تجمع طلاب وطالبات الأقسام المالية والاقتصادية - المرحلة العاشرة ( 10 )

العفو يااخوي ..

انا لي شهرين واكثر ابحث واسال واجمع معلومات واراسل الجامعات عن ايرلندا .. مثل ماانت عارف الدارسه في امريكا صعبة شوي من ناحية القبول واختبار الجيمات والفيزا وغيره .. يعني بالمختصر تحتاج جهد مضاعف وصبر ..

ايرلندا انا حبيتها اكثر لاني شفت ايجابياتها كثيرة بمقارنة بامريكا ..

-من ناحية القبول والاجراءات والفيزا وغيره اسرع واسهل.
-والاحلی الجامعات هناك ماتعترف بشي اسمه جيمات ولا تهتم فيه وانا شخصيا سالتهم واخذت الجواب الاكيد .. اهم شي تعدي اختبار الايتلس بدرجه 6 او 6.5
-من ناحية المعيشه فيها امان ومافي عنصريه وقريبه كثير من العرب.
-ومن ناحية التعليم فيها جامعات قوية وعريقه ومن افضل الدول الاوربيه.
-من ناحية الاسعار .. العاصمة دبلن هي اللي شوي غاليه بس باقي المدن ارخص منها.

وبس 😊 .. اي سؤال يخطر في بالك اسال وخذ راحتك. ونصيحة الاستخارة ثم الاستخارة!

الله يوفقك ويسهل دربك.

( تمت المشاركة باستخدام تطبيق مبتعث )

انا م اعرف شي عن هذا المعهد ف عذرا اذا اسألتي كثيره
هذا المعهد موجود في كثير ولايات بامريكا او كيف ؟ موجود في شيكاغو ؟
لو دخلت هذا المعهد خلاص م راح اختبر جيمات ؟
عندك خلفية اذا الاقتصاد اصلا مطلوب له جيمات او لأ؟
المعهد هذا يقبل اي مستوى بالانجليزي حتى لو كان مو قوي؟


جزاك الله خير

الجيمات اصلاً فارضتة الملحقية على الجامعات وبالنسبة للاقتصاد اكيد مطلوب عليه جيمات لانه يدخل تحت تخصص ادارة الاعمال
انا تخصصي محاسبة والان ادرس في معهد ELS .
بالنسبة للمعهد يقبل اي طالب حتى ولو ماعنده اي شي بالانجليزي لانه يسوي اختبار تحديد مستوى ويحطونك بالمستوى المناسب لك وبعد ماتخلصين المعهد تدخلين الجامعة اللي تبينها .


( تمت المشاركة باستخدام تطبيق مبتعث )

موجود في كل ولاية وفي شيكاقو انا في انديانا وشيكاقو تبعد عني ساعتين وكنت بنقل لها بس غيرت رائي لانها غالية جداً


( تمت المشاركة باستخدام تطبيق مبتعث )