انطلاق مرحلة تدقيق الوثائق والمستندات - [ المرحلة العاشرة ]

ارجو عدم تكرار الاستفسار نفسه فقد جاوبك الأعضاء يوم أمس
يا أختي سجلك ناقص استغلي الوقت وطلعي بدل فاقد .. ممكن يمشونك في التدقيق وممكن لا
اذا تبغي الابتعاث روحي التدقيق واشرحي لهم واللي كاتبه ربك بيصير .. لاتعتمدي على إجابتنا
وفي النهاية لو كنت مكانك بستغل هالوقت بمراجعة الجامعة واصدار بدل فاقد من أجل التقديم لاحقا على الجامعات .. و يا أختي حتى لو قررتي ماتروحي الابتعاث حتى الوظايف ماراح يقبولون سجلك الناقص

وبالتوفيق لك ..

دورت الخبر ماحصلته .. كان ودي أضيفه بالرد السابق.
عطينا اياه ياناصر ماعليك أمر

السلام عليكم

انا الحمد لله انقبلت بالبعثة
بس سؤالي لو قدمت على جامعة الملك عبد العزيز ماستر وجاني قبول بس مارديت عليهم هل تسقط البعثة وتنلغي >>> لا يجي احد ويقول ليه انت طماعة وتقدمين على جامعة داخلية وانت جاك قبول انا عندي ظروف خاصة عشان كذا اسأل

سمي هذا اقتباس للخبر اول م نزل قبل يومين

ولزيادة التأكيد ع مصداقية الخبر ، كان منشور بموقع الوزارة بإيقونة الملف الصحفي.

وعليكم السلام

ايش دخل الطمع ^^ الاغلبيه تقدم في كل مكان وأنا قدمت على ماستر جامعة الملك عبدالعزيز
هو مجرد تسجيل وليس قبول نهائي

السلام عليكم
تمت المطابقة ولله الحمد بنجاح 😁
مثل ماتفضلوا الاخوان المطابقة جداً سهله
والموظفين جداً متعاونين

بس حبيت اضيف نقطة
اللي هي بخصوص الملتقيات
ماعطاني جواب قلت له طيب متى تتوقع
قال صعبه لأنه المرحله هذي تختلف عن المراحل السابقة فـ ما اقدر اتوقع

رجعت وسألته سؤال فيه ذكاء 😌
قلت طيب يعني اذا انتهت المطابقة في الرياض تبدأ الملتقيات والا لازم ينتهون جميع المدن اللي فيها مطابقة
قال
اذا انتهت المطابقة في الرياض بتفتح مثلاً في جدة وبعد ماتنهتي بجدة بتفتح مثلاً في الخبر
وبعدها تطلع النتيجه النهائية
ومن ثم الملتقيات
لكن ترى كله توقع
قلت يعطيك العافيه وطلعت

عشان كذا اتوقع الملتقيات مافيه شي قبل ثلاث اسابيع
هذا والله اعلم ☺️

كل شي الكتروني .. لو لاحظتي عند الاستقبال الداخلي لما طلبت الهويه الوطنيه وطبعت باركود والصقته على الملف مكتوب عليه رقم الهويه هذا بحد ذاته اثبات

هذا هو الخبر اتفضلي

عكاظ
اوضح المتحدث الإعلامي في وزارة التعليم العالي الدكتور محمد الحيزان بأنه لا يوجد تقليص في عدد المقبولين لمرحلة البكالوريوس عن الأعوام الماضية على الإطلاق، مضيفا بأن المجال الوحيد للمسجلين في البرنامج لمرحلة البكالوريوس هو تخصصات الطب والعلوم الطبية، مؤكدا بأن المبتعثين لهم مساران للالتحاق في البرنامج؛ إما عن طريق التقديم في موقع الوزارة مع افتتاح كل مرحلة في برنامج الابتعاث أو الدراسة على الحساب الخاص شريطة أن يتم إشعار الوزارة من خلال الموقع الإلكتروني ثم يبدأ في حضور الملتقيات الخاصة بمن يدرسون على حسابهم الخاص ومن تنطبق عليه شروط الإلحاق وفق التخصصات المطلوبة يتم إلحاقه بالبرنامج، وأشار إلى أن الوزارة ستبدأ بمطابقة وثائق المرشحين للقبول في المرحلة العاشرة من برنامج خادم الحرمين الشريفين للابتعاث الخارجي يوم الجمعة المقبل في مدينة الرياض لمدة ستة أيام قبل أن تستكمل في المناطق الأخرى لاحقا، مفصحا بأنه من المتوقع أن يكون موعد انطلاق ملتقيات الابتعاث للمرحلة العاشرة الشهر المقبل بمشيئة الله.

اها .. انا لسى مارحت موعدي بعد ساعه

شكرا❤

شكرا على سؤالك لكن معروف من المراحل السابقة ماتبدأ الملتقيات الا بعد انتهاء التدقيق في جميع المدن

بالتوفيق للجميع