انطلاق مرحلة تدقيق الوثائق والمستندات - [ المرحلة العاشرة ]

المكان حسب اختيارك في استمارة التسجيل عند التقديم ...لكن باستطاعتك الحضور في اي ملتقى اهم شي ( احضري ١٠٠٪) او عند الاعلان من قبل الوزارة لتلقي رغبات التحويل لمراكز اخرى

والله شكلها سحبهه بيرفكت 😂❤️

الحال من بعضه ي أختي انا مثلك متخرج من جامعه داخليه مش مبتعث وليا ست أشهر عاطل لا شركه ولا فندق وظفني والسبب اني متخرج من جامعه توها ناشئه وماعندي لغه والي جاي من جامعة الملك عبدالعزيز ومعدله اقل من معدلي وظفوه لان عنده لغه وجاي من جامعه معروفه😭😭😭😭😭😭😭😭😭😭

ايه نزلت مواعيد الملتقيات ومحديدن المكان واليوم والتاريخ بس باقي الوقت ماحددوه
واتوقع انهم راح يعلنو في الايام القريبه عن الية الحضور وهل نحجز مثل التدقيق او لا
بس شيء حلو اذا بنطلع على يناير وهذا الي اغلب الشعب يبغاه

بسيطه وتاخذيها بنفس اليوم الوكاله
تروحي لاقرب محكمه وتدخلي لهم مع ابوك او اخوك وتسوي له وكاله خاصه او عامه وتاخذيها بنفس اليوم

عزيزتي اليوم أنا استخرجت صك الوكالة ما أخذ ربع ساعة وكاتب العدل يعرف الصيغة
يروح ولي أمرك مع بطاقته وبطاقة العائلة وبطاقة المرافق أو صورة منها ويستخرجها لك
واليوم كاتب العدل سألهم عن الدولة لكن ماكتبها في الصك خلى الصيغة عامة

السلام عليكم
عندي سؤال دحين انا اسمي في الشهادة خطأ اغيرو قبل التدقيق بما انهم ياخذوا الشهادة الاصل ولا لا؟

وعليكم السلام
اتوقع ماعاد فيه وقت لو غيرت سابقاً كان أفضل لكن لو يمديك لا مشكلة .. عموما هي تؤثر فقط عند تقديم الجامعات

أخيرا لقيت شخص مو مستعجل على البعثة والمعهد والله زيك يالغالي

وانا مستغرب كثير مستعجيل ويبغو يروحو يناير بداية السنة ...... ترا الدنيا موطايرة غير الي عنده ظروف الله يعينه ... بس في التأني السلامة .

وكمان عادي يالغالي تقدر ماتصدر قرارك حتى السنة الجاية كمان وماتبداء الدراسة حتى الترم الاول من السنة الجاية عادي مافي اي مشكلة وهذا الي حاصل حتى المرحلة التاسعة اصدقائي من المرحلة التاسعة على مهلهم ذوبو بيروح وبيداء الدراسة في يناير

والبعض بيأخر الموضوع كمان
وهذا الصح بالذات الي ماعنده أحد يصرف عليه وماعنده شبكة أمان مالية يشتغل على نفسه اي وظيفة ويلم له مبلغ مالي يكون دايما معاه في حسابه راح يساعده اول مايوصل برا وكمان يجلس معاه لزمن والله عالم ايش بيصير .

.....والتاخير مافيه اي مشكلة وان شاء الله هالكلام برضو مايكون مختلف في هالمرحلة وعلى فكرة في الملتقايات زي ماقالو الزملة انه راح تسمع انواع التهديدات انه ممنوع تتاخر وممنوع تجلس بعد ماتخد الضمان المالي .

انا كدا ولا كدا ماراح اطلع بيناير ,,,بس جد مره مبدرين المواعيد,,,بالنسبه للوقت يارب يكون من العصر لليل مو الصباح

ياجماعه بطلب من المشرفين الله يجزاكم خير تحطوا موضوع السبت يعني تفتحوا موضوع يخص الملتقيات يسير اي احد راح الملتقى يقلنا اش صاااااااااااارر من تغيير تخصص او دوله او محررررررررررم يعني رضيوا ولالا واهم شي التخصصص يارب يكون التغيير بالملتقيات

وشكرا