نتائج الاعتراض + حالات معلقة حتى الان - [ المرحلة العاشرة ]

طيب واللي متعلقين وش صار عليهم 😔

السلام عليكم
وش الوضع انا للحين تحت الاجراء فيه احد ردوا عليه والا تغيرت حالته تكفون انتظر ردودكم
مررررررررره الوضع لا يحتمل ع اعصابنا من متى واحنا ننتظر ..
بس السؤال الاهم لو لا قدر الله وصار رفض للاعتراض فيه شي نقدر نسويه والا خلاص ؟؟
لا تسكتون تكفون صار يخوفني سكوتكم

مجبورين نسكت ،، ما نقدر نقول شي

مالنا الا نصبر ،،

الله كريم ،،

اللي راحوا للوزارة وش صار عليهم

السكوت الان فقط الين تظهر نتائج الاعتراض. كل الي راحوا وسألوا ردوا عليهم بالانتظار الين تظهر النتائج. واضح انهم ماهم يمنا الحين. شوفوا المسخرة والعشوائية الي حاصلة في ملتقيات الرياض الان!!

ننتظر أحسن من انهم يستعجلوا الان وما يدققوا صح مرة ثانية... لو لا سمح الله ما ظهرت بالقبول بعد كل هالانتظار أنا اول واحد في الوزارة الصبح ما اخرج الا بالقبول إن شاء الله!!!! 💪💪💪

الله سبحانه حرم الظلم على نفسه وجعله بيننا محرم يعني ما نرضى تمشي دنيتنا على ظلم أشخاص ما كلفوا أنفسهم يقرأوا شهاداتنا بشوية تمعن لا أكثر.

لكن الله يجيب العواقب خير ويأجرنا عن صبرنا ويبشرنا بالقبول عاجلا غير اجل امين.

فعلاً هو حآصل ظلممممم وظلمممم كبير بعد .. لكن أيقن تماماً ان حقك بتاخذه نصيبك رزقك الي ربي كاتبه لگ بتاخذه غصباً عن اگبر راس ..

مآفي بعد الظلم اللي حصلي يقبلون ناس اقل مني معدل ونفس تخصصي ورفضوني بسبب المؤهل ..!!

تمزحي !!!!!!!!!!!!!!

هههههه ليه امزح ..!! عمرك شفتي احد يفتري على نفسه !!

وربي هذا اللي حصل ..😴

اصلا في القبولات فساد في وحده بالثلاثين تقول صديق زوجي يشتغل بالبعثات يقول بس زوجتك تخلص الانتساب بالجامعه ابجيب لها القبول للماستر واخليها تروح بعثه وسبق وجاب لقرايبهم وكلهم مش مطابقين الشروط
انا مادري اذا هي صادقه او لا بس ذا كلامها
حاجه تقهر
بس دامنا مطابقين لنا الحق بالقبول

والله عندنا احلام وطموح و عندنا امل و معدلاتنا كويسه ومطابقين للشروط الا الامتداد المفروض فيه حل مو معقوله كذا مالها حل تتبخر احلامنا بمجرد قرار والله ظلم اللي يصير ،،،
وهين نظام الواسطات ماشي في كل شي وش ذنب اللي ماله واسطه ؟؟