تجمع طلاب و طالبات تخصص نظم المعلومات الإدارية - المرحلة العاشرة ( 10 )

ما اعرف وش النظام اذا على حسابك بس اتوقع بكيفكـ يعني ما يقولون شىء ..

الفرق بين التخصصين من وجهة نظري وبعد ما قريت عنها وقارنت ان تحت قسم الحاسب الالي التركيز اكبر بكثير على مواد الحاسب بينما تحت قسم الادارة يحاولون يكونون عادلين بين مواد الادارة ومواد الحساب الالي مع تفوق احيانا لمواد الحاسب الالي ..

في التوظيف صراحة ما ادري بس اذا رحت تتوظف اتوقع انه بيسألك عن تخصصك ولا راح يقول انت من قسم حاسب او ادارة والله اعلم

معقوله بالشهاده ما يوضح !! , و الله يستر عليك انك تقولي جامعات كويسه فيها التخصص تحت الحاسب

أبحث للأسف ما عندي فكرة ..

أتمنى لك ولنا التوفيق

صح انه ظلم وقليل العدد، لكن زين اننا طلعنا بهالعدد ١٣ أحسن مما كنت متوقع.
كنت حاط ببالي سبع جامعات. الله يسهل علينا جميعًا ويوفقنا بالقبول بس.

لأن تخصصي البكالوريوس نظم معلومات ادارية تابع للإدارة ومن شروطهم ان امتداد تخصصي اداري.
اضافةً الى اني اساسًا أميل للجاني الاداري بالتخصص أكثر من البرمجة والجانب التقني.

لو تبين الحاسب تلقينه تابع لكلية computer scince. اذا كان تخصصك البكالوريوس تابع لكلية الحاسب ممكن تكملين بالحاسب او الادارة أنتي حره بهالشي.
بس اللي مثلي مالنا الا التابع للادارة.

بهالملف عدلت شوي، أضفت بعض شروط القبول لبعض الجامعات اللي كانت باللسته اللي قبل.

طبعًا الشروط تتغاضى عن بعضها الجامعات، يعني مثلاً لو كان شرط القبول معدل 3 من 4 ومعدلك 2.9 عادي قدّم وان شاء الله بتنقبل.
أما شرط اللغة يفضّل انك تحصل عليه مثل الموجود بالشروط، أريح..
بالمرفقات ملف اكسل فيه الجامعات وشروط القبول لبعضها (بحثت عن 8 من القائمة).

طبعا الاخوان منزلين التخصصات بدون الاسم الدقيق MIS وكمان هذا اللي فهمته ان الملحقية ما راح تجبرنا على اسم دقيق لان التخصصص يندرج في امريكا تحت اكثر من اسم ل1لك اتوقع ان خياراتنا توسعت والجامعات صارت اكثر بكثير حتى من القائمة اللي نزلوها الشباب مثلا :

Master in information technology تحت قسم الادارة هذا هو نظم معلومات ادارية بس الاسم مختلف


وهكذا ..

من باب تحديث الموضوع والمشاركة والافادة ..

بحكم اني في اريزونا تم التواصل مع الجامعة الشهيرة ASU بخصوص تخصصنا Information System تحت قسم الادارة فالقبول مستحيل تقريبا ..

ليش تقريبا ..

الجامعة أولا ما تطلب GMAT وهذا مبشر خير ..

بس تطلب سنتين خبرة كاملة وبعدها تحقق متطلبات الدخول في القبول ومعدل 3.26 من 4

طبعا اللي عنده خبره بيكون بيدخل عندع فرصة بالدخول في منافسة القبول بدون خبرة ابدا مستحيل وهذا كلام مسؤول القبول في الجامعة ..


شكرا لكمـ

ايه جامعة اريزونا اذكر كانوا بالملتقى يقولون حنا المركز الأول بهالقسم عشان كذا أكيد شروطهم أصعب من غيرهم.

أنا راسلت كم جامعة واللي عرفت من بعضهم انهم يقولون نتغاضى عن شرط الخبرة للطلاب الانترناشيونال أحيانًا.
بس طبعًا هالكلام مو من جامعات بالمراكز الأولى مثل اريزونا، الجامعات الأقل شوي

بالتوفيق للجميع

السلام عليكم اخواني
انا طلبت ضمان مالي لمعهد آيوا لكن للان ما جبت قبول .. لي لين متى وتنتهي المرحلة ؟ و يمديني الحين اجيب قبول معهد ؟
ثاني شي مين مثلي بيدر هالتخصص ماستر في جامعة ايوا ؟ ياليت الي بهالولاية يعطيني معلومات اكثر عنها و عن الجامعه هناك ..
ولكم مني دعوة من كل قلبي..