تجمع طلاب وطالبات الأقسام المالية والاقتصادية - المرحلة العاشرة ( 10 )

السلام عليكم ياخوي
في امريكا مافي ماستر سنة وايضاً مافي جامعة تقبلك الا بالجيمات والحد الادنى تجيبها بالجيمات ٤٥٠ .
فيه طريقة فقط انك تدخل الجامعة بدون جيمات !!
اذا خلصت معهد ELS ١٢لفل بعدها تختار من الجامعة اللي متفقة مع المعهد .



( تمت المشاركة باستخدام تطبيق مبتعث )

السلام عليكم
جزاكم الله خير ع ها التجمع
اناريم ناويه أكمل ماستر محاسبه ان شاء الله
ومحتارة بين استراليا وبريطانيا ،ومستعبدة أمريكا بسبب الجيمات، لاني اعرف شخصيا زميلات لي في امريكا اضطرو يغيرو تخصصهم محاسبة ويكملو تخصصات ثانية بسبب الجيمات..
بس عرفت هنا معلومة وحابه اتأكد منها هل يتغاضو عن الجيمات اذا معدلي ٤.٢٩ من ٥!؟!


( تمت المشاركة باستخدام تطبيق مبتعث )

العفو يااخوي ..

انا لي شهرين واكثر ابحث واسال واجمع معلومات واراسل الجامعات عن ايرلندا .. مثل ماانت عارف الدارسه في امريكا صعبة شوي من ناحية القبول واختبار الجيمات والفيزا وغيره .. يعني بالمختصر تحتاج جهد مضاعف وصبر ..

ايرلندا انا حبيتها اكثر لاني شفت ايجابياتها كثيرة بمقارنة بامريكا ..

-من ناحية القبول والاجراءات والفيزا وغيره اسرع واسهل.
-والاحلی الجامعات هناك ماتعترف بشي اسمه جيمات ولا تهتم فيه وانا شخصيا سالتهم واخذت الجواب الاكيد .. اهم شي تعدي اختبار الايتلس بدرجه 6 او 6.5
-من ناحية المعيشه فيها امان ومافي عنصريه وقريبه كثير من العرب.
-ومن ناحية التعليم فيها جامعات قوية وعريقه ومن افضل الدول الاوربيه.
-من ناحية الاسعار .. العاصمة دبلن هي اللي شوي غاليه بس باقي المدن ارخص منها.

وبس 😊 .. اي سؤال يخطر في بالك اسال وخذ راحتك. ونصيحة الاستخارة ثم الاستخارة!

الله يوفقك ويسهل دربك.

( تمت المشاركة باستخدام تطبيق مبتعث )

اختي ريم غير صحيح النظر للمعدل انا معدلي ٣.٣من ٤واطلبو علي جيمات ٤٥٠او ايلتس٦
بس مافي الا حل واحد في امريكا علشان تتجنبين اختبار الجيمات والايلتس مالك الا تدخلين معهد ELS وبعد ماتخلصينه تدخلين الجامعة اللي تبينها بدون اختبار جيمات او ايلتس


( تمت المشاركة باستخدام تطبيق مبتعث )

توضيح للاخت بخصوص اختبار الايلتس😭
٦ مو هينه من ٥.٥صعبة جداً اختبار الجيمات اسهل بكثير من الايلتس اذا اشترطو جيمات
اصحابي هنا اكثرهم جابو الجيمات ب٥٠٠درجة واختبارهم في الايلتس ماقدرو يجيبون ٦اعلى درجة وصلو لها ٥.٥ .
لو تسوين مقارنة بين الايلتس والجيمات بتحلصين الجيمات اسهل بكثير من ٦بالايلتس


( تمت المشاركة باستخدام تطبيق مبتعث )

امريكا يبون 450 جيمات وايرلندا يبون 6 ايلتس يعني وش نسوي 😝

بالعكس يااخوي اختبار الجيمات صعب جدا ولا يقارن مع الايتلس ..
انا اختبرت ايتلس من قبل وجبت 5 ولا حتی بذلت جهد فيه ومستواي بالانقلش اقل من عادي .. اجل كيف لو بذلت جهد واصرار اكيد راح اخذ 6 وفوق ..

والحمدلله المعاهد تساعد كثير لتوصل لدرجه المطلوبة؛ وكثير جابوا 6 وفوق.

الله يوفق ويسهل علی الجميع.

( تمت المشاركة باستخدام تطبيق مبتعث )

الايلتس يظل اختبار انقلش بس الجيمات رياضيات وحسابات وبالانقلش جلطة بس الله يعيننا الخوف الواحد يروح هناك وما يجيب درجة زينه 😕 كل الي عدو الجيمات يقولون لازم تذاكر كل يوم مدة شهرين

اهم شي الثقة وبذل الجهد والمثابرة .. لازم نتعب عشان نوصل لهدفنا مافي شي سهل.
والاهم علاقتك بربك خلها قوية والدعاء..

الله يسهل طريقنا ونوصل لطموحاتنا ومايضيع تعبنا ..

( تمت المشاركة باستخدام تطبيق مبتعث )

شكرا ع التوضيح ،ان شاء الله حأستبعد أمريكا وبين بريطانيا واستراليا '" بس ياليت اعرف بنات الي بتكمل ماستر محاسبه فين بتكملو واي مدينه وجامعه


( تمت المشاركة باستخدام تطبيق مبتعث )