تجمع طلاب و طالبات تخصص نظم المعلومات الإدارية - المرحلة العاشرة ( 10 )

عافاك ربي أخوي إبراهيم .. شاكر توضيحك

فيه نقطة ودي توضحها لي لاهنت
بالنسبة للجيمات .. فهمت من ردك لأحد الأخوان إنها مطلوبة بعد مرحلة اللغة (وقبل بدء الماستر) وليس قبلها.؟ هذي نقطة جوهرية
لأنه فعلاً الواحد لا يجبر نفسه على جامعة ومنطقة غير جيدة لخاطر الجيمات اللي ممكن تعديه بعد مرحلة اللغة وتعايشك مع الوضع هناك
ومن ناحية إنه ممكن يسقط عنك .. قصدك في حالة معدلك البكالوريوس مرتفع .. أم معدلك باللغة مرتفع.؟ (هذا في حال كان الجيمات مطلوب بعد مرحلة اللغة)

الله يكتب مافيه الخير للجميع يارب .. والله يجيبك يالواسطة رغم تفضيلي لأمريكا لكن جهة عملي رفضت أكثر من سنتين والله يعين

تمامًا مثل ماذكرت أنت, الجيمات من المفضل أن يكون بعد مرحلة اللغة, لأنه حسب اطلاعي يحتاج لغة جيدة جدًا
مثل الحال في القياس يعني تحتاج لأن تكون لغتك جيدة حتى تستطيع الحصول على أفضل النتائج
طبعًا بيكون معك وقت تستعد لهالإختبار كل فترة اللغة بحيث انك تحصل على الدرجة اللي تدخلك أي جامعة تتمناها.
ومثل ماقلت انت اختيار الولاية وراحتك فيها أهم من اختيار جامعة تسقط عنك اختبارالجيمات وتجاهل راحتك ومعيشتك بالولاية

بالنسبة لإسقاط الجيمات كنت أقصد معدلك بالبكالوريوس كل ماكان مرتفع زادت فرصت اسقاطه عنك.

آمين الله يكتب الخير لنا جميعًا ويسهل عليك أمورك ويسخر لك الواسطة الطيبه

ممتاز .. هذا كان قصدي وبناءً على كلامك واللي أشوفه عين الصواب

أخوي إبراهيم .. أبي رايك بنقطة أخرى والمعذرة ثقلت عليك .. بس الفايدة للجميع إن شاء الله
ببالي فكرة إنه أبحث عن قبول معهد لغة فقط حالياً .. والواحد إذا راح للدولة يشوف الجامعات بنفسه ويراسلها ع راحته وممكن وقتها يتغير الكثير
بدل ما إنه يشغل نفسه بمراسلة الجامعات حالياً واللي راح ترد بالغااالب بالقبول المشروط بدرجة معينة سواء توفل - أيلتس - جيمات - .... إلخ
وهل هالشي مسموح لدى الوزارة.؟ إنك تجيب قبول لغة دون الجامعة .. خصوصاً بالنسبة لي لو حبيت أحول لدولة أخرى ومامعي إلا قبول لغة هل ممكن يوافقون.؟
لأنه وبعد البحث والتحري الدقيق وجدت ايرلندا خيار جداً كويس ومافيها تكدس وتعقيد مثل بريطانيا واستراليا والماستر فيها بسنة
أبسعى جاهداً للتحويل لها بحول الله .. لكن هل قبول الجامعة المشروط أقوى ك حجة لي لدى الوزارة من إنه معي قبول لغة فقط (وهو اللي أشوفه أفضل)
بس طبعاً المهم هم وش يفضلون الله لا يخلينا منهم

ألف شكر أخوي إبراهيم والله يوفقنا وإياك والجميع ..

أبد مافيها ثقل ولا شيء بالعكس كلنا نحاول نفيد ونستفيد

بالضبط هذا المفضل انك تسويه, ابحث عن ولاية ومدينة تعجبك مبدئيًا ثم اسعى لاحضار قبول من أحد معاهد اللغة بهذه الولاية
الوزارة تصدر لك قرار الإبتعاث بمجرد ماتجيب لهم قبول اللغة, واذا رحت هناك تشوف وضع المدينة اذا عجبتك تبدأ بالتقديم على الجامعات اللي بهالمدينة او الولاية.
ولو ماعجبك الوضع وشفت انه بعكس ماقرأت عن الولاية تقدر تقدم على جامعة بأي ولاية أخرى بعد اللغة.

أما بالنسبة لطلب تغيير الدولة ودي أفيدك بس والله ماعندي معلومات كافية.
كل اللي أعرفه انك اذا قدمت على تغيير دولة تحتاج لعذر مقنع وقبول غير مشروط في أحد الجامعات بالدولة المطلوب التحويل اليها
كمثال للأعذار: انك تقدّم أوراق تثبت حاجة عائلتك لك هنا بالمملكة, وان بريطانيا او ايرلندا هي الدولة الأقرب بحيث انك تستطيع العودة بأسرع وقت في حال حاجتهم لك.
أو انك تقنعهم ان أحد أفراد عائلتك في ايرلندا ومن هالأعذار المقنعة يعني

عشان ما أطيل بالكلام, أنت حاول انك تاخذ اللغة بالدولة اللي قبلت فيها, وأنت هناك اسأل وحاول بتغيير الدولة أسهل لك عشان تحصل ايلتس ولغة تمكنك من الحصول على قبول غير مشروط بأي دولة
موفق وان شاء الله اني أفدتك باللي أقدر عليه

تسلم حبيب قلبي ، أفدتني كثير
وعلى قولتك المهم نثري الموضوع ونتناقش والكل ممكن يستفيد

لو درست اللغة بأمريكا وهو خياري بالابتعاث ، وجبت درجة الأيلتس وجبت قبول مباشر بايرلندا بيكون طلبي للتحويل أكثر سهولة بحكم إني جايب قبول مباشر ووقتها كم عذر وتمشي إن شاء الله
طبعاً تحليلاتي لسى بدري شوي عليها والأيام تبين أكثر ، لكن جالس أحط احتمالات وأفكر بصوت عالي ، بس لو رُفض طلبي وقتها بيكون وضعي صعب لأنه أمريكا لازم ماستر سنتين وأنا ماخذ إجازة سنتين وراح منها سنة لغة ، وهنا بيكون اشكال لا سمح الله
ف فيه خيار طرا ببالي أيضاَ لو شديت على نفسي هنا وخصوصاً لغتي جيدة إلى حد ما وجبت الأيلتس المطلوب أعتقد الجامعة تعطيني قبول مباشر وقتها
وأكون أقدر أطلع سنة للماستر فقط لايرلندا ، أو سنتين بأمريكا كحد أقصى ، بتروح علي متعة دراسة اللغة والتعلم أكثر هناك لكن يبقى خيار مطروح في ظل زنقة الوقت

حصلت تخصصنا لمن يريد الفائدة بهالجامعة ويمدحونها والماستر فيها بسنة << بيخربكم معه
Information Systems Management (MSc, full-time or , Postgraduate taught courses: Courses, NUI Galway

الله يوفق الجميع يارب ..

طيب ايش الجامعات القويه اللي تعطي ماستر ف ذا التخصص ذا اولا
اما ثانيا ايهما اقوئ وافضل دراسه الماستر مقررارت او رساله لان بعضهم قالو الرساله اقوئ وعطول بعدها تتوظفي اتمنئ احد يفديني واعتذر ع الاطاله

بالضبط مثل ماقلت لو جبت الايلتس واللغة من أمريكا بحيث انك تضمن قبول غير مشروط بايرلندا يسهل عليك الطلب شوي.
بالعكس حلو انك مفكر بدري تجمع معلومات وتحط نفسك بكل الإحتمالات, الله يوفقك ويسهل عليك

الخيار اللي طرحته ممتاز لو كنت مضطر ومجبور على وقت محدد لك.
وأقترح عليك تشوف الجامعات الأمريكية اللي نظامها كوارتر احتمال انك تقدر تخلصها بدري مثل جامعة DePaul بشيكاغو أذكر اني كنت مخطط عليها

أما بالنسبة للجامعة الإيرلندية اذا تبي رايي ابعد عن جالوي لأنها بعيده عن دبلن وصغيرة مملة نوعاً ما, شوق جامعات دبلن ممتازة والمعيشة فيها جدًا جميلة لأني كنت هناك قبل سنه وزرت أكثر من مدينة

موفقين كلنا يارب

اذا كنتي تقصدين كتصنيف هذا اللست بأفضل 10 جامعات تعطي هالتخصص للماستر
Best Information Systems Programs | Top Business Schools | US News Best Graduate Schools
بس النصيحة انك ماتصعبينها على نفسك الا اذا كان الطموح والقدرة عالية, فالله يوفقك ويسهل عليك وينولك مرادك

من هنا الجامعات المعترف بها وفيها تخصصنا طبعًا:
https://ru.mohe.gov.sa/default.aspx

والاستفسار الثاني حسب ما أعرفه ان الوزارة تفضل دراستك للمقررات Taught Courses بالذات اذا كنت طالع على حساب برنامج الملك
أما بالنسبة للوظيفة اذا تبين الواقع والحاصل عندنا, ماتفرق دراسة أو رسالة , وللأسف ماتفرق معهم من أي جامعة المهم ان شهادتك الماجستير من أمريكا
بالغالب وتقريبًا بنسبة 80% من الشركات لاتعطي أهمية كبيرة لإسم الجامعة اللي تخرجت منها, هالكلام حسب ماشفت من الشركات اللي قدمت عليها وحسب ما أسمع

ع كذا نختار جماعات اسهل؟ اخخ ندور ع السهله اذا

اذا تبين شهادة محترمة, ابعدي عن الجامعات الخمسين الأوائل, وبتحصلين شهادة كويسة ودراسة بمستوى مقبول
أكيد مافيه دراسة سهلة, بكل جامعة تحتاج لبذل الجهد وربي يوفقك ويوفقنا جميعًا

طبعًا هذا راي شخصي ويمكن لباقي الأعضاء رأي آخر وأصح