انطلاق مرحلة تدقيق الوثائق والمستندات - [ المرحلة العاشرة ]

اليوم طابقة اوراقي ورحت قبل موعدي ودخلوني ولله الحمد، سهل جدا مايحتاج التوتر

اول شيء طباعة الموعد ، تدخلون على حسابك وتطبعين الصفحه.
كل الاصول اللي بذكرها تجبينها مع صورة للمرحلة الماجستير ( للاسف ماكنت ادري بس الحمدالله موفرين طابعه بس طولت احسن لكم تجيبون الاغراض كاملة)
- بطاقة احوال المبتعث وصورة منها
- بطاقة احوال المحرم وصورة منها
- جواز المبتعث وصورة منها
- جواز المحرم وصورة منها
- صك الوكالة وصوره منها (جبتها احتياط واطلبوها)
- موافقة ولي امر وصورة منها ( نموذج موافقة المرحلة العاشرة لان وحدة جنبي قدمت القديمه ورجعوها تجيب الجديدة)
- شهادة البكالوريس وصورة منها
- سجل الاكاديمي وصورة منه
- طباعة الطلب


اول ماتدخلون يطلبون بطاقة الاحوال + صورة الموعد
بعدين للاستقبال تشوف اوراقك وتبين ورقة نموذج طلب المطابقة وتشوف اوراقك والصور منها وتحط الصور في ملف وتقولك ادخلي داخل.

تروحين للمطابقة رقم ١ تاخذ الملف الصور وتطلب من الاصول ،
اذا خلصتي تروحين لمطابقة رقم ٢ ونفس الحكاية تاخذ الملف وتسال عن الاصول ورقه ورقه

المهم الصور تكون واضحه واوراقك كاملة، اسلوبهم جدا لطيف وماقصور ماشاء الله .



ان شاء الله ما اكون نسيت شيء

ياااااااااااااااجماعه عشان تعم الفائده للجميع اللي راح يروح المطابقه اليوم او بكرا او

يسأل اهل الخبره وقت التدقيق عن 1- تغيير التخصصصصصصصصص متى بالامكان

2- تغيييييييييييييييير الدوله هل وقت التدقيق او ملتقيات او او


وتعالووو خبرووووونا هنااااااااااااااااااا ولكم منا جزيل الشكررررررررررر

ايه ، الاصل وصورة منها .
وجواز وبطاقة المرافق كلها إلزامية

الله يكتب لك التوفيق في خطواتك الجايه .. 🌹

بسألك لو وحده مرت عليك تبي تغير محرمها قبل مطابقة اوراقها !؟ يمديها تغير المحرم ! 😰

السلام عليكم
وش هي صورة للمرحلة الماجستير؟
هل هي مطلوبة لكل المراحل ولا فقط الماجستير؟

الله يجزاك خير .. ماقصرتي يا سانسا
أستغرب من عدم توضيح الوزارة لمتطلب ضروري مثل هذا ؟
كنا نعتقد أن الوزارة وبسبب بيان وكيل البعثات الأخير أن التدقيق سيقتصر على ماتم رفعه أثناء التسجيل
وأن تلك الصكوك الشرعية لن تطلب للمطابقة !
شكراً لاضافتكم حقيقة.

فيه احد جرب يدقق جوازه وهو باقي عليه اقل من سنه ؟؟رفضوه ولا مشوا اموره ؟؟