أسأل عن أمريكا وسنُجيب | مغتربي أمريكا - المرحلة العاشرة ( 10 )

السلام عليكم ورحمة الله وبركاته
الله يوفقك في حياتك الدينيه والدنويه
ابي اسئل عن دراسة القانون في امريكا ايش رايك ..واذا فيه دوله ترشح غيرها ..صراحه انا ما افضل امريكا..لأجل الحجاب اقصد النقاب..كنت افكر ايرلندا ثم امريكا ثم كندا
وهذا سؤال الثاني ..هل اقدر البس العبايه والنقاب كأني في السعوديه ..ولا فيه ضرر علي وهل فيه لون معين ..وشفت احد لابس الحجاب (عبايه ونقاب )في امريكا
وشكرا جزيلا لك ....

بالنسبة لختصص نظم معلومات ادارية ايش افضل ولاية فيها التخصص دا ؟؟
اتمنى ادرس في مدينة فيها مناظر طبيعية وجميله وامان يعني و تكون اجوئها في الصيف معتدله وليست حاره وفي الشتاء تكون بارده ولكن ليس البرد القارص جدن المتعب للاطفال وماتكون غالية...
ايش المدينة الي كذا او قريبه من الوصف دا

السلام عليكم عندي استفسار
الاول بخصوص مدينة لوس انجلوس و مدينة بوسطن
الي شجعني ع بوسطن هوا معهد اللغه التابع لجامعه هارفارد الي هوا nese
و الي شجعني ع لوس اجلوس الكل بيقول امان و معهد ucla بيمدحوا فيه

بس ابى اعرف الفرق بين المنطقتين و هل بوسطن امان ؟
من ناحيه السكن و المعاشره فين الافضليه و السبب

و ايش الفرق بين المعهدين

و هل معهد nese مفتوح او مقفل سمعت انو المبتعثين مابيقدرو يسجلو فيه لانو مقفل ارجو التوضيح و شكرا ^^

من خلال خبرتك هل من الافضل دراسة اللغة في معهد تابع لجامعة ؟؟؟

الشي الثاني زوجي متخوف من ناحية اللغه لان لغته ضعيفه جدن جدن جدن متخوف من ناحية اول مانروح هناك كيف يدبر نفسه في المطار وفي التعاملات مع الناس هناك ... لدرجة انه قال خلاص بلاش من البعثه ....ايش رايك في كلامه ؟؟
والي زي حالته كم المده الي يحتاجها عشان يتعلم لغة ؟ من كثر ماهو متخوف خلاني اشيل هم لا يتعقد ويقطع عليا البعثه ؟؟
وغير كذا يقول طيب لو جانا بيبي ايش حنسوي وقت الدوام في حضانه لكن بعد الدوام كيف حتدرسي وتهتمي في البيت وفي البيبي ؟؟
نبغا شرح لوضع المبتعثات الي معاهم اطفال صغار اقل من سنتين خصوصا وقت الاختبارات

اسفه جددن لكن احنا مقبلين على ابتعاث وشي غامض بالنسبه لنا في قلق وتخوف كبير جدن

يعطيك العافيه
هل توفر الجامعه قبول مشروط للماستر واذا ماعندك فكره كيف اقدر أذا عندهم قبول مشروط ؟
وهل كل مدن الولايه غاليه ؟

ممكن تعطيني اسماء هذه الولايات


( تمت المشاركة باستخدام تطبيق مبتعث )

اخر جامعتين ابي اعرف عنها الله يسعدك
جامعة هيوستن - تقع في مدينة هيوستن، في ولاية تكساس
*******
جامعة ولاية فيرمونت في مدينة برلينغتون




ومشكوووووووور


( تمت المشاركة باستخدام تطبيق مبتعث )

الولايات كثيرة..

بس ركزي على الشرق او الغرب او الشمال اذا انتي اوكي مع الثلوج

- - - مشاركة محدثة - - -



ايش تبغي تعرفي عنهم

من الان وعشان ترتاحي..

اذا تخصصك مخالف للتخصص السابق لن يقبل, الملحقية مشددة في موضوع ان التخصص مكمل لما سبق..

مشددين على امتداد التخصص والوضع صاير مزري من قبلهم..

فكري مرة ثانية واختاري المسار الي يناسبك وتعالي مرة ثانية واساعدك في تحديد وجهتك القائدمة..

بس حبيت اقولك هالمعلومة عشان تكوني بالصورة..

ولايات الغرب ملائمة لك وبرضو الشرق.. طبعا الشمال الشرقي..

بس الفرق في الثلوج ونسبتها..

عندك مشكلة مع الثلوج ولا ما تبغي مناطق فيها ثلوج؟