ماقبل التسجيل الألكتروني ؛ مرحلة تجهيز الوثائق المطلوبة - [ المرحلة العاشرة ]

أختي، عشان تحجزين موعد لك، لازم من حساب ولي الأمر برقم هويته على موقع وزارة الداخلية
و يكفي انه يروح عنك.. بس لازم يكون هو مفعل الخدمات الالكترونية ..
بالتوفيق للجميع.


( تمت المشاركة باستخدام تطبيق مبتعث )

يعطيك العافيه rains بس هو كيف يفعل خدماته الالكترونية

لا اله الا انت سبحانك اني كنت من الظالمين

أختي،
لو ما كان عنده حساب مسبقاً،
فأول شي يسجّل في موقع وزارة الداخلية
بعدين يا إما يفعّل الحساب عن طريق بعض صرافات البنوك مثل الرياض أو عن طريق أقرب جهاز تفعيل آلي و هذي تكون متواجدة في المجمعات او أماكن اخرى مشار اليها في موقع الوزارة، أو إذا ما كان فيه جهاز قريب، فهو يروح لهم شخصياً و يفعل حسابه و راح يعطونه رقم سري، يقدر يغيره لاحقاً..
على كلّ لو فعل الخدمة من جهاز التفعيل الآلي،
فهو راح يمسح له بصماته و الارشادات بوقتها سهلة جداً..
يدخل بياناته من رقم الهوية و جواله و بصمة السبابة اليمين و الشمال و بكل سهولة بعدين يفعل الخدمات الالكترونية..
راح توصله رسالة على الجوال،
و يستحسن انك تخلصين تفعيل حسابك معاه..
موفقين.


( تمت المشاركة باستخدام تطبيق مبتعث )

وبعد عناء طويل تم حجز موعد في الجوازات بتاريخ 8-10 والوالد بيسافر ف 4 شوال يارب افرجها علي هل ممكن الجوزات تسوي لي استثناء بخصوص الموعد والله مره شايله هم هالجواز الي اشغلني
هل احد عنده فكره كيف ممكن اتواصل مع الجوازات بخصوص هالموقف المشكله ان الوالد بيتاخر في الرجعه

يااختي لو رحتي لهم الايام ذي وقلت لهم ضروري اطلع جواز عشان الابتعاث .. راح يتعاونوا معاك وتطلع بسرعه

الله يوفقك ويسهل دربك.

( تمت المشاركة باستخدام تطبيق مبتعث )

انا الخميس الي راح رحت لهم وكنت حاجز موعد ويوم جيت اقدم الاوراق رفض الموظف تجدد الجواز وقالي باقي عليه سنتين وقلتله إنك كلمت المدير وقالو اوكي ( المدير جداُ متعاون ) قالي خله يوقع وعلى طول رحتله وقلتلي إني ببتعث إن شاء الله وابي اجدده قبل ما ينتهي بسنتين وطلع القلم وقع على طول ورجعت للموظف وقالي تعالي الاحد اتسلم جوازك .

أنا طلعّت جوازي بنظام أبشر, يوصلك خلال 3 أيام بالبريد السعودي, أو تروحين تستلمينه إذا مو مشتركة بالبريد
بقولك الطريقة: أول شي لازم يكون عندك بطاقة هوية وطنية, إذا ما عندك ما تقدرين تطلعين جواز من أبشر
ثاني شي لازم أبوك يكون عنده حساب بموقع الوزارة (الطريقة سهلة, يقدر أبوك يسجل ويفعّل من أجهزة الخدمة الذاتية حقت الوزارة, تلقينها بالمطارات وحتى المولات).
ثالث شي تدفعين رسوم الإصدار قبل الإصدار, عن طريق الراجحي أو أي بنك وتقدرين تدفعين أون لاين من مواقع البنوك.
آخر شي إدخلي على حساب أبوك بموقع الوزارة - الجوازات - إصدار جواز - واختاري اسمك, دايركت بتطلع صورتك ومعلوماتك وكل شي.

وكذا أصدرتي جوازك وانتي مرتاحة بدون مواعيد أو تأخير, بالتوفيق.

الله يبشرك بالخير، بس ممكن تقولي جوازات ايش؟
تابع لوين ؟
رياض، منطقة شمالية و لا كيف؟


( تمت المشاركة باستخدام تطبيق مبتعث )

جوازات الرياض - طريق الملك فهد .

أخت شاطرة،
لا تخافين، الجواز بالكثير يطلع ثاني يوم..
و وارد جداً إنه يخلص بنفس اليوم.
و حتى لو طلع ١٠ شوال أو أبوك رجع ١٥ شوال..
بافتراض يعني، فلسه قدامك فرصة تسجلين لغاية تاريخ ٢٠ شوال.. طالما الفترة محددة فلك أحقية و فرصة لغاية آخر دقيقة من هاليوم.
معليش والله عارفة حرق الأعصاب قد مريت فيه و ها أنا أعيشه من جديد بس عيني من الله خير..
و امشي معاها خطوة بخطوة..
سكة طويلة و يا رب منك التوفيق و التساهيل..



( تمت المشاركة باستخدام تطبيق مبتعث )