انطلاق مرحلة تدقيق الوثائق والمستندات - [ المرحلة العاشرة ]

اللي فهمته الى الان
تأخير الترشيح للرياض هو بسبب الموظفين " يبون خارج دوامات "
تأخير اعلان مواعيد التدقيق للمناطق الاخرى سببه " مالقينا فنادق "
؟؟؟؟؟؟؟

ودي اقول شيء عرفته من شوي بس اخاف تطبون في بطني ههههه
بس قبل شوي كلمت هشام مسؤول حجز الفنادق في مداريم كراون وقال ان الوزارة حاجزة معهم في تاريخ 22 نوفمبر الموافق السبت لمدة 3 ايام
انا استنتجت انه الملتقى بس احترت هو حقنا او حق الدارسين على حسابهم الخاص فكلمت وحدة من البنات ولد اختها من الدراسين على حسابهم الخاص وطلع ملتقاهم في يناير
يعني احتمال كبير ملتقانا بيكون قريب تفائلوا خيرا وانبسطوا

للتأكيد : اتصلوا على الفندق 0112758888
وطلبوا حجز القاعات وبيعطونكم رقم جوال هشام مسؤول الحجوزات واسألوه متى حاجزين معكم الوزارة

ملف مرفق 36218
🙈🙊🙊

🙊🙊🙉

ريلاكس ...البقيه في الطريق

طيب لو بغيت اغير لطب في اوروبا اقدر ؟

مدري ليش أحس هالحجز مو لنا هههه لان الملتقيات بعد ماتنتهي مراكز التدقيق كلها بكل المدن جده الخبر المدينه أبها
ولاحظي للحين مافيه اي خبر عن تدقيق المركز التالي
بحكم ظروف عمل زوجي اخترت أطابق اوراقي في أبها واتصل امس بالفندق اللي كل سنه فيه التدقيق وقالوا لسا الوزاره ماحجزت !
تحطمت ليتني خلصت اوراقي بالرياض فترة تواجدي عند أهلي لكن لعل في الأمر خيره ان شاء الله

اختي انا حاليا موظفة وخلصت عقد التجربة ٣ اشهر وحاليا في عقد معهم مدة سنه.

في مدة عقد التجربة ثلاث شهور يحق لطرفين انهاء العقد من غير سبب ومن غير سابق انذار، في عقد السنه يحق لك الاستقالة ولكن لازم تقدمينها قبل بشهر وكل شركة تختلف شروطها ( انا شركتي في العقد حاطين الانذار قبل بشهرين)

اذا كان القصد عشان تجمعين فلوس راح تكفيف الثلاث الشهور ان شاء الله وافصلي بعدها ولا راح يتاثر شيء ان شاء الله .
والابتعاث ماراح ياثر فيه وظيفه في قطاع خاص انا طابقة وانا موظفة ولله الحمد تغيرت حالتي، توكلي على الله واستخيري .

هنا الجدول تبع الدارسين على حسابهم الخاص في موقع الوزاره تاكدوا منهم .. احتمال كلامك صحيح

https://safeer.mohe.gov.sa/sites/stu.../ADFile35.aspx

دقيت عليهم قالو لي نفس الكلام بس الوزارة للحين ما اكدت على الحجز ،
اتوقع يبدون في ملتقياتنا ويخلصونا

اختي انا نفس وضعها بالضبط ومتردده للان ماوقعت العقد لان ودي الاشهر الاولى اسافر هل قصدك خلال فتره التجربه اللي هي ٣ شهور يحق لي اتركهم باي وقت ؟ امما اذا وقعت عقد سنه لازم اعطيهم خبر قبلها بشهر ؟

عقد التجربة :- تقدرين تخلينهم في اي وقت من غير سابق انذار.

العقد الثاني اللي بعد ثلاث شهور :- لازم تعلمينهم قبل بشهر (في اغلب الشركات)

ممكن يكون العقد واحد يجمع الاثنين يعني من انتهاء فترة الثلاث شهور يتمدد ويصير عقد سنوي.

ولكن معروف نظاميا فترة ثلاث شهور لك ان تتركينهم ولهم ان يتخلون عنك.

بالتوفيق