أسأل عن أمريكا وسنُجيب | مغتربي أمريكا - المرحلة العاشرة ( 10 )

من مسجل في معهد جامعه ولاية كولورادو في مدينة فورت كولنز يعلمني ألطريقه الله يفرج هم الي يعلمني 😞😞

السلام عليكم
انا مبتعثه من المرحلة العاشرة بأمريكا
ياليت تكرما من الاعضاء بيفيدني عن معاهد اللغة بولاية فلوريدا
الحقيقة تعبت وانا ابحث

المصدر: http://www.mbt3th.us/vb/forum203/thr...#ixzz3ObXlLPPH
حفاظاً على حقوق الكاتب نرجو عدم حذف المصدر مبتعث
Under Creative Commons License: Attribution Non-Commercial No Derivatives
Follow us: @mbt3th on Twitter | mbt3th on Facebook

بالتوفيق أختي إن شاء الله
أنا قبل لا أختار ولاية Wisconsin كنت مقرر أروح ولاية فلوريدا وقرأت كثير عن الولايه وما إلى ذلك الولايه على ما قريت سياحية نوعا ما لأن يوجد فيها مدينة ميامي و لونق بيتش والمعيشه فيها غاليه واللغه الأسبانيه هي الدارجه في الشارع الزبده أنصحك تروحين مدينة Tampa في ولاية فلوريدا والمعهد الأنسب دائما إبحثي عن المعاهد التابعه لجامعات حكوميه لأن التدريس يكون فيها أجود من المعاهد التجاريه لأن المعاهد التجاريه شغلها بزنس أغلبها ف أنصحك بجامعة University of south Florida إسمه Into university of south Florida ممتازه الجامعه وكلما إتجهتي للجنوب قلت نسبة السكان السود وكانت الحياه أأمن وهذا بإختصار اللي خلاني أختار ف البدايه هذي الجامعه وهذه المدينه

ملاحظة : أحد من زملائي درس م يقارب 5 سنوات نصحني بالإبتعاد عنها لسبب واحد وهو كثرة السعوديين هناك والمقصد عشان أستفيد من اللغه وأمارسها اكثر فقط لا أكثر

موقع الجامعة الرسمي :
Welcome to the University of South Florida | Tampa, FL

موقع المعهد التابع للجامعه : Your Pathway to University of South Florida : INTO US

اللي يميز الولايات الجنوبيه هذي أجوائها ليست بارده مقارنة بالولايات الشماليه ولكن اللي فهمته من أكثر من واحد من الشباب اللي درسو هناك ومنهم من قضى أكثر من 6 سنوات إنه الولايات الشماليه أرقى من الجنوبيه ولكن يعيبها جوها البارد جدا لأن الثلوج تتساقط عليها بشكل شبه دائم ودرجات الحرارة تكون تحت الصفر ... حاولت أختصر بشكل كبير من البحث اللي قمت فيه لإختيار الولايات المناسبه ف الفتره اللي عدت أتمنى إني أفدتك ولو بالقليل ....

بالتوفيق الله يسهل أمرنا وأمرك

لو سمحت بغيت اسال انا اختم الظرف حق الجامعة او تكون الظروف مختومة؟ واختمها بعد إغلاق الظرف صح؟

سؤال ثاني احط بالظروف فقط نسخ التوصيات وتكون مختومة بطبق الأصل او لا؟ بمعنى اخذ اول شي توصية الأصلية واختمها بختم الجامعة بعدين اصورها عدة نسخ واختمها بطبق الأصل!

اخ حروف الي افهمه الحين اني احط نسخة من الشهادة مختومة ونسخة من السجل الأكاديمي مختوم وثلاث توصيات بظرف واحد واقفله واختمه بظرف الجامعة كذا صح؟

طيب ايش اختم نسخة الشهادة والسجل طبق الأصل او ختم الجامعة؟

السلام عليكم ورحمة الله وبركاته


انا راسلت معهد بولي في مدينة إرفين في ولاية كاليفورنيا قالو لي متكدس و هو ب صفحة المعاهد متاح لفيزتي 1و 2 و ايضا في صفحتي في الخدمات الإلكترونية حصلت المعهد لو متكدس ليه تنزله الملحقية و الوزارة .
www.polylanguages.edu

ي ليت اللى عنده خلفية يراسلهم و يشوف ايش المشكله.


شكرا جزيلاً

السلام عليكم .. لو سمحتم اذا احد عندو خلفيه عن معهد ELP التابع National University ..
وهل هو معهد موصی به ، لأنو في اللسته حقت الوزارة حطيت خيار اللغه والدرجة العلميه وطلعلي من ضمنها بس اسم الجامعه .. فهل هذا يعني انو الجامعه موصی بها والمعهد لا ، ولا الاثنين موصين فيها ..

شكرت

بخصوص المشاركة رقم 1620

رد علي المعهد يقول مكتفين ب الطلاب السعوديين اللى عندنا قلت طيب ليش متاح قالو احنا متاحين لكن لو نستقبل طالب سعودي اخر ما راح نكون م ادري ايش .


الزبدة لحد يطلب ضمان مالي لهالمعهد

عجيب و الله !!
وَ الـــردود السابقة إيش وضعها يعني ؟

صحيح ما ننتظر مديح من أحد .. لكن في المقابل لا يأتي أحد ويجحد مجهودات زملاءهـ السابقين لأنه أتى الساعة 1 الليل وكتب إستفسار
و الساعة 5 فجراً لم يجد رد فأصبح الموضوع لا يوجد به ردود !

أو يكتب مشاركة ويأتي بعد عدة أيام ويلقي النظر !!!

أتمنى ممن أراد الإنتقاد .. أن يكون الإنتقاد في محله ..
أمر لا نتقبله إذا كان الإنتقاد بهذا الشكل !!!


فيه شخص قبل فترة سأل سؤال وَ لم يجد رد ويدخل اليوم التالي يقول " الله لايشكر لكم فضل " !!!!!!
مو معقوله و الله !!! لذا تم وضعه في قائمة التجاهل !

وعليكم السلام ورحمة الله وبركاتة ..
حياك الله ..

صعب جداً يأتي من يشرح لك بالتفصيل جميع المعاهد الموجود في ولايه واحده !
حددي المعهد بنفسك وَ أحصريها في قائمة خاصة ..
وبهذا يتم الإجابة عنها بشكل أفضل ..

لعلمك ..
لي زميل سبحان الله مايمدح فيها .. و الناس أذواق و أمريكا 50 ولاية بدون هاواي و الأسكا ..
إبحثي عن الأفضل فـ فلوريدا ليست هي الأولى بأمريكا ..


لو سألتك سؤال هل بإمكانك إجابتي عليه .. ؟
لماذا إخترتي فلوريدا ؟
أنتظر منك الإجابة !!

تمنياتي لك بالتوفيق ,,

ليه مستعجل على السفر ؟
الجلوس بالسعودية ليس مضيعه للوقت وَ لعلمك تأتي بعد رمضان أفضل من أن تأتي في رمضان ..
رمضان مُتعب جداً في أمريكا ..
فــــي مدينتي فترة الصيام بحدود الـ 19 ساعة و النصف !!

لا أعلم عن الفترة المحدد في المعهد لأني لم أطلع وَلكن أين ذهب فصل الـ Summer ؟
هل المعهد يقدم كورسات في هذا الفصل ؟
إن أتيت في في الـ Spring كم مدته ؟
لأنه إن لم يكون بالمعهد دراسة في فصل الصيف هذا يعني إجازة رسمية من المعهد يترب عليه ضياع عدة أشهر من فترة بعثتك ..
إنتبه من هذه النقطة !!


الفترة المقبلة أدخل في معهد بالمملكة وَ طور من لغتك .. نصيحة ..
موفق ,,