تجمع طلاب وطالبات الأقسام المالية والاقتصادية - المرحلة العاشرة ( 10 )

كل المراحل السابقه الماستر يطلعون بقبول معهد فقط حسب ما قرأت هنا

لأن معظم الجامعات تطلب أختبار الجيمات أو الجي آر اي بالإضافة لدرجة عالية باللغة

أشوف آنه الخيار الأفضل الواحد يطلع بقبول اللغة وبعد عدة شهور يوفر له القبول الجامعي
بس إذا ما يحب ينتقل كثير هناك فيما بعد فيحاول يختار منطقة فيها عدد من الجامعات القريبة من بعضها المتوفر فيها التخصص الراغب فيه وامتداد تخصصه

الافضل واللي غالب الطلاب يبحثون عنه المعهد التابع للجامعة لعدة امور :
● يهيئك بشكل جيد في اللغة كونه معتمد ومراقب من نفس الجامعه .
● ايضا يهيئك للاختبارات المطلوبة للقبول ويسهل قبولك ايضا .
● يمكن ان تلغي عنك الجامعة اختبار اللغة اذا كان مستواك جيد في المعهد التابع لها .
● وغير كذا تقدر تستفيد من الخدمات اللي تقدمها الجامعة للطلاب .
● واهم شيء انك تبتعد عن المعاهد التجارية اللي هدفها الربح ولا يهمها مستوى الطالب .


' لا اله الا الله '

يعني اجيب قبول معهد لغة تابع للجامعة بدون قبول مشروط ولا اجيب قبول لغة مع الجامعة

ياجماعه انا راح اتخرج عالصيف وماراح استلم وثيقتي الا بشهر 11 علموني وش الحل وش السواة والله مقهوره والله صار لي 3 سنين اشد حيلي بالجامعه عشان اطلع اكمل ماستر برا ... بعدين أنا تخصصي موارد بشرية أقدر أطلع على ادارة اعمال ؟؟؟ والا لا ؟ وش اسوي الحين احس اني متوهقه وضايقه فيني الدنيا

السلام عليكم ورحمه الله وبركاته
اشكر القائمين على هذا المنتدى وان يجعله في ميزان حسناتهم
عندي بعض الاستفسارات
1 انا الحمد لله منطبقه على الشروط والتخصص ماليه , وش الوثائق اللي احتاجها وقت التسجيل ؟
انا استلمت الوثيقه والسجل الاكاديمي بالانجليزي وبالعربي لكن السجل بالانجليزي للاسف فيه اخطاء المستوى السابع فيه ثلاث مقررات ممسوحه من الجدول لكن رموزها والمعدل موجود وكذالك المستوى الثامن
رجعت لهم قالو مافيه الا في 26 شوال قلت لهم اقدر اترجم السجل في مكتب معتمد قال لا لازم من الجامعه ,وش الحل ؟
2 المطلوب عند التسجيل السجل الاكاديمي بالانجليزي والا العربي؟
3 انا مسجل في التامينات الاجتماعيه , هل يؤثر على التسجيل في البعثه ؟

الله يجزاكم خير ...

السلامــ عليكم و رحمة الله و بركاتة :-
مشكورين على فتح الموضوع إلا إن شاء الله راح يفيدنا كثير أنا أخوكم حسام متخرج من جامعة أم القرى قسم محاسبة و الحمد الله منطبقة عليا جميع الشروط و بأنتظر بداية التقديم سؤالي هو :-
سمعت إنوو في أمريكا مطلوب إختبار للتخصصات الإدارية إسمو ( جيمات ) و جميع الجامعات تشترط تجيب 450 درجة عشان تاخذ القبول الجامعي و الإختبار غير مطلوب في اوربا إلا يعرف شي عنوو يفيدنا .... وبالنسبة للمحاسبة إش أفضل أمريكا أو أوربا ؟ .... و بالنسبة للتوصيات متى أشتغل عليها و كم توصية مطلوبه ... و بالنسبة للوثائق المطلوبة ( السجل الأكاديمي - ووثيقة التخرج ) المطلوب إرفاقها أثناء التقديم أنا إلا مجهزها عندي في الكمبيوتر طبق الأصل و مختومة هل تفي بالغرض أو لازم أسوي إسكان للأصول و ليس طبق الأصل ؟ وجزاكم الله خير

مرحبااا

شكرا عالموضوع
انا تخصصي بكالوريووس موارد بشريه وتخصصي مستقل مو من ضمن اداره الاعمال

اسجل ع اساس تمويل ؟؟؟ولا

ولا احنا مالنا نصيييييييييييييب ؟؟؟

اخاف مايقصدووووا مسارات اداره الاعمال

السلام عليكم ..

حبايبي فيه احد تخصصه نظم معلومات ادارية؟ ودي نجتمع ونتبادل معلومات حول الدول والجامعات وغيره ... لاني شوي محتارة بالنقطة ذي


الله يوفق ويسهل على الجميع^^

احتمال كبير يقصدوا تخصص ادارة اعمال نفسه ... ان شاء الله ذوي الخبرة يفيدونك او سجل وشوف بالاخير يمكن تتسهل مو خسران شي

الله يوفق الجميع