تجمع طلاب وطالبات الزمالة الطبية - المرحلة العاشرة ( 10 )

السلام عليكم جميعا. ..
اتفق معكم في آرائكم، أنا عارفة انه لسا باقي 7 أيام على الديدلاين حق كابلان، وفعلاً شكلهم متوهقين مع ضمان الزمالة لأنه ما كان موجود بالليست، إدارة البعثات ما شكلها عندها أي فكرة عن الديدلاين ولا أي أحد من منسوبي الوزارة في الملتقى ما شكله كان عارف عن شغلة الديدلاين اللي حاطته كابلان، في ملتقى جدة كنت رح أسأل وانوه عن موضوع الديدلاين، ولكن أحد من الطلبة جزاه الله خير اتكلم في الموضوع، الآن عرفت من هو شكراً لك أخي rayanmmh ! السبب في أني لم أعد وأسأل نفس السؤال هو أن كابلان قال انه اخر الديدلاين ل 30 ديسمبر على بال ما الوزارة ترسل الضمان وأيضاً عدم توقعي أن الوزارة رح تتأخر لهذا الوقت لأني العام كنت من مرشحي المرحلة التاسعة وأصدرت الضمانات في الأسبوع اللي بعد الملتقى على طول بدون تأخير، ارسلت على الايميلات مباشرة! الآن اتغيرت أشياء كثيرة في المرحلة العاشرة!
هذه السنة قالوا في الملتقى أن أغلب المرشحين في المرحلة العاشرة من التخصصات الصحية والطبية، لكن أقل ما تكلموا عنه هي هذه التخصصات!! محاضرة واحدة لمدة ساعة فيها معلومات غير كافية ولا مقننة. موقع Saudi MD in USA يشرح الزمالة أفضل فيها. .
إذا انهم حايسين في معهد كابلان حق الزمالة وضمانه، إن كان ريحونا وخلونا نطلب الضمان إلى من يهمه الأمر قيد أصلا كابلان تقبله وقبلته من كل المبتعثين السابقين!
هذا التأخير لم يكن في الحسبان أبدا أبدا، ماتوقعت يتأخر زي كذا، العام أصدر بسرعة، لسا في وقت نتدارك الموضوع ونفهم الوزارة بوضعنا عشان تصدر الضمان هذا الأسبوع بإذن الله. . للآن ما ردو على الاستفسار ولا يردو على تلفون ولا على إيميل!! بابا بيحاول يروح الرياض الأسبوع القادم إن شاء الله يشوف اش المشكلة! نبغى ننبهم على أن خلاص الأسبوع الجاي آخر فرصة! !!
Dr. MOH'D alharbi جزاك الله خير يا أخي بالله بلغنا باللي يصير معاك في الوزارة، كلنا مازال الضمان المالي تحت الإجراء. .
شكراً لكم

ما اعرف شي عن ألمانيا للأسف

أخي dr.MOH'D alharbi
رحت الوزارة اليوم؟ اش قالو لك؟

التأخير فقط مع طلاب وطالبات الزمالة!!! أرسلت إيميل للملحقية أناشدهم يتواصلو مع الوزارة ويشوفو إش مشكلة ضمانات الزمالة...
كثير من طلاب وطالبات المراحل الاخرى مثلا بكالوريوس وصلتهم الضمانات المالية والبعض طلب الضمان المالي امس ووصله!
حتى خدمة الاستفسارات ما ردو عليها الوزارة!

السلام عليكم،،، كيف اموركم جميعا !
عندي لكم آخبار ساره ومفرحة انشالله.
مشكور ياد.ريان علي جهودك.. واهم شي الواحد يسوي الي عليه ويريح ضميره وخلي الباقي علي المستمع ، سوا قبل او رفض الخيار له !
علي العموم اليوم الصباح كنت بالوزارة، كانت الروحه لهم مفيدة جدا، مهي زي ماتوقعت بالاول.
بالاول مريت علي مدير البرنامج وكان ال د.العسكر. سآلت عن الفوزان ماكان موجود.
كلمت العسكر بموضوعنا كلنا وشرحت له الوضع ، بآن الكثير راح يتضرر بتآخير الضمان المالي وخاصتن برنامج الزمالة.
وان الكثير مرتبط بدوامات او خارج الرياض ولايستطيع الحضور لمقر الوزارة ، وكما ان البعض حاول الاتصال وارسال استفسارات ولاكن لا يوجد اي اجابة !
قالي انتضر الي مااخلص المراجعين، بعد ماخلصهم كلهم.

ماقصر الصراحة وطلعنا الي قسم الحاسب الالي بالدور الثاني، الي هم طبعا مسوولين عن ادخال وقبول جميع طلبات المتقدمين.
شرحت للاخوان في الحاسب في التعجيل بآصدار الضمانات المالية ،وكان سبب التاخير وجود خلل في الاجهزه عندهم ، ولاكن وعدني بآن الضمانات لجميع مرحلة الزمالة راح تكون مرسله لهم اليومين هاذي انشالله. ووضحت له ان الديد لاين قريب وانهم علي وشك اجازة، وكان ردهم صدقني اننا مهتمين بالموضوع اكثر منكم.

والشي الثاني ، لما رحت اصلي الضهر، قلت بما اني انتضر د. العسكر، ليش مآخذ رقم عند مدير الصالة وكان ال د.محفوظ.
وسبحان الله الرقم هاذا صار خيره لي والله. واصلا كنت ناسي الرقم هاذا بس لما وصلت سيارتي وشفت الرقم موجود معاي، قلت خلني اكلمه ويمكن يستعجلون بالموضوع كلهم. ورجعت لصالة المبتعثين وقابلت الد. وشرحت له كل السالفة وكنت طابع الاوراق كلها وحتي حالة طلب الضمان المالي (تحت الاجراء) !
والصراحة ماقصر، وتفآجآت انه سآلني عن الاسم نفس ماهو بالجواز والمكان الي ابغئ ارسله الضمان واعطيته كل البيانات،
ودقيقتين والا موقع لي الضمان وقال بالتوفيق هههههه.. انصدمت اشوي واخذت الورقة ومشيت.

المهم انتو لكم الخيار اذا ودكم تجو وتآخذو الضمان بكرا !
او اذا ودكم تنتضرو الضمان خلال اليومين هاذي مع الويكند، وفي اسواء الحالات اذا ماوصل، يوم الاحد ٢٨/١٢ تجو الوزارة وتآخذوه من ال د. محفوظ الزهراني.
واذا احد ماقدر يجي، بس يقول لي بياناته والجهه المستفيدة للضمان واخدمكم انشالله.
مع تمنياتي للجميع بالتوفيق ،،،،،

الله يسعدك ويبشرك بالخير يا
dr.MOH'D alharbi
بالله تقدر تروح الله يعطيك العافية وتصدر لي ضماني؟ انا في الطائف وما اقدر اجي الوزارة!!
حأرسل لك كل معلوماتي اللي تحتاجها لاصدار الضمان. الله يوفقك وين ما رحت شكرًا جزيلا لك شكرًا على الأخبار السارة. اذا يمديك بكرة تصدره لي فجزاك الله خيرا...

آبشري يااختي.
آنا راح احاول بكرا بالي اقدر عليه انشالله مايعقدوها ، لان اذا فيميل اخاف يطلبوا ولي امر !! لاكن راح احاول انشالله...
فيه احد برضو يبغى اصدر له القرار بكرا !

ايوا صح.. طيب الله يجزاك بالخير شكرًا.. اذا قدرت كان بها واذا ما رضيو مو مشكلة بيض الله وجهك... ارسلت لك معلوماتي في الرسائل... تأكد انهم يصدرو الضمان برقم طلبي حق المرحلة العاشرة بالله -اللي أرسلته لك في الرسالة-!
شكرًا مرة اخرى...

اوكي يااختي وصلتني الرسالة، انشالله اقدر اساعدك.
علي فكرة ضماني المالي مافية رقم المرحلة العاشرة، بس يتضمن الاسم وتاريخ اصدار الضمان والجهه المستفيدة (Kaplan Medical Chicago)

مبروووك د.محمد استلامك للضمان ، ماقصّرت جزاك الله خير على إنّك اطلعتهم على مشكلتنا ،
بإذن الله يتيسّر حصوله للجميع خلال هاليومين .

* لاحول و لاقوة إلّا بالله العظيم *