيه اختي دعواتك ان الله يفرج كربي وكربكم وينور بصيرتنا ويكتب لنا مافيه خير وصلاح انه على كل شيء قدير

مارايكم في معهد EC في تورنتو

لو سمحتوا قدمت على التاشيرة الدراسية للسفارة الكندية اون ﻻين ب 4 ديسمبر وسويت البصمه والصورة ب 8 ديسمبر في الرياض وقالوا السفارة انو استلموها لكن لحد اﻻن ﻻ يوجد اي رد ابببدا مع العلم انو معاي فيزا سياحية لكندا ورحت لها قبل مرتين ايش الحل تاخرت كل اموري وانا انتظرهم

في احد زي مشكلتي متاخرين عليه ؟؟

يمكن عشان قبولك بعيد

بالعكس قبول كان ب 12 يناير واجلت معهدي لمارس ﻻنهم تاخروا

والله مدري ذي اغبي فيزا قدمت عليها لدرجه اتمنيت اني سجلت امريكا

جزاك الله خيرا اخي احساس وفتح الله على قلبك انت وجميع الاخوة لماتقدموه من نفع وفائده اريد الاستفسار عن نقطتين ارجوا ان اجد الجواب
1- في نموذج طلب الحصول على قبول من ضمن المتطلبات ((التاريخ المتوقع لبداية الدراسه ))., هل انا من يحدد التاريخ ؟ ام يلزم ان ارى متى تبداء كورسات المعهد المراد التقديم عليه واضع التاريخ المناسب لي علما باني حامل وتاريخ ولادتي باذن الله رمضان واريد البدء في الدراسه بعد ولادتي باذن الله ..
2- هل استطيع اشعار الملحقيه باني حامل لكي يتم الصرف على الطفل المرافق ؟ ام ماذا افعل
جعلكم الله ممن تدخلون الجنه من غير حساب و لا سابق عذاب انتم ومن تحبون