هنا اسأل عن كندا - المرحلة العاشرة ( 10 )

السلام عليكم
انا من جده والسفارة الكندية في الرياض.
ايش الأوراق المطلوبة علشان اطلع ال فيزا
وبالنسبة للنماذج اللي من السفارة كيف اعبيها
وكيف أرسلها؟
وطريقة دفع الرسوم ؟
وبالنسبة لمواصفات الصورة والفينجر...

أتمنى من أحد الإخوة المبتعثين يشرح لنا الطريقة من إلى ويفضل انه يشرح على طريقة تصوير الشاشة فيديو ..
انا المشكله اللي عندي ما اعرف انجليزي ومترجم قوقل ما يترجم كويس..
والنماذج ال PDF انجليزي ما تترجم ..
وش الحل؟

طيب وين هذا المكتب.
إذا في الرياض ما اقدر.
انا في جدة.

انا بعد ما قريت التعهد اللي فيه عدم تغيير الدولة ارسلت استفسار ( اذا لم أتمكن من الحصول على قبول لكن في المقابل استطعت ان احصل على قبول في الجامعات المميزة المختصة في المرحلة العاشرة في دولة اخرى ضمن هذة المرحلة هل أستطيع التحويل ام لا ؟

الرد ( يمكنك ولكن عليك تقديم طلب تغيير الدولة لتدرسه اللجنة المختصة )

Tasheel Commercial Center
Al Mohmmediah, Jeddah 23623
http://goo.gl/maps/MVXuT

اخوي لما توصل كندا
الملحقيه بتكون جدا متساهلة جيب اي قبول من اي جامعه موصي بها وهي تقبله
انت وش تخصصك

و مين قال لك انهم بيقبلوا بأي جامعة .. كلامهم في الملتقيات كان واضح اذا درسوا طلاب المرحلة العاشرة في جامعة مو من ضمن قائمة الجامعات المميزة لن تعادل له الشهادة .. فليش تجازف مع الوزارة و حركاتها سجل في الجامعات المميزة اللي حاطينها في الموقع و بس

حي المحمدية شارع الامير سلطان بعد جرير مول في شارع اسمه جندب بن كعب لف من عنده يمين بمركز تساهيل او اتبع جوجل map في رد الاخ قبل

تخصصي علاج تنفسي و مب موجود بالجامعات المميزه موجود فقط بالموصى بها و هذا تخصصي الثاني انا من قبل مغيرته لانه بعد ما كان موجود ب كندا .
كلمت الملحقيه و الاغلب اني بمشي على الموصى بها المميزه ب كندا مافيها كل التخصصات و القبول اصلا صعب. على كذا محد راح يدرس.

يعني كل طالب بعد ٥ سنوات بيجي يعادل شهادته راح يراجعوا اللجنة هو درس في الـ ٢٠٠ جامعة؟؟

أول شي مين قال الدفعة العاشرة حيتخرجوا سوا؟ كل تخصص وكل دولة لها ظروفها، ولجنة معادلة الشهادات يجيها المئات من الشهادات من مختلف الدول بعضهم على حسابهم و بعضهم من دفعات غير، يعني عادي واحد من الدفعة الـ ١١ يتخرج قبل الدفعة العاشرة و لظروف عدة.
في ناس كثير يتأخروا في اللغة، و في ناس تجلس في الباكلريوس ٥ و ٦ سنوات
و في ناس تسوي تأجيل بعثة في النص.

و للعلم بمجرد فتح ملف في الملحقية، الملحقية ما تفرق بين الطالب اللي من الدفعة السابعة و الا اللي من الدفعة الثانية عشر و الا اللي جاي مبتعث من البداية و الا اللي التحق بعدين، كلهم يمشي عليهم نظام واحد وتعامل واحد وطبعا راح يكون النظام حق ذاك الوقت (مستقبلا) مو نظام الحين.
لأن بعد ٥ سنوات قائمة الجامعات راح تتغير اصلا و تختلف حسب التصنيفات ، وهذا اللي قاعد يصير اصلا كل سنة، يعني الجامعات الموصى بها قبل ٥ سنوات غير اللي الحين.
فتوكلوا على الله يا جماعة ولا تبالغوا في الخوف.

اذا انت حاب العلاج التنفسي، نصيحة مني حول لأمريكا، قبولات التخصصات الطبية التطبيقية صعبة في كندا لغير المواطنين، وبما انك طالب أجنبي إما راح يقبلوك في تخصص العلوم الصحية العام أو ما يشابهه، أو تدخل السنة الأولى ساينس أو أحياء و بعد اجتيازها بمعدل منافس وانهائك لمواد السنة الأولى راح تتحول ان شاء الله للتخصص الطبي التطبيقي اللي تبغاه. يعني الشي مو مستحيل لكن مو صعب، لذلك اذا انت حاب التخصص هذا مشي امورك من الحين على أمريكا.